Cebuano Protestant

Kini nagasulti kanato nga “kadtong diha sa kanhing panahon” o kadtong nahitabo na sa kasaysayan “mao karon” o sa presente nagakahitabo karon. Ug “kana nga umalabut pa” o ang palaabuton, “diha man sa kanhing panahon” o nahitabo na sa kasaysayan. Busa kung atong tan-awon ang mga pangitabo sa kasaysayan, ug tutukan ang mga panghitabo nga nahitabo niadtong panahon, nan atong mahibaloan kung unsay nagakahitabo sa atong kapanahonan karon ug unsa ang atong ginaatubang nga mga panghitabo sa umalabot. Uban niini nga mga panghitabo diha sa atong mga hunahuna, atong tan-awon ang kasaysayan sa Protestantismo nga nagatutuk sa mga detalye nga gihan-ay diha sa Espiritu sa Tagna -- usa ka dinasig nga reperensiya sa kasaysayan.

“Kadtong nanagdawat sa dagku nga mga panalangin sa Repormasyon wala magpadayon sa lakang ngadto sa unahan diha sa dalan nga sa madungganon ilang gilakwan. Pipila sa mga matinumanon nga katawohan ang mibarug sa matag panahon, sa pagsangyaw ug bag-o nga kamatuoran, ug pagpahayag sa dugay nang gitipigan nga sayop, apan ang kadaghanan, sama sa mga Judio sa kapanahonan ni Cristo, sa mga sumusunod sa Papa sa panahon ni Luther, nga nakontento sa pagtoo sama sa pagtoo sa ilang mga ginikanan, ug pagkinabuhi sama sa ilang pagkinabuhi. Busa ang Relihiyon mikunhod pag-usab ngadto sa pormalidad; ug ang mga sayop ug mga pagtootoo nga unta nasalikway kung ang iglesia nagpadayon sa paglakaw diha sa kahayag sa pulong sa Dios, nagpabilin ug gialimahan. Busa ang espiritu nga gidasig sa Repormasyon sa hinayhinay namatay, hangtud nga adunay pagpanginahanglan sa daku nga Repormasyon diha sa Protestante nga mga iglesia sama sa Iglesia Romana sa panahon ni Luther. Adunay pareho nga espirituhanon nga pagkalipong, pareho nga pagrespeto sa tawohanon nga panghunahuna, pareho nga espiritu sa pagkakalibutanon, pareho nga pagpuli sa tawohanon nga teyoria ilis sa pagpanudlo sa pulong sa Dios. Ang garbo ug pagpatuyang gipalambo ilalum sa saput sa tinuhoan. Ang mga iglesia nahugawan pinagi sa pakigkumbuya sa kalibutan. Busa ang mga dagku nga mga prinsipyo sa diin si Luther ug iyang mga kaubanan nanag-antus napaubos.

“Sa nakita ni Satanas nga siya napakyas sa pagbungkag sa kamatuoran pinaagi sa paglutos, siya midangop sa plano sa pagkompromiso nga maoy nagdala sa daku nga pag-apostasiya ug pagtukod sa iglesia sa Roma. Siya naghaylo sa mga Cristohanon sa pakigkumbaya sa ilang kaugalingon, karon dili sa mga pagano, kondili kanila nga, sa ilang pagsimba sa dios niini nga kalibutan, sa tinuod sa ilang kaugalingon tigsimbag diosdios. Dili na matago ni Satanas ang Bibila gikan sa katawohan, kini anaa na sa pagkab-ot sa tanan. Apan siya nagdala sa linibo sa pagdawat sa sayop nga mga paghubad ug dili maayo nga mga teyoriya, sa walay pagsusi sa mga Kasulatan sa paghibalo sa mga kamatuoran alang sa ilang kaugalingon. Iyang gihugawan ang mga doktrina sa Biblia, ug mga tradisyon nga maoy molaglag sa minilyon migamot. Ang iglesia nagatuboy ug nagapanalipod niini nga mga tradisyon, sa baylo nga makigbisog tungod sa pagtoo nga gitugyan sa makausa ngadto sa mga balaan....

“Nakita sa Dios nga daghan sa nagaangkon nga Iyang katawohan wala nagatukod sa eternidad; ug sa iyang kahingawa ug gugma Siya buot mopadala ug mensahe sa pasidaan sa pagpukaw kanila gikan sa ilang pagkalipong, ug pag-andam kanila alang sa pababot sa ilang Ginoo. Ang pasidaan dili ikatugyan ngadto sa mga doktor sa pagkadiosnon o sa mga inila nga mga ministro sa maayong balita.

“Kung kini sila nahimong matinoohon nga mga magbalantay, sa makugihon ug mainampoon nagasusi sa mga Kasulatan, nahibalo unta sila sa takna sa kagabhion; ang mga tagna ni Daniel ug ni Juan nakapadayag kanila sa dagku nga mga hitabo nga hapit na mahitabo. Kung sila sa pagkamatinoohon nagsunod sa kahayag nga gikahatag na, adunay mahayag nga langitnong bitoon nga gipadala sa paggiya kanila ngadto sa tanang kamatuoran.” Spirit of Prophecy, vol. 4, p. 194-196.

Ang mga iglesia nga Protestante giila sa Dios nga “Iyang nagaangkon nga katawohan” nianang panahona. Gipasagdan ba sa Dios ang Iyang katawohan niining makalolooy nga kahimtang? Wala. Siya nagpadala ug mensahe sa pasidaan sa pagpukaw kanila gikan sa paghikatulog aron ilang makita ang tinuod nila nga kahimtang.

“Si Jesus nagpadala sa Iyang katawohan sa mensahe sa pasidaan sa pag-andam kanila alang sa Iyang pag-anhi. Ngadto kang manalagna Juan gipahibalo ang katapusang buhat sa daku nga plano sa pagtubos sa katawohan. Iyang nakita ang monolonda nga nagalupad’sa kinatung-an sa langit, nga may Maayong Balita nga walay katapusan sa pagmantala kanila nga mga nagapuyo sa yuta, ug sa tanan nga nasud, ug banay, ug sinultihan, ug katawohan; ug siya nagaingon sa hataas nga tingog: Kahadlokan ninyo ang Dios, ug ihatag ninyo kaniya ang himaya; kay miabot na ang takna sa iyang paghukom; ug simbahon ninyo ang nagbuhat sa langit ug sa yuta ug sa dagat ug sa mga tuburan sa mga tubig.’...

“Nakita ni Jesus ang Iyang iglesia sama sa igos nga walay bunga, natabunan sa malabong nga dahon, apan nawad-an bililhon nga bunga. Adunay mapangandakon nga pagtuman sa mga tulumanon sa tinuohan samtang ang espiritu sa matuod nga pagpaubos, paghinulsol ug pagtoo nga mao lamang ang makapahimo sa pag-alagad nga kahamut-an sa Dios - nakulang. Inay sa mga grasya sa Espiritu, nakia ang garbo, pormalidad, pagkamapangandakon, kahakog, pagpanlupig. Ang nagakunhod nga iglesia mipiyong sa ilang mga mata sa ilhanan sa kapanahonan. Ang Dios wala magsalikway kanila, o nagtugot sa iyang pagkamaunungon nga mapakyas, apan sila mibulag gikan Kaniya, ug mipahilayo sa ilang kaugalingon gikan sa Iyang gugma. Sa ilang pagdumili sa pagtuman sa mga kondisyon, ang Iyang mga saad wala matuman diha kanila.

“Ang gugma kang Cristo ug pagtoo sa iyang pag-anhi nagbugnaw. Kini maoy siguro nga sangputanan sa dili pagtagad ug pagpauswag sa kahayag ug mga katungod nga gihatag sa Dios. Gawas kung ang iglesia magasunod sa Diosnong pagbantay nga magadawat sa matag bidlisiw sa kahayag, nga magatuman sa matag katungdanan nga igapadayag, dili malikayan nga ang tinoohan magakunhod ngadto sa pagsaulog sa mga tulumanon, ug ang espiritu sa makahatag ug kinabuhi nga pagkadiosnon mahanaw. Kini nga kamatuoran sa masubsub gihulagway sa kasaysayan sa iglesia. Ang Dios nanginahanglan sa Iyang katawohan sa mga buhat sa pagtoo ug pagtuman nga nagakatukma sa mga panalangin ug mga katungod nga gikahatag. Ang pagtuman nagkinahanglan ug pag-antus ug nagaapil sa krus, ug maoy hinungdan nga daghan sa mga nagaangkon nga sumusunod ni Cristo midumili sa pagdawat sa kahayag gikan sa langit, ug sama sa mga Judio sa karaang panahon, wala mahibalo sa panahon sa pagduaw kanila.” Spirit of Prophecy, vol. 4, p. 199-201.

Busa ang Iglesia sa Dios ug ang Iyang nagaangkon nga katawohan girepresentahan nga anaa sa Babilonia sa pagwali sa mensahe sa naunang manolonda!” Unsang tuiga nagsugod ang mensahe sa naunang manolonda? 1840. Sa tinuoray kini nagsugod sa tuig 1833, apan kini wala makabaton ug kakusog hangtud sa tuig 1840. Busa sa tuig 1840, ang katawohan sa Dios nahimong Babilonia ug ang Iyang nag-angkon nga mga katawohan giisip diha sa Babilonia!

“Ang haduol nga relasyon sa Iglesia ngadto kang Cristo girepresentahan sa hulagway sa kaminyoon. Ang Ginoo naghiusa sa Iyang katawohan diha Kaniya pinaagi sa usa ka solemne nga pakigsaad, Siya nagasaad nga mahimong ilang Dios, ug sila nagapanumpa sa ilang kaugalingon nga mahimong Iya, ug Iya lamang. Si Pablo nagsulti sa iglesia, ‘kay ginapakasal ko kamo sa usa ka bana, aron ikatugyan ko kamo nga usa ka ulay nga putli kang Cristo.’ Apan sa diha nga ang iyang pagsalig ug pagbati mipahilayo gikan Kaniya, ug siya nangita sa kakawangan, ug nagtugot sa paghigugma sa kalibutanon nga mga butang sa pagpahamulag kaniya gikan sa Dios, iyang giwala ang mga katungod nga naapil niining pinasahi ug balaanon nga relasyon. Pinaagi ni apostol Santiago giingon: kadtong nagpahiuyon sa kalibutan gitawag nga mga ‘mananapaw.’” Spirit of Prophecy, vol. 4, p. 233-234.

