Cebuano Last Message

*Nota: Kini nga Last Day Events dili mao ang gikan sa White Estates, apan usa ka una nga edisyon nga gipatik pipila ka tuig sa wala pa magpatik ang White Estates sa ilang edisyon. Ang tanan nga pagpamatuod nga gikutlo sa Last Day Events makita sa mas una nga edisyon. Adunay mga kopya niini nga edisyon. Palihog sulat lang ngadto sa address nga gihatag sa atubangan niini nga balasahon kung buot kamo makabaton sa maong kopya.

Busa ang labing katapusan nga mensahe, ang labing katapusan nga tawag sa kalooy alang sa kalabutan, makita sa Pinadayag 18. Tungod kay kini mao ang labing katapusan nga mensahe sa kalooy nga gipadala, kini adunay pinakadaku nga nga importansiya nga atong mahibaloan ang tanan nga detalye niini nga mensahe. Tungod kay kung kita makaplagan nga nagasalikway niini nga mensahe, bisan na lang ang bahin niini, nan atong ginasalikway ang katapusang mensahe sa kalooy. Ug tungod kay kini mao na ang katapusan nga mensahe, aduna pa bay lain nga mensahe nga mosunod human niini nga posible nga makadala kanato balik ngadto sa Ginoo? Wala na.

"Ug sa human niining mga butanga makita ko. nga nanaug gikan sa langit ang usa usab ka manolonda, nga may dakung pagbulot-an; ug ang yuta ginaiwagan sa iyang himaya. Ug misinggit sa makusog nga tingog, nga nagaingon: Nahulog na, nahulog na ang dakung Babilonia, ug nahimong puloy-anan sa mga yawa, ug tigumanan sa tanang espiritu nga mahugaw, ug tugdonanan sa tanang langgam nga mahugaw ug dulomtanan; Kay ang tanan nga mga nasud nangahubog tungod sa bino sa kaisug sa iyang pagpakighilawas; ug ang mga hari sa yuta nakapakighilawas uban kaniya, ug ang mga magpapatigayon sa yuta nangadato tungod sa gahum sa iyang mausikong pagpatuyang. Ug nadungog ko ang lain nga tingog gikan sa langit, nga nagaingon: Gumula kamo kaniya, katawohan ko, aron dili kamo makaambit sa iyang mga sala, ug aron dili kamo makadawat sa iyang mga hampak. kay ang iyang mga sala nakaabut hangtud sa langit, ug nahinumduman sa Dios ang iyang pagkadili- matarung." Pinadayag 18:1-5.

Kinsa kining gamhanan nga manolonda nga gihisgutan sa Pinadayag 18? Ang Balaan nga Espiritu. Ang Balaan nga Espiritu dili usa ka tinuga nga manolonda. Ang pulong manolonda nagakahulogan nga mensahero (Strong's Exhaustive Concordance #32). Si Cristo mao si Nichael ang punoan sa mga manolonda, Siya dili usa ka tinuga, apan mensahero sa Ginoo. Mao usab ang Balaan nga Espiritu.

Karon, magahilom ba kining gamhanan nga manolonda kung Siya igabubo gikan sa langit? Dili -- Siya magasinggit sa makusog nga tingog, o usa ka kusog nga singgit, nga nagasulti sa pagkahulog sa Babilonia. Busa kung ang Balaan nga Espiritu igabubo, o ang Naulahing Ulan magaabut, Siya magadala sa sinugdanan sa makusog nga singgit. Importante kaayo nga ato kining masabtan. Kung ang Balaan nga Espiritu igabubo diha sa Naulahing Ulan, Siya magadala sa sinugdanan sa makusog nga singgit.

"Samtang ang daku nga gahum ug himaya nagauban sa nagahinapus nga buhat, ang matinumanon nga katawohan sa Dios makaambit niana nga himaya. Ang Naulahing Ulan mao ang magahatag pag-usab ug kinabuhi ug nagapalig-on kanila sa paglabang sa panahon sa kasamok. Ang ilang mga nawong magasidlak uban sa himaya niana nga kahayag nga nagauban sa ikatolo nga manolonda." Testimonies, vol 1, p 353.

