Cebuano Responsibility

Kita mahimo nga kapaninglan ug responsable sa atong kaugalingon nga buhat o kakulang sa pagbuhat, sa atong pag-uyon o paghilium, sa atong relasyon sa uban o sa kakulang niini, ug sa atong pagpakig-uban ug pakighiusa sa uban.

“Kay kinahanglan kitang tanan igapadayag sa atubangan sa hukmanan ni Cristo, aron ang tagsatagsa makadawat sa mga butang nga nabuhat pinaagi sa lawas, sumala sa iyang paggawi kong maayo ba o dautan.” 2 Corinto 5:10.

“Ug nakita ko ang mga minatay, mga dagku ug mga gagmay, nga nagatindog sa atubangan sa trono. Ug gipamuklad ang mga basahon, ug may laing basahon nga gibuklad, nga mao ang basahon sa kinabuhi: ug ang mga minatay gipanghukman, ingon sa mga butang nga nahasulat sa mga basahon sumala sa ilang mga buhat. Ug ang dagat mihatag sa mga minatay nga diha kanila: ug kini sila gihukman, ang tagsatagsa sumala sa ilang mga buhat.” Pinadayag 20:12-13 (tan-awa usab ang Daniel 7:10).

“Kini mao ang katapusan sa butang; ang tanan nadungog na: Kahadloki ang Dios, ug bantayi ang Iyang mga sugo; kay kini mao ang tibook nga katungdanan sa tawo. Kay pagadad-on sa Dios ang tagsatagsa ka buhat ngadto sa paghukom uban ang tagsatagsa ka tinago nga butang bisan ang maayo o dautan.” Ecclesiastes 12:13-14 (tan-awa usab ang Pinadayag 22:11-12; Mateo 16:27; 22:11-17; Salmo 9:7-8; 50:4; Sofonias 1:12; Roma 2:6, 9, 12-16; Buhat 17:30-31; Marcos 13:34; 2 Corinto 11:15).

Bisan pa sa kayano sa mga bersikulo nga gihisgutan, daghan ang buot molikay gikan sa ilang kaugalingon nga kapangakuhan sa ilang pagsupak sa balaod sa Dios ug mga sala nga nahimo, pinaagi sa nagkalainlain nga mga pamalibad.

Ang uban nagapamalibad sa ilang sala sa pag-ingon. “Mao kini ang akong pamaagi”. Ang uban nagaingon, Mao kini ang pamaagi diin ako nagtubo”. Adunay uban, “Ako ilalum sa tumang kabug-at, ug ang malisud nga mga panghitabo nakapasugot kanako!” Ang mga batan-on nagagamit niini nga pamalibad, “Ang yawa nagsugo kanako sa pagbuhat”. Ug kini nagapadayon ngadto ngadto. Apan walay pamalibad sa sala tungod kay ang sala gihimo pinaagi sa pagpili!

“Walay tawo nga makahangyo sa iyang kahimtang, sa iyang edukasyon, o sa iyang taras, isip pamalibad sa pagkinabuhi diha sa pagpakigbatok sa Dios. Ang makasasala mao siya pinaagi sa tinuyoan nga pagpili.” Signs of the Times, March 9, 1882 (vol 1, p. 290) tan-awa usab October 14, 1880; June 16, 1890).

“Ang pinakakusog nga pagsulay dili pamalibad sa sala. Bisag unsa ka lisud sa kabug-at nga imong giantus, ang sala imong kaugalingong buhat. Ang nakapalisud mao ang wala mabag-o nga kasingkasing.” Adventist Home, p. 331.

“Wala diha sa gahum ni Satanas ang pagpugos ni bisan kinsa sa pagpakasala. Ang sala kaugalingong buhat sa makasasala. Sa wala pa ang sala diha sa kasingkasing, ang pag-uyon sa kabubut-on kinahanglan ikahatag, ug sa kini ikahatag na, ang sala magmadaugon, ug ang impiyerno nagakalipay. Apan walay pamalibad sa sala madaku man kini o magamay.” Signs of the Times, December 18, 1893 (vol 3, p. 85) (tan-awa usab ang Maranatha, p. 82 ug 225; Testimonies, vol 4, p. 623; This Day with God, p. 318; Manuscript Releases, vol 20, p. 385-86).

Ang uban nagapahigawas sa ilang kaugalingon gikan sa kaugalingon nga kapangakuhan pinaagi sa pag-angkon sa pinakadaku nga limbong nga gituohan, nga: “Si Cristo nakatuman na sa balaod sa Dios alang kanako, busa dili na kinahanglan nga magsubo sa akong mapadayonon nga pagpakasala.” Apan ang Dios sa tin-aw nagsulti kanato:

“Madungog ninyo ang singgit ‘Tumuo lang’. Si Satanas nagtoo ug nagkurog. Kita kinahanglan nga makabaton ug pagtoo nga nagabuhat diha sa gugma ug nagaputli sa kasingkasing. Ang hunahuna nagadaug nga si Cristo nakabuhat sa tanan alang kanatong tanan, ug kita makapadayon sa pagsupak sa mga balaod ug dili pagapaninglan niini. Kini mao ang pinakadaku nga limbong nga nahimo sa kaaway.” Selected Messages, book 3, p 153.

Kamatuoran niana, ang matag ministro, pangulo sa iglesia, ug ang matag-usa nga nagapatoo uban niining daku nga limbong - nga ilang ikasalikway ang bahin sa sugo sa Dios - kapaninglan sa tanang sala nga nahimo sa matagusa nga mingtoo kanila!

“Kadtong nagapakigdumog sa Kasulatan sa paglaban sa sayop, sa hilabihan nakapasipala sa Dios, ug sa adlaw sa pagkuhom, sila pagapaninglon sa pagkamalapason niadtong tungod sa ilang hiwi nga pangatarungan nadala ngadto sa pagsalikway sa balaan nga balaod.” Review and Herald, August 13, 1959 (vol 6, p. 526).

Kita nagapili sa pagsunod sa dalan sa kaaway o sa dalan sa Dios. Walay lain nga kapilian, ug bisan hain niini nga gahum ang magapugos kanato sa pagtuman kanila. Busa kita lamang ang adunay tulubagon sa atong pagpili sa atong pagpakasala.

Kita wala ipakatawo nga mga makasala, apan natawo nga adunay kahilig ngadto sa sala tungod sa hulog nga kinaiya nga nadawat gikan kang Adan. Kini sa tukma mao ang kinaiya nga gikuha ni Jesus sa Iyang kaugalingon sa pagpakatawo.

“Kay sa pagkamatuod, dili sa mga manolonda siya naghatag ug tabang, kondili nagahatag siya ug tabang sa kaliwat ni Abraham. Tungod niana, kinahanglan siya mahimong sama sa iyang mga igsoon sa tanang mga butang, aron mahimo siyang maloloy-on ug matinumanon nga labawng sacerdote sa mga butang nga mahitungod sa Dios, sa paghimo ug halad sa pasig-uli, alang sa mga sala sa katawohan.” Hebreohanon 2:16-17.

“Diha sa pagmando sa Dios nga si Cristo magadala diha sa Iyang kaugalingon sa dagway ug kinaiya sa hulog nga tawo, aron Siya mamahimong mahingpit pinaagi sa pag-antus, ug sa Iyang kaugalingon magalahutay sa kusog sa mabangis nga mga pagtintal ni Satanas, aron Iyang masabot kun unsaon pagtabang niadtong pagatintalon.” Sprit of Prophecy, vol. 2, p. 39 (tan-awa usab: SDA Bible Commentary, vol 4, p. 1147: vol 6. p. 1074; Review and Herald, February 24, 1874, November 24, 1904).

Ang sala atong kaugalingong pagpili. Dili kita makabasol ni bisan kinsa, o makapamalibad sa atong pagpili sa pagpakasala, tungod kay walay pamalibad alang sa sala. Bisan si Satanas sa iyang kaugalingon dili makakita ug bisan unsa nga pamalibad sa pagmunga sa sala.

“Walay pamalibad sa sala. Mao kini ang katapusan nga paghukom kang Satanas ug sa iyang mga manolonda nga sa dihang ang Dios magapangutana, “Nganong nabuhat ninyo kini” dila sila makatag ug rason. Ug sa katapusan nga adlaw ang makasasala makig-atubang sa ilang sala, ug pangutan-on, “Nganong misupak kamo?” Ang tanang baba mahilom. Ang makasasala magabarug nga walay tingog atubangan sa Dios.” Review and Herald, September 24, 1901 (vol 4, p. 337).

Kita ang nagapili sa atong makasasala nga kinaiya - kini wala ihatag kanato sa dihang kita gihimugso. Kini atong nabatnan pinaagi sa pagpili nga atong gihimo sa nagkalainlain nga hitabo. Ug kita makahimo sa pagdawat kang Jesus ug moundang sa pagpakasala pinaagi sa Iyang grasya ug kusog o mahimo nato ang pagsalikway kang Jesus ug mogunit sa atong mga sala. Mahimo natong pilion ang usa, apan dili nato mahimo ang pagdawat sa duha.

“Ang Manluluwas nag-ampo alang sa Iyang mga tinun-an, ‘Balaana sila pinaagi sa kamatuoran: Ang Imong pulong kamatuoran’. Apan kung ang nagadawat sa kahibalo sa Biblia dili makahimo ug kausaban sa iyang batasan o buhat nga mahitukma sa kahayag sa kamatuoran, unsa man? Ang espiritu nagapakigbatok sa unod, ug ang unod batok sa espiritu; ug usa niini ang makadaug. Kung ang kamatuoran nagabalaan sa kalag, ang sala gikasilagan ug gilikayan, tungod kay si Cristo gidawat isip pinasidunggan nga bisita. Apan si Cristo dili makaambit sa nabahin nga kasingkasing; ang sala ug si Jesus dili magakauban.” Testimonies to Ministers, p. 160.

Mao nga ang sala atong pagpili ug walay pamalibad nga atong ikahatag niini. Apan pinaagi kang Jesus atong madaug ang tanang sala ug makalingkawas sa kaugalingon nga kapangakuhan. (Alang sa dugang kahibalo kung unsaon pagdaug sa personal nga sala palihug sulat alang sa balasahon, ANG KABUBUT-ON! Ang Imong Gahum Sa Pagpili sa address nga gihatag sa atubangan niini nga balasahon).

*Dili lang kay kita adunay tulubagon sa kahibalo sa kamatuoran nga atong nabatnan, apan sa kahibalo nga wala nato hatagi ug pagtagad, ug sa kahibalo nga mahimo pa natong mabatnan (tan-awa Review and Herald, July 10, 1879; May 27, 1890; February 28, 1899; Temperence, p. 114; Testimonies, vol 5, p. 280; 1888 Materials, p. 1348).

“Kadtong adunay kahigayunan sa pagpaminaw sa kamatuoran, ug wala magtinguha sa pagpaminaw ug pagsabut niini, naghunahuna nga kung sila dili makadungog, dili sila manubag, pagahukman nga nakasala atubangan sa Dios sama nga sila nakadungog ug nagsalikway. Walay pamalibad alang niadtong nagalakaw sa sayop nga mahimo man nila ang pagsabut kung asa ang kamatuoran....

“Kadtong sa kinabubut-on nagabutang sa ilang kaugalingon sa dapit diin sila dili makabaton ug kahigayunan sa pagpaminaw sa kamatuoran, mahiapil niadtong nakadungog sa kamatuoran, ug sa mapadayonon nagsupak sa iyang mga pamatuod.” Review and Herald, April 25, 1893 (vol 3, p. 42) (SDA Bible Commentary, vol 5, p. 1145).

*Kita adunay tulubagon usab sa pagsunod sa kamatuoran sa Dios "nagapakita sa kalibutan kung unsa ang tinuod nga panghunahuna sa Cristianismo - unsa ang pagbaton sa sama nga kinabuhi ug kinaiya ni Cristo.” Fundamentals of Christian Education, p. 298-99.

*Kita - ilabi na ang mga ministro - adunay tulubagon sa kinabubut-on nga walay kahibalo ug walay pagtagad sa walo ka pamalaod sa maayong panglawas ug kinaiyahan. (tan-awa Temperance, p. 169; Counsels on Health, p. 205-06) ug sa kadaut nga nahimo sa atong lawas (tan-awa Youth’s Instructor, August 24, 1893, September 14, 1893).

*Kita adunay kapangakuhan sa grasya ug pagsalig nga gibutang sa Dios kanato, ug sa talento ug mga gasa nga Iyang gihatag kanato. (tan-awa Mateo 25:14-30; Review and Herald, April 21, 1896; April 9, 1901; Youth’s Instructor, June 8 & 15, 1893, August 5, 1897, Christ’s Object Lessons, p. 373; Publishing Ministry, p. 233; SDA Bible Commentary, vol. 5, p. 1100; Signs of the Times, November 20, 1884).