Kang kinsa giminyo ang iglesia sa Dios? Kang Cristo lamang. Karon kung ang minyo nga babaye mobulag gikan sa iyang bana ug naunang gugma ug moipon sa iyang kaugalingon sa lain, unsa ang iya nabuhat? Siya nakapanapaw, ug ang pagpanapaw usa ka pulong sama sa pagpamiga. Tungod sa maong pagpamiga nga ang iglesia sa Dios nahimong Babilonia!

“Ang Babilonia gisumbong usab sa sala sa gidili nga pakigdugtong sa ‘mga hari sa yuta.’ Ang pagbiya sa Ginoo ug pakigkumbuya sa mga pagano, ang nakapahimo sa iglesia nga Judio nga bigaon; ug ang Roma, sa paghugaw sa iyang kaugalingon sa sama nga paagi pinaagi sa pagsuporta sa kalibutanon nga mga gahum, nakadawat sa sama nga kondenasyon.” Great Controversy, p. 382.

Sa Spirit of Prophecy, vol. 4, p. 396, ang manalagna sa Dios nag-ingon nga ang papanhon nga iglesia nagbantay sa ikapito nga adlaw nga Igpapahulay sa wala pa makompleto ang iyang pagkalaglag. Sa pahina 195 siya nag-ingon nga si Satanas sa plano sa pagkompromiso nga mao ang nagdala sa daku nga pag-apostasiya ug sa pagkatukod sa iglesia sa Roma. Ug sa pahina 39-46 siya nag-ingon nga ang Manluluwas nakakita kung unsay mahitabo sa iglesia apostolika o sa mga Cristohanon. Si Satanas nag-ugbok sa iyang bandera sulod sa iglesia sa Dios ug nagdala sa kadaghanan sa membro sa pagsunod sa iyang plano sa pagkompromiso sa hataas nga estandarte sa pulong sa Dios ug sa pagano nga kalibutan. Kini nagpakaaron-ingon ug nag-angkon nga nakabig ug nagdawat kang Jesus ingon nga anak sa Dios. Busa ang Cristohanon nga iglesia apostolika nawad-an sa iyang kaputli ug gahum ug nahimong mahugaw. Ang pipila nga matinud-anon nakakita sa mga dulumtanan nga ginadala sa sulod nga sinul-oban sa saput sa kahayag ug nakigbatok niini nga pag-apostasiya. Apan sa nagauswag ang apostasiya sa baylo nga mokunhod, ang Dios nagdala niining pipila nga matinumanon sa pagputol sa tanan nga pakigdugtong ug pagpasakup sa ilang gihigugma, apan nag-apostasiya nga iglesia, ug sa kinabubut-on mibulag gikan kaniya aron sa pagtuman sa pulong sa Dios ug paghatag ug matarung nga sumbanan alang sa uban aron pagasundon sa baylo sa sumbanan sa pagkompromiso ug pakighiusa sa nag-apostasiya nga maoy magadala sa pagkalaglag sa pagtoo sa uban.)

Busa ang iglesia nga Judio-nga kaniadto putli nga iglesia sa Dios ug Iyang nag-angkon nga mga katawohan- pinaagi sa pagbulag gikan kaniya ug pagpakighiusa sa iyang kaugalingon sa pagano nga kalibutan, nahimong usa ka bigaon sa Babilonia. Ug ang Roma-nga kanhi putli nga apostolika nga iglesia sa Dios ug nag-angkon nga Iyang katawohan, pinaagi sa pagbulag gikan kaniya ug sa pagpakighiusa sa iyang kaugalingon sa kalibutan, nahimo usab nga bigaon sa Babilonia. Ug karon ang Protestante nga mga iglesia- nga kanhi putli nga iglesia sa Dios ug nag-angkon nga Iyang mga katawohan- nagsunod sa mao nga kasaysayan sa pagbulag gikan sa Iyang kiliran ug sa pagpakighiusa sa iyang kaugalingon sa kalibutan nahimong bigaon sa Babilonia.

Ang Dios wala magsalikway sa iyang Protestante nga mga iglesia ug nag-angkon nga mga katawohan sa 1840 human sila mitalikod kaniya ug nahimong bigaon sa Babilonia, apan Siya naghatag kanila sa iyang kalooy ug higayon sa paghinulsol-usa ka higayon sa pagtino kung sila magabalik sa kiliran ni Cristo. Mao kini ang hinungdan nga ang mensahe sa naunang manolonda gihatag.

Ang mensahe sa naunang manolonda usa ka mensahe sa paghinulsol ug pagpahilayo sa sala gikan sa kinabuhi. Kini gituyo sa paghamulag sa katawohan ug sa iglesia aron dili mamansahan ug mahugawan pinaagi sa pagpakigdugtong sa kalibutan aron nga ang hulagway sa Manluluwas mapadayag diha kanila. Imong makita ang walay kinutuban nga gugma ug kalooy sa Dios sa paghatag niana nga mansahe sa Iyang nahisalaag nga iglesia ug katawohan. Kini mao ang magdala kanila balik sa Iyang kiliran ug magahatag kanila ug kasinatian nga wala nila maangkon kung sila lamang magadawat, maghinulsol ug magtuman niini.

“Ang manolonda girepresentahan sa tagna nga nagadala sa mensahe, nagasimbolo sa usa ka pundok sa matinumanon nga katawohan, nga nagasunod sa tawag sa Espiritu sa Dios ug nagatudlo sa Iyang pulong, ang nagwali sa pasidaan ngadto sa mga nanagpuyo sa yuta. Kini nga mensahe dili ikahatag ngadto sa mga relihiyoso nga mga pangulo sa katawohan.” Spirit of Prophecy, vol. 4, p. 199.

“Adunay pipila lamang ka ministro, niini nga mensahe; busa kini gihatag ngadto sa kadaghanan nga mga mapainubsanon nga mga layko. Mga mag-uuma mibiya sa ilang kaumhan, mikaniko sa ilang mga gamit, mga negosyante sa ilang mga negosyo, mga propesyonal sa ilang mga katungdanan, ug bisan pa ang gidaghanon sa mga magbubuhat gamay lamang kung itandi sa buhat nga pagahimoon. Ang kahimtang sa dili diosnon nga iglesia ug ang kalibutan nga nagahay-ad sa kadautan nakapabug-at sa kalag sa tinuod nga mga magbalantay ug sila sa kinabubut-on nangabudlay, naglisod ug nag-antus aron lamang makatawag sa katawohan sa paghinulsol ngadto sa kaluwasan. Bisan gisupak ni Satanas, ang buhat kanunay nagapadayon...” Spirit of Prophecy, vol. 4, p. 223.

“Sila napakyas sa pagtipig sa ilang pakigdugtong sa Dios, ug nagsalikway sa kahayag gikan sa Langit; Busa wala sila mahiapil sa gihulagway ni Apostal Pablo: ‘Apan kamo, mga igsoon, wala kamo sa kangitngitan, aron pagahikalitan kamo niadtong adlawa ingon sa usa ka kawatan. Kay nga tanan kamo mga anak sa kahayag, ug mga anak sa adlaw; dili kita mga anak sa gabii, bisan sa kangitngitan.’

“Ang mga magbalantay sa bongbong sa Sion maoy una nga makasabut sa balita sa pag-anhi sa Manluluwas, ang una nga moisa sa ilang tingog sa Iyang pagkahaduol, ang unang mopasidaan sa katawohan sa pag-andam sa Iyang pag-anhi. Apan sila anaa sa kahayahay, nanagdamgo sa kalinaw ug kasigurohan, samtang ang katawohan nangatulog diha sa ilang mga sala... Tungod sa ilang garbo ug kakulang sa pagtoo, ang Ginoo miagi lamang kanila, ug nagpadayag sa Iyang kamatuoran ngadto sa katawohan sa mapainubsanon nga kinabuhi, nga nagpatalinghug sa tanan nga kahayag nga ilang nadawat.” Spirit of Prophecy, vol. 4, p. 200-01.

“Sa matag panahon, ang Dios nagtawag sa Iyang mga suluguon sa pagpataas sa ilang tingog batok sa nagadagsang nga mga sayop ug sala sa kadaghanan... Ang kadaghanan makita sa dapit sa sayop ug kabakakan. Ang Kamatuoran nga ang mga doktor sa pagka-diosnon nakabaton sa pulong diha sa ilang kiliran wala nagapamatuod nga sila anaa na sa dapit sa kamatuoran ug sa Dios. Ang masigpit ug makitid nga dalan gipangita sa pipila lamang.

“Kung ang mga ministro ug mga katawohan sa tinuoray naghandum sa paghibalo sa kamatuoran, ug naghatag sa doktrina sa Pag-anhi nga makugihon, ang maampoon nga pagtagad nga importante nga gikinahanglan, ilang makita nga kini nagakauyon sa Kasulatan. Kung sila nakighiusa sa mga manlalaban sa ilang pagpangabudlay, aduna untay miresulta nga pagpabuhi pagusab sa buluhaton sa Dios nga wala pa masaksihi sa kalibutan....