Unsa ang himaya? Ang Naulahing Ulan! Ug unsa ang mensahe sa ikatolo nga manolonda? Kini makita sa Pinadayag 14:9-12; nga nagahisgut sa balaod sa Dios labi na sa pagtuboy sa Adlaw nga Igpapahulay o sa ika-upat nga sugo. Kini nagaapil sa usa ka pasidaan batok sa pagsimba sa mananap nga mapintas ug sa iyang larawan, ug sa pagdawat sa iyang patik. Ang Patik sa mananap nga mapintas mao ang pagsimba sa adlaw nga Domingo human kini mahimo nga balaod. Ug kung ang katawohan modawat sa patik, pinaagi sa pagsimba sa mananap nga mapintas ug sa iyang larawan, sila usab magadawat sa kasuko sa Dios sa katapusang pito ka hampak.

"Ang tibuok nga yuta kinahanglan nga madan-apan sa himaya sa kamatuoran sa Dios. Ang Ginoo dili magasira sa panahon sa kaluwasan hangtud ang pasidaan sa pinasahi ikahatag. Ang trumpeta kinahanglan nga magahatag sa iyang tingog. Ang balaod sa Dios kinahanglan padakuon, ang iyang mga pag-angkon kinahanglan mapresentar diha sa ilang tinuod, balaan nga kinaiya nga ang katawohan madala ngadto sa pagpili dapig o batok sa kamatuoran. Labut pa ang buhat pagaputlon diha sa pagkamatarung. Ang mensahe sa pagkamatarung ni Cristo kinahanglan iwali gikan sa usa ka tumoy sa yuta ngadto sa usa ka tumoy niini nga kalibutan. Mao kini ang himaya sa Dios nga magatapus sa buhat sa ikatolo nga manolonda." Last Day Events, p 179 (Letter 2c, 1892).

Karon ang uban adunay problema sa pagsabut kung sa unsa nga pamaagi nga ang Naulahing Ulan o ang pagbubo sa Balaan nga Espiritu ug ang mensahe sa pagkamatarung ni Cristo mahimo nga mausa ra. Ug adunay daghan sa mga naandan ug tawohanon nga pagtulon-an ang gikatudlo ug nadawatan ang gikinahanglan pagaputlon pinaagi sa yano nga "Mao kini ang giingon sa Ginoo" aron nga ang dag-um sa kalibog mabungkag ug ang kamatuoran makita sa matin-aw ug matanum sa kasingkasing.

Ang Dios nagsulti sa Isaias 28:10 nga ang atong pagtuon sa Iyang pulong, kinahanglan mao ang sugo ibabaw sa sugo, lagda ibabaw sa lagda, dinhi madiyutay ug didto madiyutay. Ug asa nato makita ang pulong sa Dios? Sa Biblia ug sa Espiritu sa Tagna. Busa atong itandi ang Biblia ug ang Espiritu sa Tagna, latid ibabaw sa latid, sugo ibabaw sa sugo, dinhi madiyutay ug didto madiyutay aron atong makuha ang kompleto nga hulagway kung unsay buot sa Dios nga isulti kanato. Ug aduna bay pagsinupakay taliwala sa Biblia ug Espiritu sa Tagna? O taliwala sa usa ka bersikulo sa Biblia ngadto sa usa? Wala gayud. Kini kompleto ug sa hingpit nagakauyon. Ngano? Tungod kay sila adunay usa ka Magbubugna-ang Balaan nga Espiritu.