“Kita sa tagsatagsa adunay tulubagon sa pagbuhat sa labing gamay nga butang nga kulangan sa katakus nga gihatag sa Dios kanato.” Review and Herald, April 24, 1883 (vol 1, p. 351) (Christ’s Object Lessons, p. 362-63).

*Kung ibutang nato ang atong kaugalingong pamaagi sa buhat nga gihimo alang sa Dios, nan kita adunay kapangakuhan sa unsa man nga nabuhat, ingon man sa “tanang kadautan nga namugna niana.” Manuscript Releases, vol 4, p. 137 (tan-awa usab General Conference Daily Bulletin, February 23, 1899).

“Kinahanglan atong pauswagon ang atong kahibalo, ug kita adunay kapangakuhan sa pagpauswag niini. Sila nga balaanon nga tinugyanan sa butang, ug kung kini dili nato gamiton sa husto nga pamaagi, kung dili nato tudloan ang atong kaugalingon sa pagsalig sa Dios sa pagtoo ug pagbuhat sa Iyang pulong, kita adunay tulubagon.” Review and Herald, March 16, 1911 (vol 6, p. 112) (tan-awa usab Youth’s Instructor, January 11, 1894, Review and Herald, March 7, 1893, April 25, 1893; Testimonies, vol 4, p. 468-69).

“Dili lang kay kita adunay tulubagon sa atong mga nabuhat nga butang, apan ingon man usab sa mga butang nga wala nato mabuhat. Kita manubag sa wala nato maumol nga kinaiya, ang wala nato mapauswag nga mga oportunidad.” Review and Herald, September 22, 1891 (vol 2, p. 519) (SDA Bible Commentary, vol 7, p. 987; That I May Know Him, p. 93).

*Kita manubag sa mga maayo nga angay natong nabuhat “apan napakyas sa pagbuhat” tungod kay kita “wala mag-amping ug tapulan sa pagkabot sa kahibalo sa kabubut-on sa Dios.” Review and Herald, May 1, 1883 (tan-awa usab May 1, 1888; Youth’s Instructor, December 21, 1893; January 2, 1896).

*Kita adunay resonsibilidad sa paggamit sa mga pagkabutang - apil ang ikapulo, sa uban nga mga butang gawas sa gitagan-an niini (tan-awa Spalding and Magan Collection, p. 178; Testimonies, vol 2, p. 518; Testimonies vol 9, p. 246-50; Testimonies, vol 6, p. 387). (Alang sa dugang pagtuon sa suheto sa ikapulo, palihug sulat alang sa balasahon: The Issue of Tithe, sa address nga gihatag sa atubangan niini nga balasahon).

“Ang kasubo sa Dios nadagkutan alang niadtong nagaangkon nga Iyang mga sumusunod, apan nagatugot sa mga matinumanon nga mga magbubuhat nga mag-antus sa panginahanglan niini nga kinabuhi samtang anaa sa buhat sa pagsangyaw. Kining mga dalo magahatag ug husay, dili lang sa wala nagakaigo nga paggamit sa salapi sa Ginoo, apan sa kasubo ug kasakit sa kasingkasing nga gidala sa ilang buhat sa Iyang mga matinumanon nga magbubuhat.” Acts of The Apostles, p. 340.

*Kung kita nagatudlo sa bakak ug sayop mahitungod sa bisan asa niining tulo ka Bililhong Persona sa Godhead, nan kita adunay tulubagon sa “daku nga pagpasipala sa Dios.” Spalding and Magan Collection, p. 332.

*Kung dili nato ipahat ang mga kamatuoran nga atong nahibaloan ngadto sa uban, ug kini sila mawala tungod niini, ang ilang dugo anaa sa atong mga abaga (tan-awa Acts of the Apostles, p. 393-94; Review and Herald, August 23, 1908; Christian Service, p. 196; Testimonies, vol. 6, p. 331-32; Testimonies, vol 9, p. 86-87; Signs of the Times, August 14, 1901).

*Kita adunay kapangakuhan sa unsa man nga epekto sa impluwensiya, sa pulong, sa buhat ug panghunahuna ngadto sa uban (tan-awa Patriarchs and Prophets, p. 556; Medical Ministry, p. 202-03; Signs of the Times, October 8, 1885).

“Kita ania sa taliwala sa kadautan ning katapusang mga adlaw, ug niining dautan nga panahon ang matag-usa adunay kapangakuhan pinaagi sa Balaan nga Espiritu alang sa iyang kaugalingon nga kahimtang atubangan sa iglesia ug kalibutan.” 1888 Materials, p. 453.

“Kita mahimo nga magdala sa uban ngadto sa kalipay ug walay katapusan nga kinabuhi, o paubas ngadto sa kasakit ug walay katapusan nga kamatayon. Ug kung pinaagi sa atong buhat atong mapalig-on o mapugos sa paglihok ang dautan gahum niadtong mga nagalibot kanato, kita nakigbahin sa ilang sala.” Conflict and Courage, p. 201.

*Kita adunay tulubagon tungod sa walay pagdumili sa kaugalingon ug pagsakripisyo sa kaugalingon sa “pagpahat sa labing nagkinhanglan ug mga nanag-antus” sa mga panalangin ug pagpadasig - nga nagapaningkamot sa pagpagaan sa panginahanglan niadtong takus sa pagbuhat ug maayo alang kanila.

“Ang walay pagpili nga pagpanglimos sa kasagaran labi pang makadaut kay sa pagtabang. Kini sa kasagaran nagadasig sa katapol ug nagadaut sa pagrespeto sa kaugalingon.” Manuscript Releases, vol 4, p. 9-10.

*Ang mga ministro “mailalum sa pagkahinukman sa sala sa uban nga katawohan” kung sila dili magpasidaan niadtong wala nagagamit sa husto nga paagi sa ikapulo (tan-awa Counsels on Stewardship, p. 86-87 & 106).

*Ang bisan kinsa nga anaa sa dapit sa katungdanan nga nagapili sa pagsunod sa ilang kaugalingon paagi, “adunay kapangakuhan sa mga sayop niadtong gipasalaag pinaagi sa ilang ehemplo.” Review and Herald, September 14, 1905.

*Ang mga ginikanan adunay kapangakuhan sa kaluwasan ug maayong panglawas ug paghatag ug husto nga leksiyon sa ilang kabataan (tan-awa Notebook Leaflets, p. 78; Review and Herald, December 24, 1889; September 10, 1895; September 15, 1904; Signs of the Times, February 9, 1882; August 23, 1899; Testimonies, vol 4, p. 138).

*Ang mga magtutudlo adunay kapangakuhan sa binuang nga panulti, ug pagkatawa, ang walay bili nga panulti, ug dili mabadlong nga espiritu nga gitugutan nga mahitabo ug makaapekto sa mga pamatan-on (tan-awa E.G. White Biography, vol 4, p. 310).

*Kung atong makita ang usa ka igsoon nga nakasala, ug ang sala wala nato ipahibalo kaniya, nan kita umalambit sa iyang sala (tan-awa Levitico 5:1, 19:17, Ezequiel 33:8-9, Signs of the Times, November 24, 1881), ug mga umalambit usab sa bisan unsang kadaut nga mamugna tungod niini nga sala.

“Kadtong adunay diutay nga kaisug sa pagbadlong sa sala, o pinaagi sa katapol o kakulang sa interes wala naningkamot sa makugihon sa pagputli sa panimalay o sa iglesia sa Dios, adunay tulubagon sa kadaut nga mahitabo tungod sa ilang pagsalikway sa katungdanan. Kita adunay sama nga kapangakuhan sa mga kadaut nga ato untang natul-id diha sa uban sa pagbuhat sa atong katungdanan isip ginikanan o magbalantay sa panon sama nga ang buhat atua.” Patriarchs and Prophets, p. 578 (tan-awa usab Desire of Ages, p. 441).

“Kung ang mga sayop dayag diha sa Iyang katawohan, ug kung ang mga sulugoon sa Dios magalabay nga walay pagtagad kanila, sila sa pagkatinuod nagatabang ug nagapakamatarung sa makasasala, ug nga sama nga nakasala ug mahisama nga magadawat sa kapungot sa Dios; kay sila adunay tulubagon sa mga sala sa makasasala.” Testimonies, vol 3, p. 265-66.

*Kung kita dili magahatag sa trumpeta sa husto ug tinuod nga tingog sa pasidaan - uban sa paghatag sa mga ngalan sa dautang mga tawo (tan-awa Manuscript Releases, vol 12, p. 3-4; 2 Timothy 4:14-15; 1 Timothy 1:20; 2 Timothy 1:15, 2:17, 4:10) nan kita adunay tulubagon sa matag kalag nga mawala tungod sa atong pagkadili matinumanon (tan-awa Ezekiel 33:2-6, Youth’s Instructor, December 21, 1893; Testimonies to Ministers, p. 405).

*Kung atong tugutan ang si bisan kinsa nga ministro nga magkinabuhi sa dayag nga sala ug nagdumili sa paghinulsol, sa pagbarug sa balaan nga pulpito sa atong iglesia ug magsulti ug magwali kanato, nan kita mahimong kabahin sa iyang sala (tan-awa Pamphlet #28, p. 17; Series A #1b, p. 23).

*Kung kita nagahatag sa atong suporta, bahandi ug mga panalangin sa bisan unsa nga Ministry o ministro nga nagakinabuhi sa dayag nga sala, o nagatudlo sa mini nga doktrina, nan kita nakasala sa pagsuporta sa iyang sala ug pagpakaylap sa iyang sayop, nahimong kabahin sa iyang dautan nga buhat, ug ang kaalaut sa langit ania kanato!

“Ang si bisan kinsa nga nagapakasala, ug dili magpabilin sa pagtolon-an ni Cristo siya wala nagabaton sa Dios....Kong may moabut kaninyo ug wala magadala niini nga pagtolon-an, dili ninyo siya pagdawaton sa inyong balay, ayaw siya pangumustaha. Kay ang nagapangumusta kaniya makaambit sa iyang mga buhat nga dautan.” 2 Juan 9-11.

“Adunay makahahadlok nga kalisdanan alang niadtong nagawali sa kamatuoran, apan wala mabalaan niini, alang usab niadtong nagauyon sa pagdawat ug nagapalungtad sa wala mabalaan sa pagwali kanila diha sa pulong ug doktrina.” Testimonies, vol 1, p. 261-62 (tan-awa usab Testimonies, vol 2, p. 552).

*Kung kita magapili sa pagduyog sa pagbati kauban niadtong anaa sa sayop, paglipay kanila diha sa ilang mga sayop sa baylo sa pagsulay sa pagtabang kanila ngadto sa paghinulsol ug pagsalikway niini, nan kita kabahin sa ilang sayop.

“Adunay mga lalake ug mga babaye nga nagatamay sa pagbadlong ug kansang mga pagbati magabatok niini. Dili makapahimuot nga kita pagasultihan sa atong mga sayop. Halos sa matag hitabo sa diin ang pagbadlong gikinahanglan, adunay uban nga sa kinatibuk-an dili makakita sa kamatuoran nga ang Espiritu sa Ginoo gipasubo ug ang Iyang buhat gipakaulawan. Kini nalooy niadtong nagkinahanglan sa pagbadlong, tungod kay ang kaugalingon nga pagbati nasamaran. Kining tanan nga wala mabalaan nga pagduyog sa pagbati nagabutang sa nagaduyog sa diin sila mga kabahin sa sala sa usa nga gibadlong. Sa siyam sa napulo ka hitabo kung ang usa nga gibadlong gipasagdan sa pag-ila iyang sayop, siya natabangan sa pagila niini nga sayop ug nareporma.” Testimonies, vol 3, p. 359 (tan-awa usab Testimonies, vol 1, p. 212-13).

*Kung atong panalipdan ang usa ka kriminal gikan sa matarung nga silot sa iyang krimen ilabi na sa kaso sa pagpatay - kung kita nahibalo nga sila nakasala, nan kita kabahin sa ilang sala (tan-awa SDA Bible Commentary, vol 2, p. 999).

*Kadtong nagapugas ug pagkabingkil, katahap, pagbahinbahin ug pagkuhom taliwala sa ilang kaigsoonan, magabaton sa dugo sa matag kalag nga napasalaag niining sayop nga mga hunahuna ug dili binalaan nga mga pulong - nagaapil bisan niadtong mga kalag nga nasalaag human sa kamatayon sa nagpasalaag kanila!

“Ang sayop nga pagtoo nga nahimo diha sa tawohanon nga panghunahuna mahimo nga magpabilin nga dugay human sa kamatayon sa nagbuhat niini.” Review and Herald, April 27, 1897 (vol 3, p. 460) (tan-awa usab Mind, Character and Personality, vol 2, p. 339).

*Kung kita magatabang sa usa nga andakan, garboso, o kawang, nan kita “adunay tulubagon sa Dios sa paglig-on kaniya diha sa makatalagmanon nga limbong” Spalding and Magan Collection, p. 333 (tan-awa usab Testimonies, vol 2, p. 181).