Ang iglesia nga Protestante ug ang iyang mga pangulo nagdumili sa pagdawat sa mensahe sa nauna nga manolonda sa pagbungkag sa ilang makihilawason nga buhat kauban sa kalibutan ug mobalik sa kiliran sa ilang Manluluwas. Dili sila gusto nga maminaw sa kamatuoran nga nagbutyag ug nagtul-id sa ilang mga sayop kung gituman, busa sila nagsugod sa pagpangita ug sang-atanan sa ilang mga pagduha-duha. Sila nagsugod sa pagpangita sa tanang klase sa tinumotumo nga sugilanon aron sa pagpahilum sa ilang mga tanlag nga ang ilang iglesia sa tinuoray usa ka bigaon sa Babilonia ug ilang gikinahanglan sa pagwagtang sa ilang kaminyoon ug pakighiusa sa kalibutan. Ang mga pangulo dili buot nga modawat niini nga kamatuoran ug matinguhaon sa dili pagtugot sa ilang mga membro sa katungod sa pagpaminaw ug pagdawat pinaagi sa paggamit ug mga paagi sa pagkab-ot niini.

“...mga katawohan nga nahisakop sa nagkalainlain nga mga pundok ug tinahud nila milabay, ang uban may makalipay nga mga pulong, ang uban may masuk-anon nga tinanawan ug mahulgaon nga lihok, ug mihugot sa pisi nga naluag. Kini nga mga katawohan sa kanunay nagaingon, ang Dios kauban nato. Kita nagabarug sa kahayag. Ania kanato ang kamatuoran. Ako nangutana kung kinsa kining mga tawohana ug gisultihan nga sila mga ministro ug pangulong tawo nga misalikway sa kahayag sa ilang kaugalingon, dili buot nga ang uban modawat niini.” Early Writings, p. 241.

“Dili matinumanon nga mga magbalantay nagpugong sa pag-uswag sa buhat sa Dios. Sa diha nga ang katawohan nahigmata, ug nagsugod sa pagpangutana sa dalan sa kaluwasan kini nga mga pangulo mipataliwala kanila ug sa kamatuoran, nga nagapahilum sa ilang kahadlok pinaagi sa sayop nga paghubad sa pulong sa Dios. Niini nga buhat, si satanas ug ang dili binalaan nga mga ministro naghiusa, nga nagasinggit, kalinaw, kalinaw, sa diin ang Dios wala magsulti ug kalinaw. Sama sa mga Fariseo sa kapanahonan ni Cristo, daghan, ang nagdumili sa pagsulod sa gingharian sa langit sa ilang kaugalingon, ug kadtong buot mosulod ilang gipugngan. Ang dugo niining nga kalag pagapaninglon sa ilang mga kamot.

“Sa diin ang mensahe sa kamatuoran giwali, ang labing mapaubsanon ug matinuoron diha sa mga iglesia mao ang mauna nga modawat niini. Kadtong nagatuon sa Biblia alang sa ilang kaugalingon makakita sa pagkadili bibliyahano nga kinaiya ug sa nailhan nga panglantaw sa tagna, ug sa diin ang katawohan wala malimbongi pinaagi sa pagpangabudlay sa mga tinugyanan sa simbahan sa pagpahayag ug sayop ug pagtuis sa pagtoo, sa diin sila nagasusi sa pulong sa Dios alang sa ilang kaugalingon, ang doktrina sa Pag-anhi nagkinahanglan lamang nga itandi sa mga kasulatan sa pagpabarug sa iyang balaan nga awtoridad.

“Daghan ang gipanglutos sa ilang dili tumotuo nga mga kaigsoonan. Aron nga mahuptan ang ilang dapit sa iglesia, ang uban nag-uyon sa paghilum mahitungod sa ilang paglaum; apan ang uban nagbati nga ang pagkamatinumanon sa Dios nagdili sa pagtago sa mga kamatuoran nga Iyang gipiyal kanila. Dili diyutay ang giputol gikan sa panag-uban sa iglesia...” Spirit of Prophecy, vol. 4, p. 226-27.

“Mga ministro nagkapuliki sa ilang kaugalingon sa pagtigum ug mga makadaut nga tahu, dili tinuod ug masilagon nga pagtumotumo, ug paghisgut kanila diha sa pulpito. Masingkamuton nga pagpangabudlay ang gihimo aron ipahilayo ang mga panghunahuna sa mga katawohan...” Spirit of Prophecy, vol. 4, p. 218-19.

“Mga manolonda sa Dios nagabantay uban sa halalum nga kaikag sa resulta sa pasidaan. Sa gisalikway sa iglesia isip usa ka lawas ang mensahe, ang mga manolonda mitalikod gikan kanila nga may kasubo. Apan aduna pay daghan diha sa iglesia nga wala pa kasulayi mahitungod sa kamatuoran sa Pag-anhi. Daghan ang nalimbongan sa mga bana, asawa, ginikanan, o kabataan, ug nagpatoo nga sala bisan ang pagpaminaw sa mao nga herehiya nga gitudlo sa mga Adventista. Ang mga manolonda gisugo sa pagbantay sa mga matinumanon niining mga kalag; tungod kay aduna pay kahayag nga moiwag kanila gikan sa trono sa Dios.” Spirit of Prophecy, vol. 4, p. 227.

“Ang Dios nagpadala sa Iyang nagaangkon nga katawohan ug usa ka mensahe nga maoy motul-id sa kadautan nga nagpahamulag kanila gikan sa Iyang pag-uyon....Apan ang Babilonia sa mayubiton nagasalikway sa katapusang paagi nga gitagana sa langit alang sa iyang pagpasig-uli..” Spirit of Prophecy, vol. 4, p. 236.

Apan ang Babilonia, ang mga iglesia nga Protestante isip usa ka lawas, nagdumili sa pagdawat, nagbiaybiay, ug nagsalikway sa katapusang mensahe sa kalooy nga mao unta ang magdala kanila sa pakig-uban sa Dios, ug uban ang dakung tinguha sila nagpadayon sa ilang makihilawason nga kalambigitan sa paghigugma sa kalibutan. Ilang gigamit ang ilang panahon nga igpaniid, nga sa maloloy-on gihatag kanila, nga nagauswag sa pag-apostasiya ug pagbatok sa Dios, sa baylo sa paghinulsol ug pagsaad sa Dios ug sa Iyang kabubut-on, ug siya dili gikan sa resulta sa ilang pagpili.

“Sa gibiaybiay sa mga iglesia ang tambag sa Dios pinaagi sa pagsalikway sa mensahe sa pag-anhi, ang Ginoo ngsalikway kanila. Ang nahauna nga manolonda gisundan sa ikaduha, nga nagaingon: Nahulog na, nahulog na kanang dakung siyudad, tungod kay iyang gipaimun ang tanang nasud sa vino sa kasuko sa iyang pagpakighilawas.” Spirit of Prophecy, vol. 4, p. 232.

Ang pagbiya sa mga Protestante nga iglesia sa kiliran ni Jesus ug sa ilang pakighiusa ug kaminyoon kauban sa kalibutan, nakapahimo kanila nga usa ka bigaon sa Babilonia nga adunay kahigayunan sa paghinulsol. Ang Dios sa maloloy-on nagpadala kanila sa mensahe ug naghatag kanila ug bililhon nga higayon sa pagbalik ngadto sa nagahulat Niya nga mga kamot. Apan ang “Babilonia sa mayubiton nagasalikway sa katapusang paagi nga gitagana sa langit alang sa iyang pagpasig-uli,” isip matinumanon ug pinili nga iglesia sa Dios pag-usab.

Sa diin ang iglesia sa Dios, isip katilingban, nagdumili sa pagpamati sa tingog sa Dios pinaagi sa Iyang mensahero (nga nagahatag sa katapusang mensahe ngadto kanila), apan nagpadayon sa ilang makihilawason nga kahilambigitan sa gugma kauban sa kalibutan, ang Ginoo nagsalikway kanila isip Iyang nagaangkon nga katawohan ug iglesia sa yuta. Ang higayon sa kaluwasan sa kanhi gitamud ug pinili nga iglesia sa Dios nagsira sa katilingban, ug si Jesus nagsumbong kanila nga hulog nga Babilonia.

Karon, kinsa man ang nagtuboy niining giuyonan sa langit nga mensahe nga ang panahon sa kaluwasan nagsira na alang sa kanhi gikaloy-an sa Dios nga Iglesia, sila karon hulog na nga Babilonia, ug ang tanan nga tinuod ug matinud-anon nga katawohan sa Dios gikinahanglan nga sa kinabubut-on mopahimulag sa ilang kaugalingon gikan kaniya aron makahimo sa pagpakighiusa kang Jesus sa gawas?

Kini nga mensahe, nga ang kanhi putli ug gikaloy-an sa Dios nga iglesia ug sa karon nahulog na nga Babilonia ug alang sa tanang tinuod ug matinud-anon nga katawohan sa Dios nga mopahimulag gikan kaniya, gihatag sa tinuod nga katawohan sa Dios! Apan giunsa nila paghibalo nga kini nga mensahe mao ang kamatuoran ug nga karon panahon na sa paghatag niini? Walay bersikulo sa Bibila nga nagsulti niini nga mga pulong: “Ang Protestante nga mga iglesia sa 1844 nahimo nang Babilonia, Gumala kamo.” Walay yano nga “Mao kini ang giingon sa Ginoo” nga ilang magamit sa pagkuha sa tanang pagduhaduha sa pagsulti nga ang Baptists, o Luteran ug uban pa, sa karon nahimo nang hulog nga Babilonia ug panahon na sa pagpanggawas. Busa giunsa sa katawohan sa Dios ang paghibalo nga panahon na sa paghatag niini nga mensahe?

Kini tungod sa mga inoras nga pag-ampo, pagtuon, pagtandog sa Espiritu sa Dios, ug pagsusi sa mga bunga nga gikapakita sa ilang iglesia nga ilang nahibaluan nga ang iglesia dili na sa bisan unsa nga paagi mahimo nga tinuod nga iglesia sa Dios - ang haligi ug patukuranan sa kamatuoran apan sa baylo kini nagahaum sa gihulagway nga hulog nga Babilonia. Sila mao ang naghigwaos kauban sa Dios mahatungod niini nga isyu, ug ang Dios naggiya kanila niini nga panghitabo, nga naghatag kanila ug nagakaigo nga pamatuod nga basilhanan sa ilang pagtoo, siya nagpuno kanila sa iyang Espiritu sa pagpausbaw sa ilang tingog ug sa makusog iwali kini nga mensahe sa halayo ug halapad.