Ang uban buot mosalikway sa usa ka Pagpamatuod ug sa pagtuboy sa usa, ug niini ang duha ka pagpamatuod mahimong magsinupakay ang usa ug usa. Sama ra kini sa paghulagway sa kolor sa balangaw ngadto sa usa ka tawo. Makaingon ka “ang balangaw adunay kolor nga dalag”. Ug sa lain nga higayon moingon ka “ang balangaw adunay kolor nga asul” o “adunay kolor nga pula”. Sa pagdiskubre kung unsa gayud ang kolor sa balangaw, imong tigumon ang tanan nga pagpamatuod mahitungod sa kolor sa balangaw ug makadangat ka sa kompleto nga hulagway nga ang balangaw adunay daghang mga kolor. Apan aduna kanunay mga katawohan nga pagaimpluwensiyahan ni Satanas sa pag-ingon: “Tungod kay ang balangaw gikasulat nga adunay kolor nga dalag, nan mao lang kana ang kolor sa balangaw”. Ilang isalikway ang ubang pagpamatuod nga nagasulti nga ang balangaw aduna pay laing kolor. Mao nga kining katawohan nakabaton ug halayo nga baruganan, ug nagasulod ngadto sa panatisismo. Busa dili kita makasalikway sa usa ka bahin ug ituboy ang usa ka bahin, angay natong tigumon ang tanang pagpamatuod nga nagakauyon, ug ang matinud-anon nga kasingkasing magabuhat niini. Sa pagtandi sa pulong sa Dios ngadto sa usa ka pulong sa Dios, ato nang nahibaloan nga ang Naulahing Ulan nagakahulogan sa pagbubo sa Balaan nga Espiritu (Acts of the Apostles, p 55). Ato nang nahibaloan nga ang Naulahing Ulan nagakahulogan sa “himaya sa manolonda sa Pinadayag 18” (Testimonies, vol 1, p 353; Early Writings, p 279; Testimonies to Ministers, p 469; Last Day Events, p 234). Nahibaloan usab nato nga ang Naulahing Ulan nagakahulogan sa “mensahe sa pagkamatarung ni Cristo” (Last Day Events, p 179; Testimonies, vol 6, p 19; Manuscript Releases, vol 1, p 172). Busa ang kamatuoran o doktrina nga nasentro kang Jesus nahisama sa Naulahing Ulan. Ang Dios nagasuporta niini nga pagpadayag:

Pinaagi sa ubang reperensiya nga gigiyahan sa Ginoo atong makita nga ang Naulahing Ulan nagakahulogan usab sa “Mahayag nga bidlisiw sa Adlaw sa Pagkamatarung” (Testimonies to Ministers, p 95, 465; Selected Messages, book 1, p 133; Last Day Events, p 98; Review and Herald, vol 2, p 482; Selected Messages, book 1, p 191). Ang Naulahing Ulan nagakahulogan usab nga “tinaligsik sa espirituhanon nga gracia” (Testimonies to Ministers, p 509; SDA Bible Commentary, vol 7, p 984; Acts of the Apostles, p 55). Ang espirituhanon nga gracia magahatag ug tin-aw nga pagsabut sa mga espirituhanon nga nga mga butang ug makaila sa sala (Testimonies, vol 3, p 254). Ug unsa ang buhat sa Balaan nga Espiritu? Ang magtutudlo sa pagkamatarung, magbabadlong ug tigpaila sa sala (Juan 16:8).

Atong mahibaloan nga ang Naulahing Ulan nagakahulogan nga “makapabag-o nga presensiya sa Ginoo” o “makapabag-o nga presensiya ni Jesus (Testimonies, vol 1, p 183; Early writings, p 71, 279; Review and Herald, vol 2, p 482; Last Day Events, p 234). Ug unsa ang gipaulan gikan sa langit ngadto sa mga Israelihanon didto sa kamingawan human sila mibiya sa Egipto? Mana. Kinsa ang nagarepresentar niini nga mana o tinapay gikan sa langit? Ang pulong sa Dios. Ug kinsa ang nagarepresentar sa pulong sa Dios? Si Jesus (Juan 6:31-51). Unsa diay ang gipaulan gikan sa langit pinaagi sa simbolo? Si Jesus.

Busa atong nakita nga ang Naulahing Ulan usa ka simbolo nga nagarepresentar sa pagbubo sa Balaan nga Espiritu, ang himaya sa manolonda sa Pinadayag 18, ang mensahe sa pagkamatarung ni Cristo, ang mahayag nga bidlisiw gikan sa Adlaw sa Pagkamatarung, langitnong yamog, tinaligsik sa espirituhanon nga gracia, ang makapabag-o nga presensiya ni Jesus ug ang sinugdanan sa makusog nga singgit.