*Kung kita naapil sa bisan unsa nga paagi sa pagbuhat, sa pag-apudapud, sa pagbaligya, o sa pagdala sa uban sa pag-inom ug alak, nan kita adunay tulubagon sa tanang sala nga ilang nahimo samtang hubog! (tan-awa Review and Herald, May 22, 1892; Temperance, p. 28-29, 40-41; Ministry of Healing, p. 341).

*Kung kita magaapil sa pagboto sa usa ka tawo, bisan unsa nga partido ang giapilan, nan kita adunay tulubagon sa mga sala nga ilang nahimo samtang sila anaa sa sa ilang opinsina (tan-awa Gospel Workers, p. 391-396; Fundamentals of Christian Education, p. 475-86).

*Kung kita magaapil sa pagboto sa bisan unsa nga gilaraw nga balaod, nga makadala sa uban sa paglapas sa balaod sa Dios, ug kini mahimo nga balaod, nan kita adunay tulubagon niining mga sala nga nahimo (tan-awa Temperence, p. 255).

Apan ang nagkalainlain nga paagi sa diin kita mahimong may kapangakuhan sa sala dili lamang sa kaugalingon ug sosyal nga kapangakuhan. Kita mahimo usab nga adunay tulubagon sa mga sala sa uban tungod kay kita nakig-uban o nakighiusa kanila!

Ang katilingbanon nga kapangakuhan nasentro sa usa nga adunay tulubagon sa mga sala sa uban tungod sa ilang pakighiusa, pagkamembro, o pagpakig-uban sa pundok sa uban: sama sa mga iglesia, mga institusyon, mga organisasyon, ug uban pa, o usa kahiniusa nga katilingban. Mao nga ang usa ka binuhat nga nakig-ipon o konektado sa bisan unsa nga paagi sa pundok, sa iglesia, sa institusyon, o organisasyon adunay katilingbanon nga kapangakuhan sa mga sala nga nahimo sulod niana nga pundok niana nga kahimtang. Bisan kung ang usa sa kaugaligon wala makatabang sa pagbuhat sa sala nga nahimo, sa gihapon sila adunay tulubagon kauban sa ilang pundok tungod sa ilang pagpakig-uban o pakighiusa niining pundok nga katilingbanon.

Ang prinsipyo sa kamatuoran sa tin-aw gitudlo sa pulong sa Dios, nga makita sa duha ka paagi - ang mga sala sa pagkamembro nagahimo sa tibuok katilingban nga may tulubagon; ug ang mga sala sa mga pangulo makahimo sa tibuok katilingban nga adunay tulubagon; Atong susihon ang matag bahin niini.

Apan unsa ang gihimo ni Achan sa sugo sa Dios? Iyang gisupak ang Ginoo pinaagi sa pagkuha sa butang nga linaglag alang sa iyang kaugalingon, ug gitago kini ilalum sa iyang tulda, nga maoy hinungdan sa iyang pagbuhat sa sala. Siya lang ba ang adunay tulubagon niini nga sala? Dili, tungod kay ang mga sundalo sa Israel dili makabarug atubangan sa iyang mga kaaway, apan mingtalikod ug nangalagiw gikan sa katawohan sa Ai.

“Ang Israel nakasala; oo ug nakalapas ngani sila sa akong tugon nga akong gisugo kanila; oo ilang gihilabtan ang butang nga linaglag, ug sila nangawat usab, ug nagalimod usab, ug ngani kini gipanglukluk nila sa ilang kaugalingong putos. Sa tungod niini ang mga anak sa Israel dili makatinod sa atubangan sa ilang kaaway; manalagan sila gikan sa ilang mga kaaway, tungod kay sila nahimong tinunglo.” Josue 7:1, 11-12.

Kapin sa 36 ka mga tawo ang namatay tungod sa sala ni Achan, bisan pa kining mga tawohana wala magsupak sa ilang kaugalingon sa pagsupak sa Dios sa pagkuha sa linaglag nga butang! Nan, nganong namatay sila? Tungod kang Achan, nga kauban nila, nga bahin sa maong pundok o katilingban. Bisan pa si Achan lang ang nakasala, tungod kay siya sakop sa Israel, ang Dios nagisip sa tibuok katilingban sa Israel nga may tulubagon. Busa sa sala sa usa ka tawo, ang tibuok katilingban sa Israel may tulubagon ug nag-antus.

“Ang sala ni Achan nagdala ug kalaglagan sa tibuok nasud. Tungod sa sala sa usa, ang kasuko sa Dios modangat sa iglesia hangtud nga kining pagsupak masusi ug ikasalikway.” Patriarchs and Prophets, p. 494 & 497 (tan-awa usab Testimonies, vol 3, p. 265, 269, 517, vol 4, p. 491, vol 5, p. 676; Manuscript Releases # 449, p. 1-2).

Busa ang una nga bahin sa katilingbanon nga kapangakuhan mao nga ang mga sala sa membro, bisan kung kini kaugalingon, makapahimo sa tanang membro nga responsable. Apan unsa ang mahitungod sa sala sa mga pangulo - kadtong nagadumala ug nagakontrol sa pundok, iglesia, istitusyon, o organisasyon. Mahimo ba nga ang tanan nga sakop sa katilingban may tulubagon sa sala nga binuhatan sa ilang mga pangulo?

Ang kadaghanan kanato nasayod sa mga panghitabo nga nagalibot kang Abraham ug sa iyang asawa nga si Sara - ilabi na si Abraham nga nakigsulti kang Faraon ug hari Abimelek nga si Sara iyang igsoon nga babaye. Apan si Faraon ba lamang ug si hari Abimelek ang adunay tulubagon sa Dios sa ilang pagkuha kang Sara isip ilang asawa? Dili.

“Unya si Abraham gitawag ni Abimelek, ug iyang giingon siya: Unsa ba ang gibuhat mo kanamo? Ug diin ba makasala ako batok kanimo, nga nagdala man ikaw sa ibabaw nako ug sa ibabaw sa akong ginharian ug labing dakung sala?” Genesis 20:9.

Busa, tungod sa sayop nga mga buhat sa labing taas nga pangulo - ang hari o presidente - ang tibuok nasud nahimong responsable. Apan dili lang ang sala sa labing taas nga pangulo ang makapahimo sa katilingban nga responsable, kondili ang sala usab sa pangulo.

Ang Dios nagsugo kang Jeremias sa paglakaw ug pagsulti sa makusog, yano ug hait nga mga pulong sa katawohan sa Israel. Ang mga pangulo sa iglsia wala makagusto niini nga mensahe -- ilabi na ang bahin sa pagkahulog sa iglsia gikan sa grasya sa Dios ug protesksiyon, nga nahimong kabahin sa Babilonia, ug ilalum sa hingpit nga paggahum niini (tan-awa Jeremias 21:4-6, 27:2-6 & 12, 28:14, 32:3 & 28, 29:5-6 & 28, 37:9, 25:9-11).

Sa dihang nadungog ni Jeremias ang ilang mga gipamulong, siya nagingon nga mahimo nila kaniya ang buot nilang buhaton, apan gikinahanglan una nga mahibaloan nila ang importante nga prinsipyo. Siya nagsulti kanila niini nga prinsipyo:

“Apan hibaloi lamang ninyo nga sa pagkamatuod kong patyon ninyo ako, magadala kamo ug dugo nga inocente sa ibabaw sa inyong kaugalingon, ug sa ibabaw niining ciudara, ug sa ibabaw sa mga pumoluyo niini...” Jeremias 26:15.

Busa dili lang kay ang mga pangulo ang adunay tulubagon sa kamatayon ni Jeremias, apan ang iyang dugo pagapaninglon sa ciudad o sa iglesia, ug sa tanan nga nagapuyo o membro niini! Busa sa malapason nga buhat sa mga pangulo, ang tibuok katilingban -- membro ug ang tanan - mahimo usab nga responsable.

Apan kinsa kadtong sa tinuod nagpatay kang Jesus? Ang labing taas nga mga pangulo sa iglesia kauban sa gobierno sibil sa Roma. Apan si Pedro nagsulti nga ang tanang sakop sa iglesia sa Judio nakasala sa paglansang sa Ginoo - bisan pa kadtong wala nakaila kang Jesus! Busa dili lang ang mga pangulo sa iglesia ang adunay tulubagon sa mga saa nga nahimo sa anaa sa katungdanan, apan ang tibuok balay sa Israel responsable nga katilingbanon usab. Ngano? Tungod kay sila konektado, ug membro sa iglesia sa Judio!

Busa ang sala ug kalaglagan sa usa ka nasud tungod sa buhat sa ilang mga pangulo sa iglesia. Apan unsa nga mga sangputanan ang anaa sa pagkaadunay tulubagon nga katilingbanon tungod sa mga sala sa mga pangulo sa iglesia tungod kay ikaw membro, nakig-uban, o konektado niana nga iglesia?

“Patalinghugi kini, Oh kamo nga mga sacerdote (o mga ministro), ug pamatia, Oh balay sa Israel (o lawas sa iglesia), ug paminawa, Oh balay sa hari (o labing taas nga mga pangulo); kay ang paghukom mahitungod kaninyo...

“Sila nangadto uban sa ilang mga panon ug sa ilang kahayupan aron sa pagpangita kang Jehova; apan Siya dili nila hikaplagan: Siya mipahawa sa Iyang kaugalingon gikan kanila. Sila nagmaluibon batok kang Jehova: kay sila nanganak ug mga anak sa gawas...” Oseas 5:1, 6-7.

Unsa ang buhaton sa Dios nga may kalabutan sa sala sa iglesia? Siya magabiya gikan sa tibuok katilingban sa iglesia. Busa, bisan katong pipila ka mga membro nga nagadaug sa tanan nilang mga sala, ug nagatoo lamang sa putli nga kamatuoran, ginaisip nga “wala hiilhi nga mga anak” ngadto sa Dios tungod sa ilang katungdanan sa ilang makasasala nga iglesia!

“Pakiglalis kamo sa inyong inahan (iglesia), pakiglalis; kay siya dili akong asawa, ni ako iyang bana; ug ipaputol niya ang iyang mga pagkamakihilawason gikan sa iyang nawong, ug ang iyang mga pagpanapaw gikan sa tunga sa iyang mga dughan...” Oseas 2:2.

Unsa man ang angay buhaton sa iglesia aron nga magpabilin ang iyang relasyon kang Cristo? Usa ka matinumanon nga asawa. Apan kung kini nga asawa magapili sa dili pagkinabuhi alang kang Cristo ug kaniya lamang ug mobulag gikan sa iyang bana, nga makighiusa sa iyang kaugalingon sa lain nga hinigugma o daghang hinigugma, siya nakahimo ug pagpanapaw o pagkabigaon. Siya dili na usa ka matinumanon nga nga asawa ni Cristo, kondili nahimo nga usa ka bigaon nga iglesia. Ug palihug hunahunaa nga ang iglesia dili sa iyang kaugalingon ang nakapakighilawas, kondili ang mga pangulo nga nagpili sa pagpakighiusa sa tibuok iglesia ngadto sa makihilawason nga pakig-ambit sa gugma kauban sa ubang iglesia o relihiyoso nga mga nasud.

Unsa ang tubag sa Dios sa kanhi matinumanon nga asawa nga nahimo nga bigaon nga iglesia? Siya sa sinugdan nagtawag kaniya sa pagpahilayo gikan sa iyang pagpakighilawas. Apan tungod kay siya nagdumili sa paghinulsol, ang Dios nagsalikway kaniya; Iya siya nga gipahilayo; o sa laing pulong Siya naghatag kaniya; lya siya nga gipahilayo: o sa laing pulong Siya naghatag kaniya sa “usa ka sulat sa pakigbulag” (tan-awa Jeremiah 3:6-8). Dili na Siya bana sa kanhi pinili niya nga iglesia, ug ang iglesia dili na Iyang pinili nga asawa! Ug kining tanan tungod sa makasasala nga buhat sa mga pangulo sa iglesia.

“Sa iyang mga anak (membro sa iglesia) ako dili na magbaton ug kalooy; kay sila mga anak sa makihilawason. Kay ang ilang inahan makihilawason: siya nga nanamkon kanila nagbuhat sa ingon sa dakung kaulawan...” Oseas 2:4-5.

Bisan pa ang mga pangulo sa iglesia nga nagapil sa iglesia nga nagapil sa ilang makihilawason nga pakig-ambit sa gugma, ang tanan nga membro -- ang mga anak o kaliwat niining dili matinumanon nga inahan - giisip nga nakasala usab. Mao kini nga ang tanan nga membro dili na mga anak sa Dios kondili giisip sa Dios nga mga “anak sa pagpakighilawas” ug “wala hiilhi nga mga anak” tungod sa ilang pakigdugtong, ug pakighiusa kauban kanila, nga ilang bigaon nga inahan nga iglesia!