“...ang matag tawo gitimbang sa timbangan ug nakit-an nga kulangan. Sila sa makusog nagaangkon nga mga Cristohanon, apan hapit sa tanan nga mga butang napakyas sa pagsunod kang Cristo. Si Satanas nalipay sa kahimtang sa nagaangkon nga sumosunod ni Jesus. Iya silang nalit-agan. Iyang nadala ang kadaghanan sa pagbiya sa matul-id nga dalan, ug sila nagasulay sa pagsaka sa langit agi sa laing dalan. Ang mga manolonda nakakita sa mga putli ug balaan nga nagasagul kauban sa mga makasasala sa Sion, ug kauban sa mahigugmaon sa kalibutan nga tigpakaaroningon. Sila nagabantay ibabaw sa tinuod nga mga sumosunod ni Jesus; apan ang mahugaw nakadaut sa mga balaan...mga manolonda nakakita sa talan-awon ug nakigduyog sa salin nga nahigugma sa pagpadayag sa ilang Ginoo.” Early Writings, p. 246-47.

“Akong nakita si Jesus nga milingiw gikan niadtong misalikway ug nagbiaybiay sa Iyang pag anhi, ug siya nagsugo sa Iyang mga manolonda sa pagdala sa Iyang katawohan sa paggawas gikan sa mga mahugaw, aron dili sila mahugawan. Kadtong nagmatinumanon nagbarug sa gawas nga gawasnon ug nahiusa. Usa ka balaan nga kahayag midan-ag kanila. Ilang gisalikway ang kalibutan, naghalad sa ilang yutan-on nga mga tinguha, mihatag sa ilang yutan-on nga mga bahandi, ug mitumong sa ilang mabalak-on nga panglantaw nagdto sa langit nga nagapaabut nga makakita sa ilang hinigugma nga Manluluwas. Usa ka balaan nga kahayag misidlak sa ilang mga nawong, nga nagapadayag sa kalinaw ug kalipay nga nagahari sa sulod. Si Jesus nagsugo sa Iyang mga manolonda sa pag-adto ug paglig-on kanila, kay ang takna sa ilang pagtilaw nagakaduol. Akong nakita nga kining nanaghulat wala pa matilawi sa angay nilang pagaagian. Sila dili gawasnon gikan sa mga sayop. Ug akong nakita ang kalooy ug pagkamaayo sa Dios sa pagdala ug pasidaan ngadto sa katawohan sa yuta, ug nagsubli sa mga mensahe sa pagdala kanila ngadto sa makugihon nga pagsusi sa kasingkasing ug pagtuon sa mga Kasulatan, aron mahukasan ang ilang kaugalingon sa tanang sayop nga gihatag gikan sa mga pagano ug mga sumosunod sa papa.” Early Writings, p. 249-50.

“Ang buhat wala nagbarug sa kaalam ug kahibalo sa katawohan, apan diha sa gahum sa Dios. Dili ang labing maalam, apan ang labing mapaubsanon ug maunongon mao ang mauna sa pagpamati ug pagtuman sa tawag. Mga mangunguma nagbiya sa ilang tanum nga nagbarug sa kaumhan, mga mekaniko mibiya sa ilang galamiton, ug uban ang luha ug kalipay migawas sa paghatag ug pasidaan. Kadtong kaniadto nag-agulo sa kawsa kauban sa mga nangulahi sa pag-apil niini nga kalihukan. Ang mga iglesia sa kinatibuk-an nagsira sa ilang mga pultahan batok niini, ug daghan nga katilingban nga adunay buhi nga pagpamatuod ang mibulag gikan sa pakigdugtong kanila.” Spirit of Prophecy, vol. 4, p. 250.

“Kadtong nagwali sa mensahe sa nahaunang manolonda walay tinguha o hunahuna sa pagmugna ug pagbahinbahin diha sa mga iglesia... Sa kapanahonan sa Repormasyon, ang malomo ug diosnon nga Melancthon nagsulti: ‘Walay lain nga iglesia gawas sa katiguman niadtong nakabaton sa pulong sa Dios ug naputli niini.’ Mga Adventista nga nakakita nga ang mga iglesia nagsalikway sa mga pagpamatuod sa pulong sa Dios, dili na makatagad kanila nga sakop sa iglesia ni Cristo, ‘ang haligi sa patukuranan sa kamatuoran’; ug samtang ang mensahe, ‘Nahulog ang Babilonia”, gisugdan pagwali, ilang gibati sa ilang kaugalingon nga makatarunganon ang pagbulag gikan sa ilang kanhi nga kadugtungan.” Spirit of Prophecy, vol. 4, p. 236-37.

Busa, ang uban niadtong nag-una sa pagwali sa mensahe sa naunang manolonda kauban sa nangulahi nga nakakita sa kamatuoran diha sa mensahe nga ang kanhi pinili nga iglesia sa Dios nahimo nang hulog nga Babilonia --sinalikway sa Dios ug nga ang Dios buot nga ang Iyang tinuod nga katawohan mopahimulag gikan niini!

“Sa daghang mga iglesia ang mensahe wala tuguti nga ikahatag, ug ang dagku nga pundok nakabaton sa buhi nga pagpamatuod mibiya niining mga hulog nga iglesia....Ang mensahe usa nga nagsusi sa kasingkasing, nga nagadala sa tumotuo sa pagpangita sa usa ka buhi nga kasinatian alang sa ilang kaugalingon. Sila nahibalo nga dili sila makasandig sa usag-usa....Apan ang daku nga panon nagpakita sa espiritu ni Satanas sa ilang pagsupak sa mensahe....Daghan sa nagaangkon nga nagatutuk kang Cristo walay bahin sa buhat sa mensahe....Ang mga anolonda nagabantay uban ang halalum nga kaikag sa sangputanan sa mensahe, ug nagtuboy niadtong nagadawat niini, ug nagadala kanila halayo gikan sa kalibutanon nga mga butang sa pag-angkon ug dagku nga kinahanglanon gikan sa tubutan sa kaluwasan.” Early Writings, p. 238-39.

Kini nga mensahe, nga ang kaluwasan nagsira alang sa kanhi putli nga iglesia sa Dios ug karon nahimo nang hulog nga Babilonia nga wala nay higayon sa pagreporma balik ngadto sa Dios, ug nga ang tanan nga matinud-anon nga katawohan sa Dios nagkinahanglan nga mopahimulag gikan kaniya, girepresentahan isip unsa?

Pila ka mga iglesia ang buot pabiyaan sa Dios sa Iyang katawohan? “Ang tanang nasud” o mga iglesia nahimo nang hulog nga Babilonia (Pinadayag 14:8), ug ang Dios buot nga ang tanan Niyang tinuod nga katawohan magpahimulag gikan sa matag-usa kanila. Walay usa nga natukod nga iglesia nga adunay kasigurohan nga pabilinan sa Iyang katawohan.

“Ang daku nga pundok niadtong nag-angkon nga nagatoo sa haduol nga pag-anhi sa Ginoo, nagsalikway sa ilang pagtoo. Ang uban nga labing masaligon nasamaran ug halalum diha sa ilang garbo nga nagbati nga morag mopahilayo sa kalibutan. Sama ni Jonas, sila nagbagulbol sa Dios, ug nagpili sa kamatayon sa baylo sa kinabuhi. Kadtong nagbase sa ilang pagtoo sa hunahuna sa uban, ug dili sa pulong sa Dios, sa karon andam sa pagbaylo pag-usab sa ilang mga panglantaw. Ang mga mayubiton nakadaug sa mga maluya ug talawan ngadto sa ilang lumbay...” Spirit of Prophecy, vol. 4, p. 252.

“Apan samtang ang daghan, ilalum sa kusog nga pagsulay, mobiya sa ilang pagtoo, adunay pipila nga nagbarug nga malig-on. Dili sila makakita ug sayop sa ilang pagtimbangtimbang...Ang malig-on sa ilang kabatok wala molampus sa pagdaug sa ilang baruganan....Ang Dios wala magbiya sa Iyang katawohan; ang Iyang Espiritu sa gihapon nagpabilin niadtong wala magdalidali sa pagsalikway sa kahayag nga ilang nadawat...Ang pagsalikway sa ilang pagtoo karon, ug paglimod sa gahum sa Balaan nga Espiritu nga nag-uban sa mensahe, magadala balik ngadto sa kalaglagan....ang ilang bugtong kasigurohan mao ang pagpangga sa kahayag nga ila nang nabatnan gikan sa Dios...” Spirit of Prophecy, vol. 4, p. 254, 256-57.

Busa, mga kalim-an lamang gikan sa kalim-an ka libo o 1/10 sa 1% ang nagpamatuod sa ilang kaugalingon nga matinud-anon sa Dios sa dihang ang ilang pagtoo gisulayan. Samtang ang 49,950 ang nagpamatuod nga dili matinumanon nagdto sa Ginoo ug sa Iyang mga kamatuoran. Gipakita nga daghan ang nagbase sa ilang pagtoo diha lamang sa pulong ug panghunahuna sa uban sa baylo sa pagtuon alang sa ilang kaugalingon, o “pagpamatuod sa tanang butang.” Sa diha nga ang mga pagsulay ug ilabi na ang migimaw nga kabug-at miabut sa pagsulay ug pagkuha kanila sa pag-undang sa ilang pagtoo sa kamatinud-anon niining langitnong nga mga mensahe, ang kadaghanan miundang ug misugod pagduhaduha nga ang ilang iglesia sa tinud-anay hulog nga Babilonia ug nga sila nasayop sa pagbiya kaniya. Ilang gisumbong nga sayop ang ilang nangagi nga kasinatian ug pagtoo nga sila nagsunod nga walay kahibalo, ug ilang giundang ang ilang pagtoo.