Kining suheto mahitungod sa Naulahing Ulan nagasimbolo sa pagbubo sa Balaan nga Espiritu, adunay panagsama sa lana sa sambingay sa napulo ka ulay. Ang lana nagarepresentar sa “Balaan nga Espiritu” (Christ’s Object Lessons, p 407); nagarepresentar usab sa “gracia” (Testimonies, vol 3, p 138); nagarepresentar usab sa “kinaiya” (Testimonies to Ministers, p 234). Busa ang lana sa sambingay sa napulo ka ulay usa ka simbolo nga nagarepresentar sa Balaan nga Espiritu maingon sa Naulahing Ulan.

Ang Naulahing Ulan usa ka simbolo nga nagakahulogan labaw pa sa pagbubo sa Balaan nga Espiritu. Busa kung atong mabasa ang mahitungod sa sinugdanan sa makusog nga singgit, o ang panahon sa pagbag-o, o ang mensahe sa pagkamatarung ni Cristo, mahibalo kita nga kini usab nagasulti mahitngod sa pagbubo sa Naulahing Ulan! Apan ang Balaan nga Espiritu mao ang yawe sa pag-angkon niini nga mga panalangin gikan sa langit.

Kung wala ang Balaan nga Espiritu, wala kitay Naulahing Ulan, wala kitay himaya, walay pagdani ngadto sa mensahe sa kamatuoran, walay mahayag nga bidlisiw sa Adlaw sa Pagkamatarung, walay panahon sa pagbag-o, walay sinugdanan sa makusog nga singgit, walay yamog o tinaligsik sa gracia gikan sa langit, ug mawad-an kita ug Jesus. Ug kung walay mensahe sa pagkamatarung ni Cristo, wala kitay Naulahing Ulan ug uban pa.

Imo bang nakita kung unsa nga paagi sila nahilambigit sa nagkahiusa nga hulagway? Kung ang Dios nagapadala sa Iyang mga mensahe sa kalooy - ang kahayag sa Iyang kamatuoran, Siya nagapadala sa Espiritu sa kamatuoran pinaagi niana nga mensahe, ug kung imong dawaton ang mensahe, imong gidawat si Jesus. Busa kung ang Ginoo nagapadala sa Iyang pinakadaku nga mensahe sa kamatuoran- ang pagkamatarung ni Cristo, Siya nagapadala sa pagbubo o tinaligsik sa Balaan nga Espiritu kanimo pinaagi niana nga mensahe. Ug kung imong dawaton kining mahayag nga bidlisiw gikan sa Adlaw sa Pagkamatarung, nan imong gidawat ang makapabag-o nga presensiya ni Jesus sa imong kasingkasing nga mao ang gigikanan sa kahayag. Ug kini nagahatag kanimo ug gahum- nga nagahimo kanimo kauban ni Cristo nga makadaug sa sala, ug sa paghingpit sa imong kaugalingon diha sa pagkamatarung sa kahadlok sa Dios. Ang bunga sa pagkamatarung makita, ug ang himaya ikahatag sa Dios sa langit tungod kay ang Iyang hulagway makita diha kanimo. Ug ikaw makabuka sa imong baba diha sa buhi nga pagpamatuod, sa pagtawag sa tanang katawohan sa pagbulag gikan sa pakigdugtong sa Babilonia o sa bisan unsa nga pakigdugtong sa iyang kangitngit, aron nga sila usab makabaton niining bililhon nga higayon sa pagpunting sa ilang mga mata ngadto sa ilang Manluluwas, ug makakinabuhi niining mahimayaon nga kamatuoran diha sa ilang kinabuhi.