Ingon nga kining hinatag sa Dios nga prinsipyo sa katilingbanon nga kapangakuhan adunay kahulogan karon, tungod kay ang Dios wala nagausab (tan-awa Santiago 1:17; Hebreohanon 13:8), ang iglesia ba sa diin kita membro ug nagapakig-uban, nakahimo ba sa pagpakighilawas?

Ang Iglesia Catolica Romana nahimong bigaon nga iglesia sa daghan nang kasiglohan (tan-awa Pinadayag 17:1-6, 13:1-8; Daniel 7:7-25; Spirit of Prophecy vol 4, p. 232-233). Ang kaliwat sa Roma o mga anak -- ang tanan nga Protestante nga iglesia (Lutheran, Baptist, Methodist, Pentecostal, Presbyterian, ug uban pa) nahimong bigaon usab, nga nagsalikway sa pinadala sa Dios nga mensahe sa nahauna ug ikaduha nga manolonda (tan-awa Pinadayag 17:5, 13:14-17; Spirit of Prophecy vol 4, p. 231-232). Apan unsa ang mahitungod sa igsoon sa Protestante nga mga iglesia -- o ang Iglesia Adventista del Septimo Dia? Nahimo ba usab siya nga bigaon?

“Kinsa ang makasulti nga ang atong bulawan naulay sa kalayo, ang atong bisti wala mabulingi sa kalibutan. “Akong nakita ang atong Magtutudlo nga nagatudlo sa bisti nga gitawag sa pagkamatarung. Sa gikuha kini Iyang gipakita ang kahugawan, ug Siya miingon kanako, ‘Wala ba nimo makita kong giunsa nila pagtabontabon ang kahugawan ug kadunot sa ilang kinaiya? Naunsa nga ang matinumanon nga siyudad nahimo nga bigaon. Ang balay sa akong Amahan gihimong balay baligyaanan, dapit sa diin ang balaan nga presensiya ug himaya mibiya.’” Testimonies, vol 8, p. 250.

Si Cristo sa Iyang kaugalingon mao ang naghukom sa Iglesia Adventista del Septimo Dia nga usa ka bigaon! Nan unsa man ang sangputanan niini sa matag membro sa Iglesia Adventista del Septimo Dia? Ang Dios nagsulti na kanato sa tin-aw sa Oseas 2:4:

Busa kong kita membro sa bisan asa nga bigaon nga iglesia --iglesia Catolica Romana, bisan unsa nga Protestante nga mga iglesia, o bisan sa Iglesia Adventista del Septimo Dia - nan kita sa katilingbanon adunay tulubagon sa mga terible nga mga sala sa atong iglesia. Ug samtang kita nagapabilin nga konektado sa atong bigaon nga inahan nga iglesia, nan ang Dios dili malooy kanato!

Ang Dios nagatan-aw sa tanang membro sa tanang bigaon nga iglesia - nga walay pagrespeto sa mga tawo nga walay kokabalaka mahitungod sa tanang mga sala ug mga kahugawan sa iglesia, apan sa gihapon nagapabilin nga konektado kaniya (tan-awa Buhat 10:34) isip nahiusa kauban kaniya, o nakigdulog kauban sa bigaon! Busa sila dili mga anak sa Dios, sila mga anak sa mga makihilawason.

“Wala ba kamo manghibalo, nga ang inyong mga lawas mga bahin ni Cristo? Nan, kuhaon ko ba karon ang mga bahin ni Cristo, ug buhaton ko sila nga mga bahin sa usa ka bigaon? Kana dili gayud mahimo! Kun, wala ba kamo maghibalo, nga ang gipakig-ipon sa usa ka bigaon, maoy usa ka lawas? Kay ang duruha, miingon siya, mahimong usa ka unod.” 1 Corinto 6:15-16.

Ang pulong nga Grego sa pulong “nakig-ipon” nagakahulugan paggunit o pagpaki-uban (Strong’s #2853). Si Pablo nagasulti sa katawohan sa Dios nga kung sila nakighiusa sa usa ka ka bigaon, sila giisip nga usa ka lawas o usa ka unod -- dili na duruha, kondili usa!

Kung kita membro sa usa ka bigaon nga iglesia, nan kita dili na duha ka lawas, kondili usa ka unod kauban sa iglesia sa pagpakighilawas. Ug kita dili mahimong makigdugtong isip membro nga wala ag atong pag-uyon, o walay panagsabut nga magpabilin nga membro. Busa pinaagi sa atong pagpili ug pakigsabut sa pagpabilin nga membro ug pakighiusa sa bigaon nga iglesia, kita adunay katilingbanon nga tulubagon sa pagpakighilawas ug dili na anak sa Dios.

Karon ang uban wala masayod nga ang ilang iglesia usa ka bigaon, o bisan makasabut niini nga prinsipyo sa katilingbanon nga kapangakuhan. Daghan ang nahimong membro sa ilang bigaon nga iglesia sa pagkatawo, ug sila wala magpili sa pagbhat sa ingon. Apan human nga sila nasayud sa kamatuoran, ug sa gihapon nagpili sa pagpadayon nga membro, nan sila dili na walay kasayuran, ug sila kapaninglan na sa sala nga katilingbanon.

Dili lang si Achan ang gilaglag, kondili ang tanan nga konektado kaniya -- apil ang tibuok niyang panimalay! Bisan pa ang iyang panimalay wala moapil sa pagkawat sa mga butang, apan sila nalaglag kauban kaniya tungod kay sila usa ka unod.

“Ug si Josue, ug kuyog kaniya ang tibuok Israel, mingkuha kang Achan, ang anak ni Zera, ug sa iyang salapi, ug sa copa, ug sa tibook nga bulawan, ug sa iyang mga nak nga lalake, ug sa iyang mga anak nga babaye, ug sa iyang mga vaca, ug sa iyang mga asno, ug sa iyang mga carnero, ug sa iyang balongbalong, ug sa tanan nga dinha kaniya, ug ilang gidala sila ngadto sa walog sa Achor. Ug si Josue miingon: Ngano nga imo kaming gisamok? Si Jehova magasamok kanimo karong adlawa. Ug gipanagbato siya sa tibuok nga Israel; ug ilang gisunog siya sa kalayo, ug gipanagbato sa mga bato.” Josue 7:24-25.

“Busa mao kini ang giingon sa Ginoong Jehova: Gub-on ko kini bisan pa uban sa usa ka makusog nga hangin sa akong kapungot; ug moabut ang magaawas nga ulan sa akong kasuko, ug dagkung ulan nga yelo sa akong kapungot sa pag-ut-ut niini. Busa gun-obon ko ang kuta nga inyong gibulitan sa minasa nga dili pinagba ug ihatud ko kana ngadto sa yuta, sa pagkaagi nga ang patukuranan niana igapadayag; ug kini mapukan, ug kamo pagaut-uton sa taliwala niini: ug kamo makaila nga ako mao si Jehova....Nga mao ang mga manalagna (pangulo ug mga ministro) nga nanagna mahatungod sa Jerusalem (iglesia), ug nga nakakita sa mga panan-awon sa pakigdait alang kaniya, ug diay walay pakigdait, nagaingon ang Ginong Jehova.” Ezequiel 13:13-14 & 16.

“Naunsa ang ciudad (Jerusalem - tan-awa ang bersikulo 1) nga matinumanon nahimo man nga bigaon! siya nga kaniadto napuno sa justica! ang pagkamatarung maoy nagpuyo diha kaniya, apan karon ang mamumuno na.” Isaias 1:21.

“Tungod sa pagbulag sa Dios, ug pagpakighiusa kauban sa mga tigsimba ug mga diosdios, nga ang iglesia nga Judio nahimong usa ka bigaon, ug ang Roma, sa paghugaw sa iyang kaugalingon sa sama nga paagi sa pagpangita ug suporta gikan sa kalibutanon nga gahum, nakadawat sa sama nga paghukom.” Great Controversy, p. 382.

“Human sa pagsulti mahitungod sa katapusan sa kalibutan, si Jesus mibalik sa Jerusalem, ang ciudad nga nagalingkod diha sa garbo ug kamapahitas-on, nga nagasulti, ‘Nagalingkod ako nga reina, ug dili na ako balo, ug dili gayud ako makakita ug pagbalata.’ (tan-awa Pinadayag 18:7).” Selected Messages, book 3, p. 417.

Busa ang Jerusalem nahimo nga bigaon sa Babilonia sama sa Iglesia Catolica Romana! Ug kinsa ang girepresentahan sa Jerusalem karon? Ang bisan unsa nga iglesia nga kanhi pinili sa Dios, apan mibulag gikan Kaniya - nahimo nga bigaon - apil ang Iglesia Adventista del Septimo Dia (tan awa Testimonies, vol 8, p. 67-68).

Unsay gisulti sa Dios kanato nga mahitabo sa Jerusalem - o sa tanan nga bigaon nga mga iglesia? Ang ilang gambalay mangapukan, ug ang tanan nga makit-an nga konektado diha kaniya mangapukan kauban kaniya tungod kay sila adunay katilingbanon nga kapangakuhan.

Sa karaang kapanahonan ang mga magbubuhat sa Dios nagkinahanglan sa pagputli sa dili pa sila magsugod sa pagministro ug magbuhat alang sa Dios. Apan kung sila makahikap sa usa ka patay nga lawas, sila mahimo nga mahugaw pinaagi niini nga paghikap ug mahimong dili takus sa pagbuhat alang sa Dios. Ang magbubuhat dili na kinahanglan nga mogakus niining patay nga lawas aron siya mahimong mahugaw; ang nahitabo mao lamang ang paghikap - bisan na lang ang sidsid sa iyang bisti - ug kini igo na nga makapahugaw kaniya. Ug adunay usa lamang ka paagi nga napili sa Dios sa diin ang magbubuhat mahimong mahinlo ug mahimong makabuhat pag-usab alang sa Dios.

Ang Dios nagsulti nga kining mahugaw nga magbubuhat kinahanglan nga mobulag gikan sa kampo sa Israel, ug maghinlo sa makaduha. Ug ang bisan kinsa nga magbubuhat ang magdumili sa pagbuhat sa ingon, siya pagaputlon gikan sa katawohan sa Dios (tan-awa Numeros 19:12, 20).

Kining paagi sa paghinlo nagkinahanglan ug hinlo ug nagailig nga tubig nga gisagulan ug abo sa nating vaca nga gihalad ug gisunog. Ug ang sanga sa hesopo nga gituslob niini nga sinagul ug iwisik ngadto sa mahugaw nga tawo sa makaduha ka higayon. Ug sila mahinlo na ug makahimo na sa pagbuhat pagusab sa buhat nga madawat sa Ginoo (tan-awa Numeros 19:11-19). Apan kung human nga mahinlo, ang magbubuhat maghikap pag-usab sa patayng lawas, nan siya mamahugaw pag-usab ug nagkinahanglan na usab ug pagsubli sa paagi sa paghinlo.

Unsa ang ngarepresentar sa hinalad nga pula nga nti nga vaca? Si Jesus. Unsa ang nagarepresentar sa nagailig nga tubig? Ang Balaang Espiritu. Unsa ang nagarepresentar sa patayng lawas? Kini nagarepresentar sa unsa man nga espirituhanon nga patay (tan-awa SDA Bible Commentary, vol 4, p. 1176), o usa ka espirituhanon nga patay nga iglesia - patay tungod sa sala, pagkadautan, kahugawan, ug apostasiya. Ug unsa ang nagarepresentar sa paghikap niining patay nga lawas o bigaon nga iglesia? Kini nagarepresentar sa bisan unsa nga magadugtong sa nagaangkon nga sumusunod ni Cristo ngadto sa iglesia nga nag-apostasiya -apil ang pagkamembro! Busa kung ang ang atong ngalan narehisto sa mga libro sa mahugaw nga iglesia nga bigaon kini nagahimo kanato nga mahugaw kauban sa iglesia ug dili takus sa pagbuhat sa buhat sa Dios.

“Kong ang tawo nga dili mahinlo tungod sa minatay makahikap sa usa niini, mamahugaw ba kini? Ug ang sacerdote mingtubag ug ming-ingon: Kana mahimong mahugaw. Unya mitubag si Haggeo ug miingon: Ingon man kining katawohan, ug ingon man kining nasud nga ania sa akong atubangan, miingon si Jehova; ug ingon man ang tagsatagsa ka buhat sa mga kamot; ug kana nga ilang ihalad diha mahugawan man.” Haggeo 2:13-14.