“Ang uban nagdalidali sa paglimod sa kahayag (singgit sa tungang gabii) sa ilang luyo, ug nagsulti nga dili ang Dios ang nagdala kanila pagawas. Ang kahayag sa ilang luyo nawala nga nagbilin sa ilang mga tiil diha sa hingpit nga kangitngit, ug sila nangapangdol ug nawala ang ilang pana-aw sa marka ug nahimulag ang ilang pananaw kang Jesus, ug nahulog gikan sa dalan ngadto sa kangitngit ug dautan nga kalibutan sa ubos. Ug imposible na alang kanila ang pagbalik sa dalan pag-usab ug moadto sa siyudad, nga ang tanan dautan nga kalibutan gisalikway na sa Dios.” Word to the little Flock, p. 14 (edited version in Early Writings, p. 15).

“Gipakita kanako sa panan-awon, ug ako nagatoo gihapon, nga adunay pultahan nga nasirhan niadtong 1844. Ang tanan nga nakakita sa kahayag sa mensahe sa nahauna ug ikaduha nga manolonda ug nagsalikway niana nga kahayag, nabiyaan diha sa kangitngit. Ug kadtong nagdawat niini ug nagdawat sa Balaan nga Espiritu nga nag-uban sa pagwali sa mensahe gikan sa langit, ug sa kaulahian mibiya sa ilang pagtoo ug nagpahayag sa ilang kasinatian nga usa ka limbong, nagsalikway sa Espiritu sa Dios, ug wala na mangaliya kauban nila.

“Kadtong wala makakita sa kahayag, wala makabaton sa sala sa pagsalikway. Kadto lamang ang nagbiaybiay sa kahayag gikan sa langit ang dili maabut sa Espiritu sa Dios. Ug kini nga pundok nagaapil, sumala sa akong gihisgutan, kadtong magdumili sa pagdawat sa mensahe sa mensahe sa diha nga kini gipresentar kanila, ug kadto usab ang nagdawat nga sa kaulahian misalikway sa ilang pagtoo. Kini mahimo nga nakabaton sa dagway sa pagkadiosnon, ug nag-angkon nga nga nakabaton sa dagway sa pagkadiosnon, ug nag-angkon nga sumosunod ni Cristo; apan tungod kay walay buhi nga pakigdugtong kauban sa Dios, sila nahimong binihag sa mga limbong ni Satanas.” Selected messages, book 1, p. 63-64.

Kadtong sa tin-aw nagsalikway sa kahibalo nga ang ilang iglesia nahimo nang hulog nga Babilonia ug nga sila nagkinahanglan nga sa kinaugalingon mobulag gikan kaniya, nangawala! Ang pultahan nasirhan alang kanila ug ang panahon sa ilang kaluwasan nagsira alang kanila sa walay katapusan - sa ilang paghukom sa pagsupak sa Dios ug niining mga kamatuoran. Mao usab kadtong nagtoo ug nagdawat sa kamatuoran nga ang ilang iglesia hulog na nga Babilonia, ug mingbulag, apan sa kadugayan nagbiya sa ilang pagtoo ug nagingon nga kini nga kamatuoran sayop ug ang ilang kasinatian usa ka limbong, nangawala usab! Ang pultahan nasirhan alang kanila ug ang ilang kaluwasan nagsira usab sa walay katapusan sa ilang pagpili sa pagbiya sa ilang pagtoo ug pagsulti nga ilang pagtoo niini nga mensahe sa kamatuoran sayop. Sila nakasala batok ug nakapasubo sa Balaan nga Espiritu, ug bisan pa aduna silay dagway sa pagkadiosnon ug nagaangkon nga sumosunod gihapon ni Cristo, ug nagawali sa uban nga kamatuoran ngadto sa uban, sila sa gihapon mga maglilimbong uban sa mga limbong ni Satanas! Tinuod, daghan ang nagsunod sa sama nga kasaysayan sa mga Judio sa paghigugma ug pagsimba sa ilang gipakadios nga iglesia nga labaw sa Dios ug pagtuman sa Iyang kamatuoran (tan-awa Early Writings, p. 198).

Kini nga mga mensahe sa nahauna ug ikaduha nga manolonda - o ang kinabubut-on nga pagpahimulag sa imong kaugalingon nga mga sala ug pagpakigdugtong sa kalibutan, ug gikan sa imong mahugaw ug hulog nga iglesia aron mahimong hingpit nga gawasnon diha kang Jesus - sa diin ang katapusan nga mensahe sa kalooy, o ang mensahe sa nasirhan nga pultahan, alang sa tanan nga nakadungog kanila. Ang ilang kaugalingon nga paghukom batok sa bisan asa niini nga mga mensahe, sa pinasahi human nga kini ila nang gidawat, nagsira sa pultahan sa ilang kaluwasan sa walay katapusan nga wala nay ikaduha nga higayon nga nagpabilin nga bukas alang kanila. Imposible na alang kanila ang pagbalik ug pagdawat sa kamatuoran pag-usab.

Ang pinili nga iglesia sa Dios ug nagaangkon Niya nga katawohan, nga sa hilabihan gikaloy-an sa Ginoo ug giminyo ngadto Kaniya diha sa balaan nga relasyon sa pakigsaad nga mahimong Iya ug Iya lamang, sa hinayhinay nagsugod sa paghikalimot sa ilang nahaunang gugma. Sila sama sa mga Judio ug mga iglesia apostolika nga nanghiuna kanila, mibulag gikan sa kiliran ni Jesus ug nakighiusa sa ilang kaugalingon kauban sa kalibutan. Kining makihilawason ug mahugaw nga kahilambigitan sa gugma kauban sa kalibutan nakapahimo sa iglesia sa Dios nga bigaon sa Babilonia, apan dili hulog nga Babilonia.

Si Jesus wala magbiya sa Iyang masukihon nga asawa ug iglesia. Uban ang walay kinutuban nga gugma ug kalooy Siya nagpadala kaniya ug mensahe, pinaagi sa Iyang mapaubsanon nga mga mensahero, sa pagsulay sa pagpahamulag kaniya gikan sa iyang pagpakighilawas sa kalibutan ug kang Satanas, aron sa pagdala kaniya balik sa Iyang kiliran isip Iyang matinud-anon nga iglesia pag-usab. Siya nagtinguha sa hilabihan sa Iyang iglesia nga maputli gikan sa pagkabigaon sa Babilonia ug paghinlo kaniya gikan sa iyang kahugawan ug pagkadautan, busa Siya naghatag kaniya ug bililhon nga higayon - higayon sa kaluwasan sa pagpili kung kinsa ang iyang sundon, ang Dios o si Satanas.

Apan ang Iyang Iglesia, isip usa ka lawas, nagsalikway sa Iyang maloloy-on nga mensahe sa gugma, ug uban ang dakung tinguha nakighiusa sa hingpit kauban sa kalibutan! Sila nagdumili sa pagsusi sa mga Kasulatan alang sa ilang kaugalingon, apan nagtinguha sa pagkupot sa matag tinumotumo nga sugilanon aron sa paghupay sa ilang nagngutngut nga mga tanlag. Kadtong sa posisyon sa mga pangulo sa mga iglesia, nagtinguha sa pagpangabudlay sa pagpahilayo sa panghunahuna sa ilang mga sakop gikan sa pagpaminaw sa magwawali sa Dios nga nagawali sa solemne nga kamatuoran mahitungod sa ilang iglesia.

Kini nga mga ministro ug mga pangulo nagsulay sa pagdaut sa mensahe sa kamatuoran pinaagi sa paggamit sa mga paagi sama sa: pagdaut sa personalidad sa magwawali sa kamatuoran, pagwali ug mga bakak, pagtuis sa mga mensahe, ug agsinggit ug kalinaw, kalinaw sa pagpahilum sa ilang kahadlok. Sila nagatindog taliwala sa kamatuoran ug sa katawohan ug nagdumili sa pagtugot ni bisan kinsa sa pagsulod. Sila nagawali ug bakak gikan sa pulpito nga nagasulti sa katawohan nga ang Dios anaa gihapon sa ilang taliwala, nga Siya anaa lamang kanila, ug nga sila lamang ang nakabaton sa kamatuoran ug nagabarug sa kahayag, samtang walay usa niini nga tinuod - kaniadto apan karon dili na.

Kining mga mini nga magbalantay nagakandado sa lubid sa kaulipnan nga naghugot palibot sa katawohan sa paghimo kanila nga bihag sa walay Dios nga iglesia ug mahugaw nga pamunoan. Buot nila nga ang katawohan magpabilin nga responsable sa kinatibuk-an sa mga sala sa ilang bigaon nga iglesia ug mag-antus sa sama nga silot, ug nagahadlok sa katawohan ngadto sa pagpasakop sa ilang awtoridad pinaagi sa masuk-anon nga tinan-awan ug mahulgaon nga linihokan. Ilang ginasulayan pagpahilum ang hugot nga pagtoo sa mensahe sa kamatuoran pinaagi sa pantanyag ug mga ganti sa katungdanan sa pag-uswag diha sa iglesia. Ilang gigamit ang pagkamembro sa iglesia isip galamiton sa pagtugot ug bisan ang pagdangup sa kusog ug paglutos aron mapahilum ang kamatuoran.

Ang Dios naghatag sa Iyang iglesia nga Babilonia ug bililhon nga higayon sa paghinulsol apan siya nagsalikway sa tanang tanyag sa Iyang gugma ug kalooy, ug ang Iyang kanhi putli ug pinili nga iglesia nahimong sinalikway sa Dios ug gihukman nga hulog nga Babilonia. Ang iglesia isip usa ka lawas dili na Iyang pangasaw-onon, o mahimo pa nga Iyang pangasaw-onon. Karon ang matag membro kinahanglan nga matilawan sa pagsuta kung sila magasunod sa Dios o mahisama sa ilang iglesia nga nagsalikway sa Dios. Ang tanan nga buot mahimong sumosunod sa Dios ug Iya lang, gikinahanglan nga mobiya sa tanan nilang mga iglesia nga nag-apostasiya aron makiguban sa ilang gihigugma nga Manluluwas ug hari nga nagahulat sa gawas sa kampo nga may pinatuy-od nga mga bukton.