Apan kung kining bililhon nga mensahe sa pagkamatarung ni Cristo isalikway, nan walay yamog o tinaligsik sa langitnong gracia nga makapahimuot sa imong kalag. Tungod niini magpabilin ka nga uga ug dili mabungaon sama sa kabukiran sa Gilboa (Testimonies to Ministers, p 413). Kung kining bililhon nga mga mensahe sa pagkamatarung ni Cristo isalikway, nan walay mahayag nga bidlisiw nga magalamdag sa imong kalag. Ug ikaw magapadayon sa paglakaw sama sa buta taliwala sa maitum nga kangitngit, ug ang bunga sa kadautan mahimo nga mao ang nagahatag us himaya kang Satanas (Judas 3-4, 10-13; SDA Bible Commentary, vol 7, p 957; Review and Herald, vol 5, p 9). Kung kining bililhon nga mensahe sa pagkamatarung ni Cristo isalikway, nan ikaw nakasala usab sa pagsalikway sa Naulahing Ulan, sa makusog nga singgit ug sa Balaan nga Espiritu. Ug sa pagsalikway sa Balaan nga Espiritu, imo usab nga gisalikway si Cristo, nga girepresentahan sa Balaan nga Espiritu. Ug sa pagsalikway kang Cristo, imo usab nga gisalikway ang Amahan nga girepresentahan ni Cristo. Busa ang pagsalikway niini nga mensahe, unsa ang mga posible nga paagi ang nahibilin sa pagluwas sa imong kalag gikan sa walay katapusang paglaglag? Wala! Busa ang tanan nagaagad sa imong pagdawat sa mensahe sa Naulahing Ulan sa pagkamatarung ni Cristo!

“Kung ang kamatuoran diha sa iyang kayano gikinabuhian sa tanang dapit, nan ang Dios magabuhat pinaagi sa Iyang manolonda sama sa Iyang pagbuhat sa adlaw sa Pentecostes, ug ang mga kasingkasing mangausab nga makita ang pagpadayag sa impluwensiya sa putli nga kamatuoran, nga girepresentahan sa pagkanaug sa Balaan nga Espiritu.” Special Testimonies, Series B#7, p 63.

“Siya (ang Balaan nga Espiritu) magahimaya kanako (Jesus). ‘Kini kinabuhing walay katapusan, nga sila mahibalo Kanimo ang bugtong tinuod nga Dios, ug kang JesuCristo nga imong gipadala’. Ang Balaan nga Espiritu nagahimaya sa Dios sa pagpadayag sa Iyang kinaiya ngadto sa Iyang katawohan nga Siya mahimo nga sentro sa ilang daku nga pagbati ug sa pagpadayag sa Iyang kinaiya diha kanila. Sa tin-aw ilang makita nga walay laing pagkamatarung sa kalibutan gawas Kaniya, walay labing maayo sa kalibutan gawas niadtong gikan Kaniya. Sa diha nga ang Balaan nga Espiritu gibubo gikan sa Itaas (sa Pentecostes) ang iglesia napuno sa kahayag, ug si Cristo mao ang gigikanan niana nga kahayag; ang Iyang ngalan anaa sa matag dila, ang Iyang gugma nagpuno sa matag kasingkasing. Mao man usab kung kanang manolonda nagakanaug gikan sa langit nga adunay daku nga gahum, magadan-ag sa yuta sa iyang himaya. Hinaut nga ang Ginoo magatabang sa Iyang katawohan nga sila makakita ug makasabut kung unsa ang kamatuoran.” 1888 Materials, vol 3, p 1017 (Letter 25b, August 30, 1892).

Pila na ka tuig nga kita nagahulat, nga wala masayud nga ang Naulahing Ulan, o ang pagbubo sa Espiritu, anaa sa mensahe sa pagkamatarung ni Cristo? Pila na ka tuig nga kita gipasalaag sa paghunahuna nga walay kahilambigitan nga mensahe sa pagkamatarung ni Cristo ug ang pagbubo sa Balaan nga Espiritu? Pila na ka tuig nga kita misimang ngadto sa bakak, ug gipasalaag sa paghunahuna nga ang atong pagabuhaton mao lang ang pag-ampo alang sa Balaan nga Espiritu nga igabubo kanato, samtang atong ginasalikway ang mensahe sa pagkamatarung ni Cristo ug ang pagbubo sa Balaan nga Espiritu diha sa mensahe? Mao nga ang Naulahing Ulan nagakahulog na sa palibot nato, apan kita nabutahan nga wala makaila niini!