Busa ang si bisan kinsa nga konektado sa bigaon nga iglesia - bisan sa hinay nga paghikap o pakighiusa -- makapahimo nga mahugaw nga pinaagi niini nga paghikap ug dili magamit sa Dios samtang anaa sa mahugaw nga kahimtang. Ug kining mga magbubuhat alang sa Dios magpabilin nga walay bili alang Kaniya, bisan pa daw unsa ang ilang pagpangabudlay ug panahon nga ilang gigahin sa pag-alagad Kaniya, hangtud nga sila magasunod sa bugtong dalan nga gihatag sa Dios kanila aron sila mamahinlo.

Unsa nga mga paagi ang naapil nini nga paghinlo? Ang sama nga paagi nga gihulagway sa Numeros 19. Ang mahugaw nga magbubuhat alang sa Dios karon kinahanglan nga mogawas gikan sa kampo, magbulag sa hingpit gikan sa ilang mahugaw bigaon nga iglesia, nga nagaputol sa tanang koneksiyon - ang pagkamembro ug ang tanan nga pakig-uban nianang patay nga lawas. Ug human lamang nga sila nagbulag sa hingpit gikan sa kampo, nga sila mamahinlo sa espirituhanon pinaagi sa abo diha sa putli ug nagailig nga tubig diha sa hesopo - o sa hingpit mahinlo gikan sa tanan nilang kaugalingon (apil ang sosyal) ug katilingbanon nga mga sala (maghinlo sa makaduha) pinaagi sa buhat sa paghinlo sa Balaan nga Espiritu (putli nga nagailig nga tubig) ug ang halad ni JesuCristo (abo sa nating vaca).

Human kita mahinlo gikan sa katilingbanon nga sala ug kapangakuhan, mobalik ba kita ug moipon sa bigaon nga iglesia pag-usab, o sa bisan unsa nga bigaon nga pundok? Dili, dili kung kita buot nga mahimong magbubuhat alang sa Dios nga pagadawaton Niya.

Daghan nga katawohan ang nakasabut nga sila kinahanglan maghinlo gikan sa mga sala nga sa kaugalingon nabuhat, apan sila wala nasayod - sama nga sila buta - nga sila angay usab nga maghinlo gikan sa sala nga katilingbanon o labut pa si Cristo nakasabut niini nga isyu ug Siya sa tin-aw nagpadayag niining mahinungdanon nga kamatuoran ngadto sa Iyang katawohan:

“Ug miadto siya sa Betsaida; ug gidad-an nila siya ug usa ka buta, ug nagpakilooy nga iya siyang hikapon. Ug gikuptan niya sa kamot ang buta, ug iyang gidala sa gawas sa lungsod, ug sa nalud-an niya ang iyang mga mata. ug sa natapin-an siya sa iyang mga kamot, gpangutana niya: Duna ka bay hingkitan? Ug siya miyahat ug miingon: Makakita ako ug mga tawo, kay makita ko sila nga daw mga kahoy nga nagapanlakaw. Unya gitapin-an pag-usab ni Jesus sa iyang mga kamot ang iyang mga mata ug gipatutok; ug hing-ulian, ug nakita niya nga matin-aw ang tanan. Ug iyang gipapauli siya ngadto sa iyang balay nga nagaingon: Dili ka magsulod sa balangay bisan....” Marcos 8:22-26.

Kining buta nga tawo wala maayo diha sa lungsod, kondili nagkinahanglan nga mobulag gikan sa katilingban una pa siya mamahinlo sa iyang pagkabuta. Pila ka pag-ayo o paghinlo ang gikinahanglan niining buta nga tawo bag-o siya mamahinlo sa hingpit? Duha. Ug bag-o siya mamahinlo sa hingpit unsa ang iyang buhaton sa iyang mga mata? Siya magatutok sa itaas. Human siya nahinlo sa hingpit, si Cristo nagsugo kaniya sa pagbalik sa lungsod diin siya mibulag. Ug mao kini ang sama nga paagi ang gipili sa Dios nga pagasundon sa Iyang katawohan karon mahitungod sa pakighiusa, pagkamembro, o pakig-uban sa bigaon nga iglesia o Babilonia.

Ang Dios nagsugo kang Abraham sa pagbulag sa iyang kaugalingon gikan niining nahugawan, relihiyoso nga nasud, ug gikan niadtong tanan nga nagdumili sa pagbiya sa ilang mga sala ug pagbiya sa ilang nahugawan nga nasud - bisan pa sila iyang kabanay.

Unsay gihimo ni Abraham? Nangutana pa ba siya sa Dios kun ngano nga kinahanglan siya nga mobiya dihadiha? Wala. Gisunod ba niya ang iyang masalaypon ug tawohanon nga pagrason, ug hilig sa pagpabilin diha sa nahugaw nga nasud nga nagahunahuna nga mareporma niya kini pinaagi sa iyang matarung nga sumbanan ug sa pagbadlong sa mga sala ug kahugawan sa sakop sa iyang nasud? Wala. Naglangan ba siya sa pagtuman, nga nagahulat sa katawohan nga nag-apostasiya ug nasud diin siya nahisakop sa pagsulti kaniya sa pagbiya o pagsipa kaniya pagawas, ug niana nga paagi siya makahimo sa pagtuman sa Dios? Wala. Si Abraham sa walay pangutana nagtuman sa Dios, ug “migawas, nga wala masayod kun asa siya paingon” (tan-awa Hebreohanon 11:8). Ug si Abraham kinahanglan nga magpakita ug pagtoo sa Dios, ug pagsalig Kaniya sa paggiya kaniya human niya mahimo ang unang lakang sa pagtuman.

“Sa dihang ang Dios nagsugo kang Abraham sa pagbiya sa iyang nasud ug mga kahigalaan, siya makahimo sa pagrason ug pagpangutana sa katuyoan sa Dios niini. Apan siya nagpakita nga siya adunay hingpit nga pagssalig sa Dios nga nagagiya kaniya... Siya milakaw sa sugo sa Dios: Kini usa ka leksiyon sa matag-usa kanato. Kung ang katungdanan daw magadala kanato supak sa atong mga hilig kinahanglan nga kita magbaton ug pagtoo sa Dios.” Manuscript Releases, vol 10, p. 118 (Manuscript #19, March 13, 1886).

Nadawat ba ni Abraham ang panalangin sa pakigsaad sa dihang siya membro pa sa Ur sa Chaldeanhon o Babilonia? Wala. Gikinahanglan niya nga motuman una sa sugo ni Jesus ug mobulag - pagputol sa tanang pakigdugtong sa Babilonia - bag-o niya madawat ang panalangin sa pakigsaad. Ang tanan nga nabatnan ni Abraham mao ang saad sa kahimuot sa Dios. Apan kini ilalum sa kondisyon sa pagkamatinumanon nga kini nga saad gihatag kaniya.

“Ang Dios nagpili kang Abraham isip Iyang mensahero nga makahatag ug kahayag sa kalibutan. Ang pulong sa Dios midangat kaniya, nga walay pagtanyag sa maulog-ulogon nga paglaum niining kinabuhi sa dagku nga suhol, ug dagku nga pagdayeg ug kalibutanon nga dungog. ‘Pahawa ka gikan sa imong yuta, ug gikan sa imong kaubanan, ug sa balay sa imong amahan, ngadto sa yuta nga Akong igapakita kanimo’, mao ang balaanon nga balita kang Abraham. Ang Patriarca mituman, ug ‘mipahawa, wala masayod asa padulong’, isip nagadala sa kahayag sa Dios, sa pag-amping sa Iyang ngalan nga buhi sa yuta. Siya mitalikod sa iyang yuta, sa iyang balay, sa iyang kabanay, ug sa tanan nga maayo nga pakig-uban kalabut sa iyang sayo nga kinabuhi, aron mahimong usa ka magpapanaw ug usa ka langyaw....

"Bag-o siya magamit sa Dios, si Abraham kinahanglan nga mobulag gikan sa iyang kanhi nga mga kauban, aron nga siya dili mamandoan sa tawohanon nga impluwensiya o magsalig sa tawohanon nga paanabang. Karon nga siya aduna nay koneksiyon sa Dios, kining tawohana kinahanglan nga sugod karon magpuyo kauban sa mga langyaw. Ang iyang kinaiya kinahanglan nga lahi, lain gikan sa tanan sa kalibutan. Siya makahimo bisan sa pagsaysay sa iyang paagi sa pagbuhat nga masabtan sa iyang mga higala, kay sila mga tigsimbag mga diosdios. Ang mga espiriuthanon nga mga butang kinahanglan nga masabut sa espirituhanon; busa ang iyang mga motibo ug mga lihok halayo sa pagsabut sa iyang mga kabanay ug mga higala.

“Ang walay pagpangutana nga pagtuman ni Abraham usa sa labing makapahibulong nga panig-ingnan sa pagtoo ug pagsalig sa Dios nga makita sa balaan nga Kasulatan. Uban sa bugtong saad nga ang iyang mga sumusunod nakaangkon sa Canaan, kung wala ang labing gamay nga gawasnon nga pamatuod, siya nagsunod bisan asa ang Dios magagiya, sa hingpit ug kasingkasing nagatuman sa mga kondisyones sa iyang bahin, ug masalingon nga ang Dios sa matinumanon magabuhat sa iyang pulong. Ang Patriarca miadto bisan asa ang Dios magatudlo sa iyang katungdanan, siya miagi sa kamingawan nga walay kahadlok; siya miadto kauban sa masimbahon sa diosdios nga mga nasud, uban ang usa ka hunahuna: ‘ang Dios nagsulti, ako nagatuman sa Iyang tingog, Siya magagiya kanako, Siya magapanalipod kanako.’

“Ang sama nga pagtoo ug pagsalig nga nabatnan ni Abraham gikinahanglan sa mga mensahero sa Dios karon. Apan daghan ang magamit sa Ginoo nga dili molakang sa unahan, pagpatalinghug ug magtuman sa usa ka tingog labaw sa uban. Ang pakigdugtong kauban sa mga kabanay ug mga higala, ang kanhi nga batasan ug pagpakig-uban, sa kanunay adunay daku nga impluwensiya sa mga ulipon sa Dios nga Siya makahatag kanila ug gamay nga pagpanudlo, makahatag kanila ug gamay nga kahibalo sa Iyang mga katuyoan; ug sa kasugaran human sa usa ka panahon Siya nagasalikway kanila ug nagatawag sa uban puli sa ilang dapit, kinsa iyang gipamatud-an ug gitilawan sa sama nga paagi. Ang Ginoo magabuhat ug labi alang sa Iyang mga ulipon kung sila sa kinatibuk-an nagabalaan ngadto Kaniya, nga nagamahal sa Iyang mga serbisyo labaw sa relasyon sa mga kabanay ug sa tanang yutan-ong mga kaubanan.” Testimonies, vol 4, p. 523-524.

Kanus-a si Abraham nahimong magdadala sa kahayag sa Diyos ug nahimong magbubuhat alang sa Dios? Human siya mibulag; buot ipasabut nga siya dili magdadala ug kahayag ug dili mahimong magbubuhat sa Dios samtang siya kabahin sa, o konektado kauban sa Babilonia! Gusto sa Dios nga si Abraham mahimong Iyang magdadala sa kahayag ug magbubuhat; apan si Abraham kinahanglan una nga sulayan sa pagtino kung siya magatuman sa Dios ug wala nay lain - apil ang iyang pagbati.

Magamit ba sa Dios si Abraham samtang siya kabahin sa Babilonia - kanang nahugawan nga relihiyoso nga nasud nga siya nahimong membro? Dili. “Sa dili pa ang Dios mogamit kaniya, si Abraham kinahanglan nga mobulag” gikan nianang tanan nga makapahugaw nga impluwensiya. Sa siya mibiya, wala masayud asa paingon, makasalig ba siya ni bisan kinsa nga tawo o tawohanon nga impluwensiya sa paggiya kaniya sa husto nga dalan? Dili. Siya kinahanglan nga mosalig sa Dios lamang. Si Abraham mipili sa kinasingkasing nga pagbulag sa pagtuman sa kabubut-on sa Dios, ug kini nahimo lamang human siya mibulag gikan nianang tanan nga konektado sa gingharian ni Satanas nga Babilonia, bago siya mahimong konektado sa Dios!

Karon nakigdugtong ba pagbalik si Abraham sa mahugaw nga relihiyoso nga nasud nga iyang gibiyaan? Mibalik ba siya sa Ur sa mga Caldeanhon? Wala gayud. Kinahanglan nga adunay bongbong nga magaulang kaniya ug sa uban nga mga Babilonianhon; siya mahimong usa ka langyaw, ang iyang kinaiya usa nga lahi - lahi gikan sa uban. (Alang sa dugang pagtuon, palihug sulat alang sa mga basahon sa Let There Be Light: Bible History of Separation - Parts 1 & 2, sa address nga gihatag sa atubangan niini nga basahon).