Ang kahugawan diha sa iglesia nakaapekto sa balaan, ug ang tinuod nga katawohan sa Dios mahimong mahugawan pinaagi sa pagpadayon sa ilang pagpamembro ug pagpakig-uban sa ilang iglesia. Busa ang mensahe, nga ang kanhi putli ug pinili nga iglesia sa Dios karon nahimo nang hulog nga Babilonia - sinalikway sa dios - ug nga ang pagbulag gikan kaniya usa ka kinahanglan alang sa kaluwasan nga ikahatag.

Kining maloloy-on nga mensahe giwali, dili sa kaugalingon sa Dios, o sa literal nga manolonda, apan sa mapaubsanon nga mga sumosunod sa Dios. Apan giunsa nila paghibalo nga karon na ang panahon sa paghatag niini nga mensahe? Pinaagi sa makugihon nga pag-ampo alang sa giya sa Dios alang sa hingpit nga kahibalo sa Iyang kabubut-on. Pinaagi sa pagtuon uban ang matinud-anon ug uban ang bukas ug walay mapihigon nga hunahuna, ug sila gilamdagan sa Balaan nga Espiritu. Ila usab nga gisusi sa makugihon ang mga bunga nga ginapakita sa ilang iglesia ug nakakita nga ang iglesia wala maghinulsol sa ilang pagkabigaon o sa bisan unsa nga paagi nagapakita sa bunga sa tinuod nga iglesia sa Dios, apan nagapakita sa mga bunga sa hulog nga Babilonia! Sila gipugos sa Dios sa pagwali niining gipadala sa langit nga mensahe ngadto sa tanan sa ilang palibut.

Kini nga mensahe nahisama sa tinaligsik sa ulan nga nagakanaug diha sa makugihon nga nagapangita sa kamatuoran ug kadtong nagtuman niini nga mensahe naghimo ug hingpit nga halad ug kinatibuk-an nga pagbalaan ngadto sa Ginoo. Sila sa kinatibuk-an nagkuha ug nagpas-an sa krus sa pagpahamulag aron makig-uban sa ilang Ginoo.

Ang labing mapaubsanon mao ang nauna sa pagtuman sa kamatuoran ug nagbiya sa ilang iglesia aron sa pagpakig-uban kang Jesus, samtang kadtong nanguna sa pagtawag sa ilang iglesia sa paghinulsol ug pagpamalik ngadto sa Dios, nahimong kauban sa nangulahi sa pagdawat ug pagsunod niini. Apan ang kadaghanan sa katawohan nagsalikway sa kamatuoran ug nakigbatok sa mensahe nga ang ilang iglesia karon gisalikway na sa Dios isip hulog nga Babilonia. Ug ang pultahan sa kaluwasan nagsira alang niadtong nagsalikway sa maloloy-on nga mensahe - wala nay ikaduha nga higayon ang nahibilin nga bukas alang kanila!

Apan dili ang tanan nga nagpahimulag ang adunay kasigurohan usab. Sa tanan nga nagtuman, pipila lamang ka salin (1/10 sa 1%) ang tinud-anay nga nagsunod sa kamatuoran nga ilang natun-an alang sa ilang kaugalingon nga nakaila sa katinuoran niini pinaagi sa Balaan nga Espiritu. Kini nagbarug nga malig-on diha sa bato nga si Cristo Jesus ug dili matarung. Samtang ang kadaghanan niadtong mibiya ug nagsalig sa pagbati ug sa pulong sa uban nga walay pagtuon alang sa ilang kaugalingon sa pagsut kung kini kamatuoran o dili. Kini nagbarug diha sa patukuranan nga balas.

Sa dihang ang pagtoo sa tanan sa hapiit gitilawan, ang kadaghanan (kapin 99 9/10%) niadtong mibulag mibakwi sa ilang pagtoo ug nagtugyan sa kamatuoran. Sila nagpili sa lain nga dalan, ug pinaagi niana nagsalikway kang Jesus isip ilang hari ug nagsulti sa ilang kasinatian-sa pagpahimulag ug pagtoo nga ang iglesia hulog nga Babilonia usa ka limbong, ug pinaagi niana nagpasipala batok sa Balaan nga Espiritu, ug ang pultahan sa ilang kaluwasan nagsira sa walay katapusan alang kanila. Samtang ang diyutay nga salin anaa sa ginagmay nga pundok migunit haduol kang Jesus - nagdumili sa paglimud Kaniya o sa kamatuoran. Kini nagpakita sa hingpit nga pagtoo ug pagsalig sa Dios ug sa Iyang pagdumala sa ilang pagpahimulag gikan sa ilang iglesia, bisan pa kini makita, sa tanang panagway, nga sila nakabuhat ug sayop nga butang. Apan kining matinud-anon nga salin gikahimut-an sa Dios isip Iyang pinili nga mga anak ug iglesia, ug ang Dios kauban nila.

Kang kinsa giminyo ang Iglesia Adventista? Ngadto kang Cristo! Karon kung kining minyo nga babaye mobiya gikan sa kiliran sa iyang Bana ug makighiusa sa iyang kaugalingon sa kalibutan, siya mamahimong mananapaw ug usa ka bigaon. Busa ang Dios, pinaagi ni Igsoong White, nagapasidaan sa Iglesia Adventista nga kung siya magasubli sa sama nga kasaysayan nga gihimo sa mga Judio, Apostolika ug Protestante nga mga iglesia, ug magabiya sa kiliran ni Jesus - ang ilang unang gugma ug bana - sa pagpakighiusa sa iyang kaugalingon kauban sa kalibutan, nan ang Iglesia Adventista mamahimong usa ka bigaon sa Babilonia!

Karon duha ka tuig ang milabay, sa 1893, usa ka tawo ginganlan A.W. Stanton, kauban sa uban, nagpagawas ug mga basahon nga nagatawag sa Iglesia Adventista nga hulog na nga Babilonia sa tuig 1893. Sa tuig 1893 ang Iglesia Adventista dili hulog nga Babilonia o kabahin sa Babilonia, ug si Igsoong White nagsulat sa yano nga kini nga mensahe sa 1893 usa ka sayop ug nga kini gikan ni Satanas ug dili sa Dios.

Karon ang kadaghanan sa katawohan sa Iglesia Adventista nagatoo ug natudluan sa ilang mga ministro ug mga pangulo nga tungod si Igsoong White nagsulti nga ang Iglesia Adventista dili hulog nga Babilonia o kabahin sa Babilonia sa 1893, nga kini nga mga pulong dili ilalum sa kondisyon ug nagabarug sa walay katapusan nga ang Iglesia Adventista dili ug dili gayod mahimong Babilonia o hulog nga Babilonia, bisan unsa man ang buhaton sa iglesia. Apan mao ba kini ang gisulti ug buot ipasabut ni Igsoong White? Dili!

Ang matag pagpamatuod nga imong makita nga gisulti ni Igsoong White nga dili tawgon ang Iglesia Adventista nga Babilonia, natumong lamang sa tuig 1893! Walay mga pagmatuod bisan sa wala pa o human niining petsaha nga nagasulti nga dili pagtawgon ang Iglesia Adventista nga Babilonia, nga sa malig-on nagasugyot nga kini nga mga pagpamatuod gisulat diha sa presente nga kahimtang, ug ilalum sa kondisyon. Sa laing pulong, kini nga mga pagpamatuod gisulat uban sa tuig 1893 diha sa hunahuna, ug nagapadayon lamang nga kamatuoran sa kondisyon sa pagkamatinumanon sa iglesia ngadto sa Dios.

“Naunsa ang mamalatyon nga tawo nangahas sa pagpakanaug ug paghukom diha kanila ug nagtawag sa iglesia nga usa ka bigaon, Babilonia, tagoanan sa mga kawatan, usa ka hawla sa tanang mahugaw ug dulomtanan nga mga langgam, ang puloy-anan sa mga yawa...Ang Ginoo adunay iglesia gikan niadtong adlawa (panahon sa apostolika) ngadto sa pagpanglabay sa hugna sa panahon ngadto sa presente nga panahon, 1893.” Review and Herald, vol 6, p. 515, col 1.

Imo nang nakita sa 1893 ang Iglesia Adventista wala pa mibulag sa hingpit gikan sa kiliran ni Cristo - ang iyang bana - ug nakighiusa sa ilang kaugalingon ngadto sa kalibutan, nga nagtuman sa mga kondisyon nga gikinahanglan nga magahimo kanila nga bigaon sa Babilonia sumala sa gipasidaan ni Igsoong White diha sa pagpamatuod sa 1891 (Testimonies to Ministers, p. 265).

Wala bisan diin sa sinulatan ni Igsoong White nga siya nagsaad nga dili mahimo nga Babilonia ang Iglesia Adventista nga walay kondisyon. Niadto lang sa tuig 1893 nga ang iglesia wala makighiusa sa hingpit ngadto sa kalibutan sa pagtuman sa mga kondisyon sa pagpamatuod sa Testimonies to Ministers, p. 265, ug kun ngano nga siya nagsulat nga sa “presente nga panahon” dili pagatawgon ang iglesia nga Babilonia. Ug aron nga walay malibog mahitungod niining mahinungdanon nga isyu, siya nagsulat mga duha ka tuig ang milabay, sa 1895.

“Ang kalibutan kinahanglan nga dili ipaila sa iglesia ug iminyo sa iglesia. Pinaagi sa pakighiusa sa kalibutan ang iglesia mahimong mahugaw, ‘usa ka halwa sa tanang mahugaw ug dulomtanan nga langgam! Ang mga kinaiya sa kalibutan kinahanglan nga dili makabaton ug luna; tungod kay kini mahimong bukas nga mga pultahan sa diin ang principe sa kangitngit makakita ug agianan, ug ang utlanan dili mailhan taliwala kaniya nga nagaalagad sa Dios ug kaniya nga wala nagaalagad....Mga yawan-on nga kusog ang nagapadayon sa pagbuhat pinaagi sa kalibutan, ug tinguha ni Satanas ang pagdala sa iglesia ug kalibuitan ngadto sa suod nga pakig-uban aron nga ang ilang tumong, ang ilang espiritu, ang ilang mga prinsipyo, managkauyon...” Review and Herald, vol. 3, p. 233 col 2; February 26, 1895.