“Kadto lamang ang nagakinabuhi sa kahayag nga ilang nabatnan ang makadawat ug mas daku nga kahayag. Gawas kung kita nagauswag sa matag adlaw diha sa katakus sa usa ka aktibo nga Cristohanon nga kinaiya, dili nato maila ang pagpadayag sa Balaan nga Espiritu diha sa Naulahing Ulan. Kini mahimo nga nagakahulog sa mga kasingkasing libot kanato, apan dili nato maila o madawat kini.” Testimonies to Ministers, p 507.

“Ang Ginoo sa Iyang dakung kalooy nagpadala ug labing bililhon nga mensahe ngadto sa Iyang katawohan pinaagi nila ni Tigulang Waggoner ug Jones. Kini nga mensahe magadala ngadto sa kalibutan sa gituboy nga Manluluwas, ang halad alang sa sala sa tibuok kalibutan. Kini nagpresentar sa pagkamatarung pinaagi sa pagtoo diha sa Kasiguruhan; kini nag-imbitar sa katawohan sa pagdawat sa pagkamatarung ni Cristo, nga ikapadayag pinaagi sa pagtuman sa tanan nga kasugoan sa Dios. Daghan ang nahimulag ang ilang panan-aw kang Jesus. Sila nagkinahanglan nga magatumong sa ilang mga mata sa Iyang balaanon nga pagkatawo, sa Iyang kabililhon, ug sa Iyang walay pag-usab nga gugma alang sa tawohanon nga panimalay. Ang tanang gahum gihatag sa Iyang kamot, aron nga Siya makahatag ug mga bililhong gasa ngadto sa katawohan, nga nagapahat sa walay bili nga gasa sa Iyang kaugalingon nga pagkamatarung ngadto sa walay mahimo nga tawohanon nga ahente. Mao kini ang mensahe nga gisugo sa Dios nga ihatag sa kalibutan. Kini mao ang mensahe sa ikatolo nga manolonda nga igawali sa makusog nga tingog nga magaubanan sa pagbubo sa Iyang Espiritu sa dakung sukod.” Testimonies to Ministers, p 91-92.

Ang mensahe sa pagkamatarung ni Cristo nagaapil sa pagtuman sa tanan nga kasugoan sa Dios. Kini nagaapil sa plano sa pagtubos nga nagsugod sukad sa pagkahulog sa tawo, sa pagtubos kaniya gikan sa sala, ug pagdala kaniya sa pagpakighiusa sa tanang kabubut-on sa Dios. Busa imong makita nga ang plano sa pagtubos, nga sa kinatibuk-an nasentro kang JesuCristo, ang atong Labing Taas nga Sacerdote, kabahin usab sa Naulahing Ulan.

Mao nga kini nga mensahe gihatag sa iglesia. Ang mga Adventista nahibalo ug nakasabut sa mensahe sa ikatolo nga manolonda, sila nahibalo, sa balaod, sila nahibalo mahitungod sa Adlaw nga Igpapahulay, sila nahibalo sa patik sa mananap nga mapintas, sila nahibalo sa hukom nga ipakanaug niadtong modawat sa patik, apan wala sila nagtutok o nagwali kang Ginoong Jesus. Sila nahibalo sa Adlaw nga Igpapahulay apan wala nila iwali ang Ginoo sa Adlaw nga Igpapahulay.

“Karon, maoy higpit nga katuyoan ni Satanas, ang pagtabon sa panagway ni Jesus ug magadala sa katawohan sa pagtutok sa tawo, ug pagsilig sa tawo, ug matudloan sa pagpaabot ug tabang gikan sa tawo. Sa mga katuigan ang iglesia nagatutok sa tawo ug nagapaabot ug daku gikan sa tawo, apan wala nagatutok kang Jesus, sa diin ang atong paglaum sa kinabuhi nga walay katapusan nasentro. Busa ang Dios naghatag sa Iyang ulipon ug pagpamatuod nga nagapresentar sa kamatuoran nga anaa kang Jesus, nga mao ang tin-aw ug pinasahi nga mensahe sa ikatolo nga manolonda.” Testimonies to Minsiters, p 93.