Kamatuoran niana, si Sara dili mahimong magsabak - aron lang sa paghatag ug bag-ong anak diha sa dagway sa Dios - hangtud siya usab mahimulag sa hingpit gikan sa Babilonia ug sa tanan niyang makapahugaw nga pakig-uban. Ug ingon man usab sa nagaangkon nga katawohan sa Dios o sa buot mahimong magbubuhat sa karon! Walay usa sa nagaangkon nga katawohan sa Dios o buot mahimong magbubuhat alang sa Dios ang mahimo nga konektado sa Dios; mahimo nga magamit sa Dios, samtang sila nagapabilin nga konektado sa bisan asa nga gingharian ni Satanas nga Babilonia.

Walay lain nga posible nga paagi nga ang bisan kinsa nga tawo mahimo nga mahinlo sa hingpit sa tanan nga buling ug mansa sa sala samtang sila nagapabilin nga konektado ug nakig-uban sa mahugaw ug apostata nga iglesia nga nagakinabuhi diha sa pagkabigaon! Mao nga ang Dios nagpadayag nga ang Iyang katawohan mangita sa ilang kagawasan gikan sa kaugalingon ug katilingbanon nga mga sala gawas sa dautan nga iglesia, ug kadto lamang ang nagahigugma ug labi sa Dios ang magapili sa pagsunod sa kabubut-on sa Dios ug paglakaw niining matul-id ug masigpit nga dalan sa pakigbulag.

Kadtong nagadumili sa pagbulag gikan sa bisan unsa nga bigaon nga iglesia sa Babilonia, ang magpabilin nga buta ug modangat sa pag-antus sa kasuko sa Dios kauban sa ilang iglesia. Apan ang Dios dili buot nga adunay magaantus sa iyang kasuko, ug nagapadayon sa paghatag sa tin-aw nga kamatuoran.

Apan ang uban mahibulong; Unsa ang mahitungod sa mga maayo ug matarung nga katawohan sa sulod sa iglesia? Sa tinuod ang Dios dili ba magalaglag sa matarung tungod kay ang ilang pagkamembro makita lang sulod sa bigaon iglesia nga gitagana sa kalaglagan?

“Ug ang pulong ni Jehova midangat kanako nga nagaingon: Anak sa tawo, ipaatubang ang imong nawong paingon sa Jerusalem, ug ihulog ang imong pulong paingon sa mga balaan nga puloy-anan ug panagna batok sa yuta sa Israel; Ug umingon ka sa yuta sa Israel: Mao kini ang giingon ni Jehova: Ania karon, ako batok kanimo, ug ibton ko ang akong espada gikan sa sakoban niini, ug putlon ko gikan kanimo ang matarung ug ang dautan.” Ezequiel 21:1-3.

Apan ngano? Ngano nga ang mga matarung pagalaglagon kauban sa mga dautan sulod sa iglesia? Tungod kay ang mga maayo ug matarung nga katawohan nagdumili sa pagpahimulag sa ilang kaugalingon gikan sa pakiguban ug pagputol sa ilang pakighiusa sa naalaut nga iglesia!

Ang kadaghanan nasayud sa mga panghitabo nga nagalibot sa pagsupak ni Core, Dathan, ug Abiram. Kining tulo ka mga tawo, kauban sa 250 ka mga pangulo sa iglesia, nakahukom sa pagpakigbatok sa Dios ug sa Iyang pinili nga mensahero, ug nagatinguha sa pagdala sa tanan nga sakop sa iglesia sa pagsunod kanila sa pagpakigbatok.

Ang Dios nagsulti kang Moises ug Aaron sa pagpahimulag sa ilang kaugalingon gikan sa katilingban aron Iyang malaglag ang tanang sakop kauban niining masukihon nga mga pangulo sa iglesia. Si Moises ug Aaron naghangyo sa Dios sa dili paglaglag kanila pinaagi sa pagsulti:

Unsa ang tubag sa mao nga pangutana? OO ! Kini ginatawag nga “Katilingbanon nga Kapangakuhan.” Apan ang atong maloloy-on ug mainatuson nga Dios naghatag ug paagi sa paglikay alang sa Iyang katawohan aron dili malaglag kauban sa masukihon nga mga pangulo sa iglesia. Siya nagsulti kang Moisis ug Aaron sa bersikulo 24:

Ang Dios nasuko gayud sa tibook katilingban - apil ang mga matarung. Apan sa Iyang kalooy Siya naghatag ug paagi sa paglikay - usa lang ka paagi alang sa tanan Niyang katawohan nga pagasundon aron sa paglikay sa kalaglagan. Ug kining hinatag sa Dios nga agianan usa ka dalan sa pagpakigbulag. Ang tanan nga sumusunod sa Dios kinahanglan nga magaputol sa tanang koneksiyon kauban sa mga dautan ug mobulag sa hingpit gikan kanila.

“Ug siya misulti sa tibook nga katilingban, sa pag-ingon: Pahawa, nangaliyupo ako kanimo, gikan sa mga balong-balong niing mga tawong dautan, ug dili kamo maghikap sa bisan unsa nga butang nga ila, aron dili kamo maut-ut diha sa tanan nilang kasal-anan.”

Busa kung bisan kinsa nga membro sa iglesia ang modumili sa pagbulag sa ilang kaugalingon gikan sa masukihon ug magapabilin nga konektado sa bisan unsa nga paagi sa ilang balong-balong, sila adunay tulubagon sa mga sala niining dautan nga mga pangulo sa iglesia, ug malaglag kauban kanila.

“Sila (ang katilingban) anaa usab sa makuyaw nga katalagman nga malaglag sa ilang (Core ug kaubanan) mga sala pinaagi sa kasuko sa Dios, tungod kay sila umalambit sa mga kalapasan sa mga tawo kang kinsa ilang gihatag ang ilang pagduyog ug kang kinsa sila nakig-uban.” Testimonies, vol 3, p. 354.

Tungod kay sa pagkatinuod sila adunay katilingbanon nga kapangakuhan, ug anaa sa katalagman nga malaglag pinaagi sa kasuko sa Dios kauban sa mga masukihon, unsa man ang gibuhat sa kadaghanan diha sa katilingban?

“Busa nanagpanindog sila gikan sa tabernaculo ni Core, ni Dathan ug ni Abiram, sa tagsatagsa ka kiliran: ug si Dathan ug si Abiram minggula, ug mingbarug sa pultahan sa ilang mga balong-balong, ug ang ilang mga asawa, ang ilang mga anak nga lalake, ug ang ilang mga kabataan.” Numeros 16:27.

Unsay nahitabo human ang matag membro sa iglesia naghimo ug desisyon sa pagpili sa pagbulag sa hingpit o pagpabilin sa sulod ug kadugtong ngadto sa masukihon ug sa ilang tabernaculo? Kadtong nagpabilin nga kadugtong gilaglag - apil kadtong wala makasulti ug pulong nga uyon o batok sa pagsuki! Ang mga asawa ug kabataan ni Dathan ug Abiram gihisgutan nga nagabarug lamang sa sulod sa tabernaculo sa mga masukihon, apan sila nagantus sa sama nga kalaglagan. Ngano? Sila adunay katilingbanon nga tulubagon alang sa mga sala niining dautan nga mga katawohan tungod kay sila wala mobulag sa ilang tabernaculo!

Ngano nga ang mga kabataan ni Core wala mangamatay kauban sa ilang masukihon nga amahan ug sa uban nga mga dautan nga pundok? Tungod kay kining mga matarung nga katawohan nagpili sa pagsunod sa kabubut-on sa Dios ug mibulag sa ilang kaugalingon - nga nagdumili sa paghikap o pagpakigdugtong kauban sa mga masukihon. Ug bisan pa nga malisud alang kanila ang pagpahimulag gikan sa ilang mga hinigugma, apan sila nahigugma sa Dios labaw sa bisan unsa nga yutan-on nga kadugtungan. Ang banay ni Core miputol sa tanang panaghiusa ug kadugtungan kauban sa mga masukihon nga kaigsoonan ug sa hingpit mibulag gikan sa dautan nga pundok. Sila nagdumili nga mahimong may tulubagon nga katilingbanon ug mahimong umalambit sa ilang mga sala, ug ang Dios nagluwas niining mga matarung gikan sa pagkaumalambit sa kalaglagan!

Si Lot, kauban sa uban sa iyang panimalay mao lamang ang nahibilin nga matarung nga katawohan sulod sa dautan nga katilingban sa Sodoma ug Gomorra. Apan ang Dios nagpadayag ngadto kang Lot ug sa iyang panimalay nga sila kinahanglan nga magputol sa ilang tanan nga kadugtungan kauban sa ilang mahugaw nga katilingban ug mobulag sa hingpit gikan kaniya. Apan ngano? Nganong dili sila makapadayon nga magpuyo nga matarung ug magpabilin nga kadugtong kauban sa ilang dautan nga katilingban sa Sodoma?

“...ang mga manolonda midali ngadto kang Lot ug nag-ingon sila: Tumindog ka, kuhaa ang imong asawa ug ang imong duruha ka mga anak nga babaye nga ania dinhi, aron dili ka masunod uban sa pagkadautan sa ciudad....Kumalagiw ka tungod sa imong kinabuhi; dili ka maglingi-lingi sa imong likod ni mohunong ka niining tibook nga Kapatagan; kumalagiw ka paingon sa bukid, aron dili ka masunog.” Genesis 19:15, 17.

Bisan pa si Lot ug ang iyang panimalay mga matarung, ang Dios nagsulti kanila pinaagi sa mensahe sa manolonda, nga sila kinahanglan mobulag sa hingpit gikan sa ilang dautan nga katilingban, o manubag nga katilingbanon sa iyang mga sala ug masunod kauban sa mga dautan! Ang tanan nilang pagkamatarung dili makaluwas kanila gikan sa pagkalaglag kung sila nagdumili sa pagbulag? Apan si Lot nagpili sa paglangan sa pagtuman, ug nagdumili sa pagbulag hangtud sa katapusang posible nga higayon. Ug ang gisangputan mao, nawala sa asawa ni Lot ang iyang kinabuhi!

“Kung si Lot sa iyang kaugalingon wala magpakita sa pagduhaduha sa pagtuman sa pasidaan sa manolonda, kondili sa dakung tinguha mikalagiw ngadto sa kabukiran, nga walay usa ka pulong sa pamalibad o pagbagulbol, unta ang iyang asawa nakahimo usab sa paglikay. Ang iyang sumbanan sa kabuyoan nakahimo unta sa pagluwas kaniya gikan sa mga sala nga mao ang nagselyo sa iyang kalaglagan. Apan ang iyang pag-ukon-ukon ug paglangan nakapahimo sa iyang asawa sa dili paghatag ug pagtagad sa pasidaan.” Patriarchs and Prophets, p. 161.

Unsa ang gihangyo ni Lot? Siya naghangyo nga ang Dios dili lang magpabulag kaniya sa hingpit ug magputol sa tanan nga kadugtungan kauban sa dautan nga katilingban, apan tugutan siya nga mobalhin sa iyang pagkamembro gikan sa daku ug dautan nga ciudad sa Sodoma ngadto sa gamay nga ciudad sa gawas nga dapit.

Si Lot nagtoo nga kining gamay nga ciudad sa Zoar posible nga dili sama kahugaw sa Sodoma - bisan pa kini nadugtong sa Sodoma ug Gomorra sa mao nga patag (tan-awa Genesis 19:18-20). Apan unsa ang nahitabo sa Zoar? Kini gilaglag usab, tungod kay kini nakighiusa sa Sodoma ug Gomorra. Ug tungod sa iyang kadugtungan ug pakighiusa sa mga kahugawan, siya dili putli, kondili mahugaw! (tan-awa Patriarchs and Prophets, p. 167; Genesis 19:30).

Si Lot dili makadawat sa kamatuoran nga ang matarung malaglag kauban sa dautan. Sa baylo sa pagsalig sa Dios ug pagtoo nga Siya nasayud unsa ang Iyang gibuhat, ug ang Dios wala magkinahanglan sa Iyang katawohan sa pagbuhat sa bisan unsa nga butang nga magapahilayo kanila sa kaluwasan, si Lot nagpili sa paglangan sa pagtuman sa sugo sa Ginoo, ug pinaagi niini iyang nawala ang iyang asawa.