Ginapatigbabaw pag-usab nga kung ang Iglesia Adventista mobiya gikan sa kiliran ni Cristo ug makighiusa sa iyang kaugalingon kauban sa kalibutan, nga ang iglesia mamahimong halwa sa tanang mahugaw ug dulomtanan nga mga langgam o bigaon sa Babilonia! Busa, ang pangutana nga angay ipangutana mao; Nagbiya ba ang Iglesia Adventista gikan kang Cristo nga iyang bana ug nakighiusa sa iyang kaugalingon sa kalibutan, ug nakahimo ug pagpanapaw? Nagsunod ba sila sa plano ni Satanas human sila gipasidan-an sa dili pagpanag-uyon? Makasusubo, Oo!

“Ang nagaangkon nga mga sumusunod ni Cristo dili na usa ka linain ug talagsaon nga katawohan. Ang utlanan dili na maila. Ang katawohan nagapaulipon sa ilang kaugalingon sa kalibutan, sa iyang batasan, sa iyang kinaiya, sa iyang kahakog. Ang iglesia nagsunod sa kalibutan diha sa paglapas sa sugo, sa baylo ang kalibutan mao unta ang magsunod sa iglesia sa pagtuman sa Kasugoan. Sa matag dlaw ang iglesia nakabig ngadto sa kalibutan.” Christ’s Object Lessons, p. 315-316.

“Unsa ka solemne ug terible nga kamatuoran nga daghan sa kaniadto madasigon sa pagwali sa mensahe sa tulo ka manolonda ang karon gilaayan ug walay pagtagad! Ang utlanan taliwala sa kalibutan ug daghan nga nagaangkon nga Cristohanon dili na hapit maila. Daghan sa kanhi makugihon nga Adventista ang nagapakig-uyon sa kalibutan - sa iyang batasan, sa iyang kinaiya, ug sa iyang kahakog. Sa baylo sa pagdala sa kalibutan ngadto sa pagtuman sa balaod sa Dios, ang iglesia nakighiusa sa labi ka suod sa kalibutan diha sa kalapasan. Sa matag adlaw, ang iglesia nakabig ngadto sa kalibutan.” Testimonies, vol. 8, p. 118-19.

“Ang sentro nga gahum sa kalibutan mao ang yawa. Ang iyang trono anaa sa taliwala sa kalibutan, sa diin kinahanglan nga makita ang trono sa Dios. Siya gisuportahan sa iglesia, tungod kay ang iglesia nakig-uyon sa kalibutan, ug nagkinabuhi diha sa paglapas sa balaan nga balaod sa Dios.” This Day With God, p. 28.

“Ang iglesia nakakuha sa kalibutan sa panag-uban kaniya ug naghatag sa iyang pagbati ngadto sa kaaway sa pagkabalaan. Ang iglesia ug ang kalibutan nagabarug sa sama nga baruganan diha sa paglapus sa sugo sa Dios. Ang iglesia nagapalabi sa pagpahiuyon sa kalibutan inay nga magpahimulag sa iyang gawi ug kakawangan.” Manuscript 44, 1900, p. 19.

Sa dakung kasubo, ang iglesia Adventista mibulag gikan kang Cristo ug nakighiusa sa iyang kaugalingon sa kalibutan sama sa gihimo sa Judio, Apostolika, ug Protestante nga mga iglesia sa nanghiuna kaniya! Sila dili na linain ug pinasahi nga katawohan sa Dios. Ang utlanan dili na maila, Ang Iglesia Adventista, uban ang agtang nga pinataas ug nagdumili nga maulaw, nagpili sa pakig-uyon sa iyang kaugalingon, nga makabig ug sa panag-uyon kauban ni Satanas ug sa kalibutan. Kini nga babaye nagsalikway sa matin-aw nga pasidaan ug nagbiya kang Cristo nga iyang bana ug nahaunang gugma, ug sa kinabubut-on naghatag sa iyang pagbati ngadto kang Satanas. Ang iglesia naglapas sa balaan nga balaod sa Dios pinaagi sa pagkabigaon.

Tungod kay ang Iglesia Adventista del septimo Dia wala magtagad sa mga pasidaan nga gipadala kaniya pinaagi kang Igsoong White, ug nagpili sa pagpakighiusa ug pagpakigminyo sa iyang kaugalingon sa kalibutan, sila nakatuman sa mga kondisyon nga gikinahanglan nga mahimong halwa sa tanang mahugaw ug dulumtanan nga mga langgam o bigaon sa Babilonia sumala sa atong makita sa Testimonies to Ministers, p. 265 ug Review and Herald, vol. 3, p. 233.

“Ang atong dapit sa kalibutan dili unta mao kini. Kita halayo gikan sa dapit nga atong gibarugan kung ang atong Cristohanon nga kasinatian nagkauyon sa kahayag ug mga kahigayunan nga gihatag kanato, kung kita sukad sa sinugdan nagmakanunayon sa pagtulog ngadto sa unahan ug padulong sa itaas. Kung kita naglakaw diha sa kahayag nga gihatag kanato, kung kita nagsunod sa paghibalo sa Ginoo, ang atong agianan mahimong nahayag ug nagakahayag sa hilabihan. Apan daghan niadtong nakabaton ug pinasahi nga kahayag ang nakig-uyon sa kalibutan nga dili na sila maila gikan sa mga kalibutanon. Sila wala nagabarug isip pinasahi nga katawohan sa Dios, pinili ug bililhon. Malisod ang pagila taliwala kaniya nga nagaalagad sa Dios ug kaniya nga wala nagaalagad.

“Sa timbangan sa santuwaryo ang Iglesia Adventista pagatimbangon. Siya pagahukman pinaagi sa mga kahigayonan ug mga bintaha nga iyang nabatnan....Angay hinumduman sa katawohan sa Dios nga diha lamang sa ilang pagtoo ug pagbuhat sa mga bililhon nga prinsipyo sa maayong balita ni Cristo, nga Siya makahimo kanila nga himaya diha sa yuta. Diha lamang sa ilang paggamit sa ilang mga katakus sa Iyang serbisyo nga sila makapahimulos sa kahupnganan ug gahum sa saad sa diin ang iglesia gitawag sa pagbarug...

“Ngano nga adunay mangitngit nga panabut sa matuod nga espirituhanon nga kahimtang sa iglesia? Wala ba mahulog ang pagkabuta sa mga magbalantay nga nagabarug sa bongbong sa Sion?...Ang usa nga nakakita sa ilalum sa sulod, nga makabasa sa mga kasingkasing sa tanang katawohan, nagaingon niadtong nakabaton sa daku nga kahayag: ‘Wala sila masakit ug natingala tungod sa ilang moral ug espirituhanon nga kahimtang.’ ‘Oo sila nagpili sa ilang kaugalingon mga dalan, ug ang ilang kalag nagkalipay sa ilang mga kahugawan. Ako usab magapili sa ilang mga limbong, ug magadala sa ilang mga kahadlok diha kanila; tungod kay sa akong pagtawag, walay mitubag, sa akong pagsulti; wala sila mamati; apan nagbuhat sila ug kadautan sa atubangan sa Akong mga mata, ug nagpili sa wala nako kahimut-i.’ ‘Ang Dios nagapadala kanila ug makusog mga limbong,’ ‘aron sila magatuo sa bakak tungod kay sila wala magdawat sa gugma sa kamatuoran aron unta sila maluwas’, ‘apan nakabaton ug kalipay diha sa pagkadili-matarung’. Isaias 66:3-4; 2 Tesalonica 2:11, 10, 12.

“Ang langitnong nga magtutudlo nangutana: ‘Unsa nga labi ka kusog nga limbong ang makalimbong sa hunahuna kay sa pagpakaaron -ingnon nga kamo nagatukod sa tinuod nga patukuranan ug ang Dios nagadawat sa inyong mga buhat, nga sa tinud-anay kamo nagabuhat sa daghang butang sumala sa kalibutanon nga pamaagi ug nagapakasala batok kang Jehova?...’

“Kinsa ang makaingon sa matinud-anon, ‘ang atong bulawan naulay sa kalayo; ang atong bisti wala mabulingi sa kalibutan?’ Akong nakita ang atong Magtutudlo nga nagatudlo sa sapot sa gitawag nga pagkamatarung. Sa gikuha ang ilang sapot, Iyang gipakita ang ilang kahugawan. Ug Siya miingon kanako: ‘Wala ba nimo makita kung giunsa nila pagtabon-tabon ang ilang kahugawan ug ang ka dunot sa ilang kinaiya? ‘Naunsa nga ang matinumanon nga siyudad nahimo nga bigaon’! Ang balay sa akong Amahan gihimong balay baligyaanan, dapit sa diin ang balaan nga presensiya ug ang himaya mibiya!...’

“Gawas kung ang iglesia, nga karon nausab tungod sa iyang pagbalik sa naandan, maghinulsol ug makabig, siya magakaon sa bunga sa iyang binuhatan, hangtud nga siya magadumot sa iyang kaugalingon. Sa dihang iyang batokan ang dautan ug magpili sa maayo, sa dihang siya magapangita sa Dios uban ang pagpaubos ug magakab-ot sa iyang taas nga pagkatinawag diha kang Cristo, nga magabarug sa patukuranan sa makanunayon nga kamatuoran ug pinaagi sa pagtoo magakupot sa mga kahimoan nga giandam alang kaniya, siya mamaayo. Siya mapadayag sa iyang hinatag sa Dios nga kayano ug kaputli, magapahimulag gikan sa yutan-on nga mga paglambigit, nagapakita nga ang kamatuoran makapahimo kaniya nga gawasnon. Nga ang iyang mga membro mamahimong pinili sa Dios, Iyang mga representante.” Manuscript 32, 1903 (edited version in Testimonies, vol. 8, p. 247-251).

Sa tuig 1903 si jesus sa Iyang kaugalingon nagpahayag nga ang Iglesia Adventista ug ang iyang estraktura sa organisasyon nga usa ka bigaon sa Babilonia! Wala Niya ipahayag nga sila hulog nga Babilonia! Ang Iglesia Adventista sa gihapon adunay higayon sa paghinulsol ug pagbiya gikan sa iyang pagkabigaon! Busa daghan ang nalibog mahitungod niini nga isyu sa ilang hunahuna. Ang iglesia kinahanglan nga mahimo una nga Babilonia usa kini mahimo nga hulog nga Babilonia!

Atong hinumduman nga ang Protestante nga iglesia nahimo nang Babilonia “sa pagwali sa mensahe sa nahaunang manolonda” (Spirit of Prophecy, vol. 4, p. 239) nga nagsugod sa 1840. Apan kining mga iglesia wala ipahayag nga hulog nga Babilonia hangtod sa tinginit sa 1844 (Spirit of Prophecy, vol. 4, p. 232): Busa sa pipila ka mga tuig kini nga mga iglesia nahimong bigaon sa Babilonia.

Ang mensahe sa nahaunang manolonda gihatag niining Babilonia nga mga iglesia nga Protestante sa pagsulay ug “pagpahamulag sa iglesia ni Cristo gikan sa makahugaw nga gahum sa kalibutan” (Spirit of Prophecy, vol. 4, p. 231). Kini nga mga Iglesia mibiya kang Cristo, ang ilang naunang gugma, ug nakighiusa sa ilang kaugalingon sa kalibutan --nga nakahimo pagpanapaw ug nahimong bigaon sa Babilonia. Apan ang Dios, sa Iyang walay kinutuban nga kalooy, nagpadala kanila ug mga pasidaan ug mga mensahe sa paghinulsol sa ilang daku nga sala ug mobalik sa Iyang kiliran, Ug Siya naghatag kanila ug bililhon nga higayon kung ilang dawaton o isalikway ang Iyang tanyag.

Ang iglesia nga Protestante wala modawat sa langitnon nga mga mensahe sa paghinulsol ug nagputol sa ilang pakighiusa kauban sa kalibutan, apan pinaagi sa ilang bunga o buhat nagpakita nga sila nagsalikway niini nga mga mensahe. Sila nagpadayon sa pagtubo sa labaw nga pag-apostasiya ug pagsukol batok sa Dios, ug sa ting-init sa 1844 sila gipahayag isip hulog nga Babilonia. Ug karon kining mao nga kasaysayan nakita nga gisubli sa kasaysayan sa Iglesia Adventista!

Ang Iglesia Adventista nakapakighiusa na sa iyang kaugalingon sa kalibutan, ug gikapahayag na ni Jesus sa Iyang kaugalingon nga bigaon sa Babilonia--dili hulog nga Babilonia--sa 1903. Ang Dios sa maloloy-on ngahatag sa Iglesia Adventista ug bilihon nga higayon sa paghinulsol niining daku nga sala (Testimonies, vol. 8, p. 250-51), ug aron dili Niya isalikway ug ipahayag nga hulog nga Babilonia.

Kining panahon sa maloloy-on nga kahigayunan sa kaluwasan nagpabilin nga bukas alang sa Iglesia Adventista sulod sa panahon nga nagakinabuhi pa si Igsoong White. Siya nagpadayon sa pagpadala ug mga mensahe sa katuyuan sa pagpahamulag sa Iglesia ni Cristo gikan sa kalibutan--sa pagdala kanila balik ngadto kang Jesus. Mao kini ang hinungdan kun ngano si Igsoong White wala mokuha sa iyang pagkamembro gikan sa Iglesia Adventista, tungod kay ang panahon sa kaluwasan alang sa iglesia wala pa magsira! Sila aduna pay higayon sa paghinulsol gikan sa ilang pagkabigaon sa Babilonia pinaagi sa pagpahimulag gikan sa kalibutan ug pagbalik ngadto sa kiliran ni Jesus -- nga mao ang Iyang salin nga iglesia ug pangasawonon pag-usab.

Apan ang daku nga pangutana nga angay ipangutana karon mao “Naghinulsol ba ang Iglesia Adventista? Nakigbulag ba sila gikan sa ilang kaminyoon ug kahimoan sa gugma kauban sa kalibutan ug namalik sa kiliran ni Cristo? O ila bang gisalikway ang kahigayunan sa paghinulsol, ug naggamit sa ilang panahon sa kaluwasan diha sa pagtubo sa labaw nga apostasiya ug pagsukol batok sa Dios ug sa Iyang kamatuoran sukad sa kamatayon ni Igsoong White ngadto sa pagkahimo nga hulog nga Babilonia?”

Sa unsa nga paagi nga atong masiguro kung ang Iglesia Adventista karon hulog na nga Babilonia? Unsa ang gipakita sa kasaysayan ug giunsa sa mga Protestante paghibalo nga ang ilang iglesia nakalabang sa utlanan sa kalooy sa Dios ug nahimo na hulog nga Babilonia? Walay silay “Mao kini ang giingon sa Ginoo” nga sa yano magasulti kanila niini nga mga pulong: “Ang mga iglesia nga Protestante karon hulog na nga Babilonia, gumala kamo.” Busa giunsa sa tinuod nga katawohan sa Dios paghibalo nga ang ilang iglesia nahimo nang hulog nga Babilonia ug nga panahon na sa paghatag sa mensahe?

Ang tinuod nga katawohan sa Dios migahin ug mga oras diha sa makugihon nga paghigwaos sa pag-ampo ug makugihon nga pagtuon sa paghibalo kung usa ang Iyang kabubut-on ug kamatuoran. Sila gilamdagan sa Balaan nga Espiritu, ug sila nagsusi sa mga bunga nga ginapakita ug ginapadayag sa ilang iglesia. Ug mao kini kanato karon!

Walay “Mao kini ang gisulti sa Ginoo” nga sa yano nagaingon niini nga mga pulong: “Ang Iglesia Adventista karon hulog na nga Babilonia, gumala kamo. “Nan, unsaon nato paghibalo alang sa atong kaugalingon kun kini tinuod o dili? Pinaagi sa makugihon nga pagampo ngadto sa Dios aron Siya magaabli sa atong mga mata ug magahatag kanato ug tin-aw nga pagpanabut; pinaagi sa atong maminatngonon ug walay pagdapig nga pagpanabut; pinaagi sa atong maminatngonon ug walay pagdapig nga pagtuon sa mga Kasulatan ug Espiritu sa Tagna; pinaagi sa paglamdag sa Balaan nga Espiritu sa Dios sa atong bukas nga panghunahuna ug sa atong pagsusi sa mga bunga nga ginapakita sa Iglesia Adventista.

“Tungod sa ilang mga bunga maila sila ninyo. Makakuha ba ang tawo ug parras gikan sa mga sapinit, kun igos gikan sa mga bunglayon? Sa maong pagkaagi ang tanang maayong kahoy magadala ug maayong bunga; apan ang dautang kahoy magadala ug mga dautang bunga, ug ang dautan usab nga kahoy dili makadala ug mga dautang bunga. Ang maayong kahoy dili makadala ug mga dautang bunga, ug ang dautan usab nga kahoy dili makadala ug maayong bunga. Ang tanang kahoy nga wala magadala ug maayong bunga, gipamulod ug ginasugnod sa kalayo. Busa tungod sa ilang mga bunga, maila ninyo sila.” Mateo 7:16-20.

Busa kung ang Iglesia Adventista nagapakita sa mga maayong bunga lamang, nan siya nakahinulsol sa iyang pagpakighilawas ug pangasaw-onon ni Cristo pag-usab. Apan kung ang Iglesia Adventista nagapakita sa bunga sa kadautan, nan wala siya makahinulsol, kondili nagpadayon ug nagsalikway sa maloloy-on nga hangyo sa Dios sa pagbalik ngadto Kaniya.

Ang imomg matinud-anon ug walay pagdapig nga pagsusi sa mga bunga ginapakita sa Iglesia Adventista sukad sa 1903 sa yano nagapadayag nga kining bigaon nagpadayon sa iyang makihilawason nga kahimoan sa gugma kauban ni Satanas ug sa kalibutan, ilabi na human sa kamatayon ni Igsoong White sa tuig 1915! Kamatuoran niana si Igsoong White nagsulti sa katawohan sa Iglesia Adventista nga kini mahitabo --human sa iyang kamatayon!

Adunay kapin sa 85 ka tuig nga mapadayunon nga pagapostasiya ug pagsalikway sa Dios ug sa Iyang kamatuoran sa Iglesia Adventista sugod sa 1903, ug ang iglesia nagpadayon sa pagtubo sa kadautan sa nagalabay ang panahon! Ang mga iglesia nga Protestantismo aduna lamang 4 ka tuig bag-o nagsira ang iyang kaluwasan sa kinatibuk-an ug nahimong hulog nga Babilonia. Busa, kini nga kasaysayan nahitabo ba sa Iglesia Adventista? Nagsira na ba ang panahon sa kaluwasan alang Iglesia Adventista ug nahimo nang hulog nga Babilonia karon?

Mao kini ang mahinungdanon nga pangutana karon ug pagaatubangon sa matag membro sa Iglesia Adventista; ug ang tanan kinahanglan ang pagtino alang sa ilang kaugalingon kung kini tinuod o dili. Walay magtino alang kanato. Dili kita makasalig sa pulong ni bisan kinsa nga tawo. Kita kinahanglan nga maghukom alang niini nga pangutana alang sa atong kaugalingon ug ang atong desisyon, kini dapig man o batok, mao ang magadala sa walay kinutuban nga resulta.