Karon daghan ang nahibalo nga ang mga punong buhatan o kasingkasing sa ilang sistema sa iglesia - wala nagasunod ssa kabubut-on sa Dios ug nagauswag diha sa kahugawan. Apan sila nagatoo, sama ni Lot, nga ang Dios dili magalaglag sa matarung kauban sa mga dautan, ug nga sila makakaplag ug gamay nga iglesia sulod sa mahugaw nga sistema nga dili maapektuhan sa kadautan. Ug daghan ang nagabalhin sa ilang pakamembro sa lain nga gagmay nga iglesia, nga nagatoo nga igo na ang kahalayo gikan sa apostata nga punoang buhatan sa iglesia, ug nga dili na maapektuhan sa kahugawan. Apan daghan gihapon ang wala masayud sa kamatuoran nga ang bisan unsa nga paghikap o pakighiusa sa kahugawan - apil ang tinagsatagsa nga mga iglesia, mga institusyon, ug pagkamembro - mahugaw usab pinaagi sa ilang kadugtungan sa punoang buhatan sa iglesia! Ug ang Dios nagsulti kanato niini nga kamatuoran:

“Ang daku nga kasingkasing sa buhat anaa sa ____, ug, sama sa tawohanon nga kasingkasing nagadala sa iyang buhi nga dugo ngadto sa nagkalainlain nga bahin sa lawas, ingon man usab ang pagdumala niini nga dapit, ang punoan buhatan sa atong iglesia, nagaapekto sa tibook katilingban sa mga tumotoo. Kung ang lawasnon nga kasingkasing maayo, ang dugo nga nagalatay sa mga kaugatan maayo usab; apan kung kining tuburan mahugaw, ang tibook lawas mahimong masakiton tungod sa hilo niining makahatag kinabuhi nga dugo. Ingon man usab kini kanato. Kung ang kasingkasing sa buhat mahugaw, ang tibook iglesia, sa iyang nagkalainlain nga mga sanga, ug mga katuyoan, nga nakatag ibabaw sa nawong sa yuta, magaantus sa sangputnan.” Testimonies, vol 4, p. 210.

Busa, kong ang mga punong buhatan sa atong iglesia nakahimo sa pagpakighilawas ug nahimong mahugaw, nan walay iglesia o institusyon nga kadugtong niana nga sistema nga dili usab mamahugaw. Ug sama sa nahibaloan ni Lot, walay gamay nga iglesia o institusyon sa diin kita makaadto pinaagi sa pagpalhin sa atong pagkamembro ug pagkaplag ug kapahulayan diha niana nga dili usab malaglag kung kauban sa kahugawan.

Busa unsa ang gusto sa Dios nga buhaton sa Iyang katawohan, kung ilang makaplagan ang ilang kaugalingon nga nagapahulay, o kadugtong sa bisan unsa nga bahin sa iglesia o katilingban nga nahugawan sa sala ug kadautan?

“Pahalayo kamo, pahalayo kamo, gumala kamo gikan dinha, ayaw pagkamkam ug butang nga mahugaw; gumula kamo sa iyang taliwala; panaghinlo kamo sa inyong kaugalingon, kamo nga nanagdala sa mga sudlanan ni Jehova.” Isaias 52:11.

Kung atong makita ang atong kaugalingon nga nagapahulay o nagapuyo sulod sa katilingban nga dili mahinlo o nahugawan sa sala ug kadautan, sama sa usa ka bigaon nga iglesia, nan ang Dios nagsugo nga ang Iyang katawohan kinahanglan nga mopahilayo ug mobulag gikan kaniya. Ug kining pagpahimulag knahuanglan nga moputol sa tanang kadugtungan aron mamahinlo: aron nga kita dili gani magahikap sa mahugaw ug bigaon nga iglesia. Sa paglikay sa paghikap sa bigaon nga iglesia nagaapil sa pagputol sa tanang kadugtungan kauban kaniya, apil ang atong pagkamembro diha sa mga libro, o magapabilin kita nga diti mahinlo pinaagi niini nga paghikap ug pagalaglagon kauban kaniya. Dili lang kay kita magabalhin sa atong pagkamembro gikan sa usa ka iglesia ngadto sa usa sulod sa katilingban nga nahugawan. Apan kinahanglan nga kita magaputol sa tanang kadugtungan sa tanan nianang nahugawan nga katilingban!

Daghan sa katawohan ang nagahunahuna nga ang ilang pagkamembro sa bigaon nga iglesia - o sa bisan unsa nga mahugaw nga katilingban - nga dili usa ka isyu; nga kini dili ikasapayan sa Dios kung ang atong ngalan anaa sa listahan sa mga libro; nga ang mahinungdanon lang ang atong kaugalingon husto kauban sa Dios. Apan ang Dios nagasulti sa Iyang katawohan ug lahi; nga kung sila kadugtong sa dautan nga katilingban, maiglesia man, institusyon, pundok o organisasyon - nan sila nahugawan sa mga sala nga katilingbanon nianang dautan nga lawas. Mao nga sila dili makadawat sa patik sa Dios, ug pagalaglagon!

Kini nga prinsipyo sa kamatuoran - nga ang atong mga ngalan diha sa listahan sa libro sa mahugaw ug dautan nga katilingban nagahimo kanato nga dili makadawat sa patik sa Dios, ug sa kinabuhi nga dayaon, sa tin-aw gipadayag pinaagi sa mga sinulat.

“Ang mga Cristohanon kinahanglan magputol sa matag gapus nga nagagapus kanila niining mga sekreto nga katilingban nga wala mailalum sa pagmando sa Dios. Sila dili mahimo nga matinuod-anon niini nga katilingban ug sa Dios. Sa bisan unsang paagi ang kadugtungan kauban niini nga mga pundok kinahanglan nga pagaputlon o ikaw mopahiuyon sa labi ka suod ngadto kanila...

“Kadtong nagabarug ilalum sa namansahan sa dugo nga bandera sa Prinsipe Emmanuel dili mahimong mahiusa sa Free Masonry o sa bisan unsa nga sekreto nga katilingban. Ang patik sa buhi nga Dios dili ikabutang ni bisan kinsa nga nagapabilin niini nga kadugtungan human nga ang kahayag sa kamatuoran midan-ag sa iyang dalan. Si Cristo wala mabahin... Ang Ginoo nagaingon. ‘Gumala kamo gikan kanila, ug magbulag kamo... ug dili kamo maghikap sa mahugaw nga butang, ug pagadawaton Ko kamo, ug mahimong Amahan ninyo, ug kamo mahimong Akong mga anak lalake ug babaye, nagaingon ang Ginoong Makagagahum.” Selected Messages, book 2, p. 132, 140.

Kita usab sa tin-aw gisultihan nga atong katungdanan ang pagkuha sa atong mga ngalan ug pagkamembro gikan sa bisan unsa nga iglesia nga misalikway sa kamatuoran sa Dios, o kita dili makalaum nga mahiapil sa nahaunang pagkabanhaw - ug dili kita makabaton sa pasalig sa kinabuhi nga dayon!

“Ang akong (Ellen White’s) igsoon nagpadayon nga mapakyas sa madali. Kung iyang pagabation nga ang dag-um nagasaligpod kang Jesus gikan kaniya, dili siya mohunong hangtud nga kini mabungkag, ug ang mahayag nga paglaum magalipay kaniya pag-usab. Sa tanan nga miduaw kaniya, siya nakigsulti mahitungos sa kaayo sa Dios, ug sa kanunay nagaisa sa iyang higos nga tudlo, nagatudlo pataas, samtang ang langitnon nga kahayag anaa sa iyang nawong, ug nagaingon, ‘Ang akong bahandi anaa sa itaas,’ Kini usa ka kahibulongan sa tanan nga ang iyang kinabuhi sa pag-antus nagkadugay. Siya adunay ‘hemorrhage’ sa baga, ug gihunahuna na nga mamatay. Ug ang wala matuman nga katungdanan nagapakita kaniya. Siya nagdugtong na usab sa iyang kaugalingon sa iglesia Metodista. Siya gihulog sa tuig 1843 kauban sa ubang sakop sa panimalay, tungod sa iyang pagtoo. Siya nag-ingon nga dili siya mamatay sa kalinaw hangtud ang iyang ngalan makuha gikan sa listahan sa iglesia, ug mihangyo sa iyang amahan sa paglakaw dihadiha ug ipakuha kini.

“Pagkabungtag mibisita ang among amahan sa ministro, sa pagsulti sa hangyo sa akong igsoon. Siya (ministro) nagsulti nga mobisita kaniya, ug kung kini iyang tinguha nga dili na pagaisipon nga sakop sa ilang iglesia, ang iyang hangyo pagatugutan. Sa wala pa moabut ang ministro ang akong igsoon giataki sa ikaduha nga ‘hemorrhage’ ug naghunghong sa iyang kahadlok nga siya dili na makakinabuhi sa pagbuhat sa iyang katungdanan. Ang ministro mibisita kaniya, ug siya dihadiha mibutyag sa iyang tinguha, ug misulti kaniya nga dili siya mamatay sa kalinaw hangtud ang iyang ngalan makuha gikan sa libro sa iglesia; nga siya dili na makapakighiusa kanila pag-usab kung siya nagabarug diha sa kahayag.

“Ug siya nagsulti sa iyang pagtoo, ug paglaum ug sa kamaayo sa Dios kaniya. Usa ka langitnong nga pahiyum ang anaa sa iyang nawong, ug kadtong mga ngabil, nga pila ka gutlo ang milabay namansahan sa dugo, nabuka sa pagdayeg sa Dios sa Iyang daku nga kaluwasan. Sa pagbiya sa ministro gikan sa lawak siya nagsulti sa akong mga ginikanan, ‘Kana usa ka madaugon nga kalag; Wala ako makakita ug usa ka malipayon nga kalag kaniadto.’ Wala madugay human niini ang akong igsoon natulog diha kang Jesus, diha sa hingpit nga paglaum nga kabahin sa nahauna nga pagkabanhaw.” Spiritual Gifts, vol 2, p. 163-164.

Karon walay nasulat pinaagi sa Kasulatan sa Dios nga dili alang sa atong pagtuon. Busa kung atong tugutan ang mga ngalan nga magpabilin sa mga libro sa bisan unsa nga dautan nga katilingban - ilabi na sa bigaon nga iglesia - nan wala nato mabuhat ang atong katungdanan, kita sa gihapon nagahikap sa mahugaw nga butang, dili nato madawat ang patik sa Dios ug kita mangalaglag!

Kini nga pagkalaglag dili lang ang lawasnon nga kinabuhi, kondili kini nagaapil sa walay katapusan nga kinabuhi. Mao nga kining pangutana mahitungod sa pakamembro sa bigaon nga iglesia usa ka importante -- nagaagad sa kinabuhi nga isyu. Ang atong kinabuhi nga walay katapusan nagagad kun putlon sa nato o dili ang tanang kadugtungan gikan sa bigaon nga iglesia karon!

Kung kita dili mobiya gawas sa Babilonia ang bigaon nga iglesia, nan kita pagaptlon diha sa iyang kasal-anan, ug mawala ang atong kalag ug ang higayon alang sa kinabuhing dayon! Ngano? Tungod kay kita dili mahimong mga anak sa Dios kondili mga anak sa pagpakighilawas, ug giisip diha sa Babilonia.

“Dili kamo magpasangon ug samang yugo uban sa mga dili matinohoon; kay unsaon man pagpanagkuyog sa pagkamatarung ug sa pagkamasupilon? Kun unsaon man pag-inambitay sa kahayag uban sa kangitngit? Unsaon man pagkaangay ni Cristo uban kang Belial? Kun unsa ang kaambitan sa matinohoon uban sa dili matinohoon? Ug unsaon man pagkaangay sa templo sa Dios uban sa mga larawan? Kay kita mao ang templo sa Dios nga buhi, matud pa sa giingon sa Dios: Magapuyo ako kanila, ug magalakaw sa taliwala nila, ug ako mahimong Dios nila, ug sila mahimong katawohan nako. Tungod niana: Manggula kamo sa taliwala nila, ug managpamulag kamo, nagaingon ang Ginoo; ug dili ka maghilabut sa mahugaw; ug pagadawaton ko kamo; Ug ako mahimong Amahan ninyo, ug kamo mahimong anak nako, lalake ug babaye, nagaingon ang Ginoo, ang Makagagahum.” 2 Corinto 6:14-18.

Kanus-a kita mahimong anak lalake ug babye sa Dios? Kini ba sa dili pa maputol ang tanan nga kadugtungan ug panag-uyon kauban ni Satanas ug sa iyang gingharian, o inigkahuman sa pagputol sa kadugtungan? Kita mahimo lamang nga mga anak sa Dios human sa pagputol sa tanan nga kadugtungan!

Samtang kita sa bisan unsa nga paagi nadugtong kauban ni Satanas ug sa iyang gingharian sa Babilonia, kita mga anak sa pagpakighilawas - dili mga anak sa Dios. Apan human kita mobulag ug moputol sa tanang kadugtungan, pakighiusa, pakig-ipon, pakig-uban ug pagkamembro kauban sa bisan unsa nga bigaon nga mga iglesia nga atong ginahikap, nianang tungura, nga ang saad sa Dios sa pagdawat kanato matuman, ug mahimong Amahan alang kanato, ug kita mahimong Iyang mga anak!

Ang pagkamembro sa iglesia nagadugtong kanato pinaagi sa paghikap sa bigaon nga iglesia. Busa ikaw dili na anak sa Dios, Siya dili na imong Amahan, ug ang langit dili imong puloy-anan! Ngano? Tungod kay ikaw umalambit sa mga sala sa bigaon nga iglesia - ikaw giisip nga kauban sa Babilonia - IKAW ADUNAY KATILINGBANON NGA TULUBAGON!

Ang katapusang mensahe sa kalooy, o ang makusog nga singgit sa ikatulo nga manolonda, mao ang katapusan nga mensahe niining kalibutan nga madunggan, Ang si bisan kinsa nga tawo nga makadungog niining bililhon nga mensahe, ug sa mapadayonon magadumili sa pagsunod niini, sila mawala sa walay katapusan!

“Ang mensahe nga ginahatag niining panahona mao ang katapusang mensahe sa kalooy alang sa hulog nga kalibutan. Kadtong adunay kahigayunan sa pagpaminaw sa mensahe, ug mapadayonon sa pagdumili sa pagpatalinghug sa pasidaan, nagasalikway sa ilang katapusan nga paglaum sa kaluwasan. Wala nay ikaduha nga higayon.” Testimonies, vol 6, p. 19.

“Ug sa human niining mga butanga nakita ko, nga nanaug gikan sa langit ang usa usab ka manolonda, nga may dakug pagbulot-an; ug ang yuta ginaiwagan sa iyang himaya. Ug misinggit ginaingon: Nahulog na, nahulog na ang dakung Babilonia, ug nahimong puloyanan sa mga yawa, ug tigumanan sa tanang espiritu nga mahugaw, ug tugdonanan sa tanang langgam nga mahugaw ug dulumtanan; Kay ang tanang mga nasud (ang tanang mga iglesia o denominasyon - tan-awa SDA Bible Commentary, p. 979) nangahubog tungod sa vino sa kaisug sa iyang pagpakighilawas; ug ang mga hari sa yuta nakapaghilawas uban kaniya, ug ang mga magpapatigayon sa yuta nangadato tungod sa gahum sa iyang mausikong pagpatuyang. Ug nadungog ko ang lain nga tingog gikan sa langit nga nagaingon: Gumala kamo kaniya, katawohan ko, aron dili kamo makaambit sa iyang mga sala, ug aron dili kamo makadawat sa iyang mga hampak. Kay ang iyang mga sala nakaabut hangtud sa langit, ug nahinumduman sa Dios ang iyang mga pagkadili-matarung.” Bugna o Pinadayag 18:1-5.

Ang Amahan sa Iyang kaugalingon nagasulti sa tanang buot nga mahimong Iyang katawohan sa paggawas sa hingpit gikan sa bigaon nga iglesia sa Babilonia, o sila mahimong umalambit sa iyang mga sala - nga adunay katilingbanon nga tulubagon - ug sila magadawat sa sa mga hampak - isip umalambit sa silot sa ilang bigaon nga iglesia.

Kini nga mensahe sa pagbulag ug katilingbanon nga tulubagon nagauban sa mensahe sa pagkamatarung ni Cristo sa ikatulong manolonda, sama nga ang mensahe sa ikaduha nagauban sa nahauna (tan-awa Early Writings, p. 277). Apan daghan sa katawohan ug mga ministro ang nagatumong sa ilang pagtagad sa nahauna nga katunga niini nga maayong balita. Sila nagasentro sa pagdaug sa tanang sala pinaagi kang Cristo ug sa Iyang pagkamatarung, o ang himaya sa Ginoo, samtang sila sa hingpit nagasalikway sa katapusang katunga sa maayong balita. Apan ang duha kinahanglan nga mag-uban aron sa paglikay sa makatakud nga sala- kini man kaugalingon, sosyal o katilingbanon nga sala!

Ang mensahe sa pagkamatarung ni Cristo, o ang nahaunang katunga nga bahin sa maayong balita, nagatudlo sa gigutom ug giuhaw nga kalag ngadto kang Jesus. Ang mensahe sa hingpit nga pagbulag sa imong kaugalingon gikan sa tanang mahugaw nga katilingban, ilabi na sa bigaon nga mga iglesia - isip ikaduha nga katunga sa maayong balita - nagapahigawas sa katawohan gikan sa gimandoan sa tawo nga gapus aron mahingpit nga gawasnon diha ni Jesus! Ang mensahe sa pagkamatarung ni Cristo nagapahimulag sa kalag gikan sa makatakud nga kaugalingon ug sosyal nga mga sala. Ang mensahe sa pagbulag nagapahigawas sa tawo gikan sa makatakud nga katilingbanon nga mga sala. Kining duha ka mensahe nagaapil sa pagbulag; una sa kaugalingon ug sosyal nga mga sala, ug ikaduha gikan sa sala nga katilingbanon. Ug kung ang tanan niining katunga iponon ngadto sa usa katibook nga maayong balita, ikaw nagapatingog sa makusob nga singgit sa ikatulo nga manolonda!

Apan ang pagsalikway sa pagtuman sa bisan hain niini nga mensahe nagakahulogan nga dili ka mahimong hingpit sa kanitabuk-an ug gawasnon gikan sa sala - kini kaugalingon, sosyal o katilingbanon. Busa dili ka makahimo sa pagpadayag sa hingpit sa matarung nga kinaiya sa Dios diha sa kaputli ug walay pagkawalay buling tungod sa mansa sa sala! Busa kung ikaw magdumili sa pagtuman sa bisan asa nga katunga sa maayong balita - o sa mensahe sa presente nga kamatuoran sa makusog nga singgit - ikaw mahugawan sa sala. Ikaw nakasala sa pagsalikway kang Jesus sa dili pagpas-an sa imong krus sa pagbulag gikan sa tanang kaugalingon, ug sosyal nga sala ug gikan sa tanan nga sala nga katilingbanon. Mao nga dili ka makahimo sa pagdawat sa patik sa Dios. Isalikway ang bisan asa nga mensahe - bisan ang pagkamatarung ni Cristo, o ang pagbulag gikan sa tanan nga bigaon nga pundok sa mga makasasala - gikan sa tanan nga mga iglesia ug mahugaw nga mga katilingban - ug ikaw dili makadawat sa patik sa Dios!

“Ang manolonda (sa Ezequiel 9) magbutang sa patik sa agtang sa tanan nga nahimulag gikan sa sala ug mga makasasala, ug ang magalaglag nga manolonda magasunod sa pagpatay sa tanan tigulang ug batan-on.” Testimonies, vol 5, p. 505.

Bisan kung ikaw nagtuman sa mensahe sa pagkamatarung ni Cristo, ug nakadaug sa tanan nga kaugalingon nga sala, apan nagdumili sa pagbulag gikan sa imong bigaon nga iglesia, mapakyas gihapon ikaw sa paghingpit sa pagkamatarung ug aron mawalay dagta ug mansa sa sala. Ug ang patik sa Dios dili ikabutang diha sa agtang ni bisan kinsa nga nahugawan sa dagta sa sala (tan-awaw Testimonies, vol 5, p. 212-216). Busa ikaw pagaisipon nga mahugaw tungod sa imong mapadayonon nga pakighiusa o pagpamembro sa bigaon nga iglesia!

“Imposible alang kanimo ang pagpakighiusa kauban sa mga mahugaw, ug magpabilin nga putli. ‘Unsaon man pagpanagkuyog sa pagkamatarung ug pagkamasupilon? Kun unsaon man pag-inambitay sa kahayag uban sa kangitngit? Ug unsaon man pagkaangay ni Cristo uban kang Belial?’ Ang Dios ug si Cristo ug ang langitnong nga kasundalohan buot nga ang tawo mahibalo nga kung siya makighiusa sa mahugaw, siya mahimo nga mahugaw.” Review and Herald, January 2, 1900 (vol 4, p. 137).

Busa ang pagsunod ug pagwali lang sa pagkamatarung ni Cristo sa mensahe sa ikatulo nga manolonda, ug dili pagsunod sa pagpabulag nga mensahe sa ikatulo nga manolonda, magabiya sa katawohan nga mahugawan sa katilingbanon nga sala. Busa ilang mawala ang kinabuhi nga dayon. Ang pagsunod ug pagwali lang sa mensahe sa pagbulag, ug dili magatudlo sa katawohan ngadto kang Jesus ug sa Iyang pagkamatarung, magabiya sa katawohan nga mahugawan sa kaugalingon ug sosyal nga sala. Ug mawala nila ang kinabuhi nga dayon. Kining mga mensahe sa ikatulo nga manolonda kinahanglan nga tumanon sa pagtuman sa tanang pagkamatarung ug sa hingpit mahimo nga gawasnon gikan sa dagta ug mansa sa sala diha kang Cristo.

Kini usa ka mensahe sa TIBOOK MAAYONG BALITA nga gikinahanglan sa katawohan karon, - dili ang katunga lang sa maayong balita. Kini dili ang pagwali ug pagtoo sa mensahe sa pagkamatarung ni Cristo lamang, o ang pagwali ug pagtoo sa mensahe sa hingpit nga pagbulag lang. Apan kini usa ka tibook nga mensahe - ang mensahe sa makusog nga singgit - nga mao ang presente nga kamatuoran karon.

Busa ang kamatuoran alang niini nga panahon mao ang presente nga kamatuoran nga nagagakus sa tibook maayong balita, ug dili lang kay katunga. Ang pagwali sa ‘presente nga kamatuoran’ mao ang pagwali sa tibook nga maayong balita sa ikatulo nga manolonda-- ang pagwali sa mensahe sa pagkamatarung ni Cristo ug ang mensahe sa pagbulag gikan sa mga mahugaw nga mga iglesia. Kita dili lang magwali sa pagkamatarung ni Cristo ug ang pagdaug sa tanan nga sala kondili ang mensahe sa pagbulag ug paglikay sa tanang sala nga katilingbanon usab. Kita kinahanglan mogakus sa tibook mensahe sa ikatulo nga manolonda - ang pagkamatarung ni Cristo ug ang pagbulag ngadto kang Cristo! Ug kung kita nagawali sa katunga lang sa mensahe, nan kita wala nagawali sa presente nga kamatuoran. (Alang sa dugang pagtuon mahitungod niini nga suheto palihug sulat alang sa basahon. ANG KATAPUSANG MENSAHE SA KALOOY sa address nga gihatag sa atubangan niini nga balasahon).

“Ang Ginoo nagpakita kanako nga ang mga bililhong mga kalag ginagutom, ug nagakamatay sa pagpanginahanglan sa presente, makapatik nga kamatuoran, ang pagkaon sa husto nga panahon; ug nga ang mga makusog nga mensahero magadali sa ilang dalan, sa pagpakaon sa panon sa presente nga kamatuoran. Ako nakadungog sa Manolonda nga nagsulti, ‘Padalia ang makusog nga mga mensahero, padalia ang makusog nga mga mensahero; kay ang kaso sa matag kalag sa dili madugay mahukman na, kini alang sa kinabuhi o sa kamatayon.” Review and Herald, September 1, 1849 (vol 1, p. 11).

Kung kita magapili sa pagpabilin nga kadugtong sa kaugalingon o sosyal nga sala, o kita nagpili sa pagbalin nga kadugtong o membro sa bisan unsa nga mahugaw nga katilingban - apil ang bisan unsa nga bigaon nga iglesia, kini man Catoliko, Protestante, Pentecostal, o Adventista - nan kita dili mapatikan sa patik sa buhi nga Dios ug mawala ang kinabuhi nga dayon. (alang sa dugang pagtuon, palihug sulat alang sa basahon, The Controversy Over Revelation 18. sa address nga gihatag sa atubangan niini nga basahon).

Ang atong maloloy-on ug mahigugmaon nga Amahan nga langitnon dili buot nga magtan-aw sa bisan usa kanato nga malaglag tungod sa pagdumili sa pagbulag sa kaugalingon, o sosyal o katilingbanon nga sala. Apan Siya dili magapugos ni bisan kinsa sa pagsunod sa Iyang Kabubut-on ug magbiya sa bigaon nga iglesia. Siya sa maloloy-on nagahatag sa matag-usa sa katungod ug dungog sa pagpaminaw sa Iyang katapusang mensahe sa kalooy, ug nagahatag kanato ug higayon sa pagpili - sa pagpabilin sa kaugalingon, sosyai ug katilingbanon nga tulubagon sa mga sala sa Babilonia, o paglakaw sa matul-id ug masigpit nga dalan sa pagbulag ug pagdumili ug pagkamatarung.

Ang Dios naghatag sa Iyang tinuod nga katawohan ug usa lang ka dalan nga magadala kanato sa langit, ug kini nga dalan nagalakip sa pagbulag gikan sa tanang bigaon nga mga iglesia - pagkamembro ug ang tanan. Si bisan kinsa, ministro o magbubuhat, nga nagawali ug lahi, usa ka mini nga magbalantay nga nagasulti sa tingog sa langyaw, ug sila wala nagabuhat alang sa Dios! Ngano? Tungod kay sila nagadala sa katawohan sa lahi nga dalan kay sa hinatag sa Dios. Ug kining mini nga dalan dili magahatud ngadto s