Kung atong iwali ang balaod diha sa mensahe sa ikatolo nga manolonda, nga nagatuboy sa Adlaw nga Igpapahulay, apan ang katawohan dili makakita sa kabililhon sa pagbantay sa balaod -tungod kay kini walay kahayag ug walay pagdani nga kinaugalingon. Sa pikas nga bahin, kung atong iwali si Cristo lang nga walay paghilambigit sa balaod diha Kaniya, ang katawohan dili makakita sa himaya, ug sila dili makakita sa tinuod nga kinaiya ni Cristo.

Ang makasasala magasugod na sa pagkakita sa hilabihang gugma sa Dios nga Amahan kaniya sa pagpadala sa Iyang bugtong anak nga mahimong puli sa silot sa sala, ug nga si Jesus magahigugma sa makasasala sa hilabihan sa pag-antus sa kaulawan sa kamatayon diha sa krus. Magasugod usab sa pagdan-ag nga kung walay usa nga nakalapas sa balaod, nan si Cristo wala na unta mamatay.

Ang makasasala makakita usab nga tungod kay siya nagpili sa sala, siya nakasala sa pagbutang sa Manluluwas sa krus ug pagpatay kaniya. Niini nga paghibalo ang iyang kasingkasing nadugmok ug nga kung walay pagpasaylo sa iyang mga sala siya mawala. Mao nga ang tibuok plano sa pagtubos- si Cristo ang atong Manunubos, Puli (ilis) ug Labing Taas nga Sacerdote atubangan sa Dios alang sa pagpapas sa sala- nagasugod sa pag-abli sa iyang mga mata. Iyang nakita nga si Cristo mao ang bugtong paglaum sa kaluwasan, ang nagadugtong taliwala sa Dios ug sa tawo, ang bugtong tulay sa bung-aw nga namugna sa sala, ug nagadala kaniya balik sa pakig-uban ug pakighiusa sa Dios ug sa Iyang balaod pag-usab! (Juan 1:9).

Mao nga tungod sa paghigugma sa Dios ug ni Cristo ang makasasala nagapili sa dili na paglapas sa balaod sa Dios. Apan sa unsa nga paagi? Siya nahibulong, “Sa unsa nga paagi nga ako dili makasala?” Siya nahibulong kung sa unsa nga paagi nga si Cristo, sa dinhi pa sa yuta, nakapakigbatok sa matag pagsulay. Ug siya magasugod sa pagsabut nga pinaagi sa pagtoo, si Cristo nagsalig sa kusog ug gracia gikan sa Iyang Amahan sa pagdaug sa tanang pagsulay ug pagpakigbatok sa sala. Si Cristo nakigbatok sa tanang lakang ni Satanas pinaagi sa pagsunod ug pagbuhat sa kabubut-on sa Dios. Busa ang matag-usa nga nakasala, pinaagi sa pagbuhat sa sama nga pagtoo ni Cristo sa Dios, pagahatagan sa gracia ug kusog gikan sa Dios pinaagi kang Cristo aron makahimo, kauban Kaniya, sa pagdaug sa tanan nga pagsulay ug makabatok sa tanan nga lakang ni Satanas, pinaagi sa pagsunod ug pagbuhat sa kabubut-on sa Dios.

Nagsugod ka na ba sa pagsabut karon nga kung ang usa mosalikway sa hunahuna sa pagdaug sa tanang sala niini nga kinabuhi sa dili pa moabot si Cristo, nga sila wala lang magsalikway sa balaod sa Dios, apan sila nagsalikway usab sa Dios Amahan, sa Iyang kinaiya, ug Iyang pamalaod- nga gitukod diha sa Iyang balaod (Steps to Christ, p 60). Sila usab nagasalikway kang Cristo ug sa Iyang pagkamatarung (Review and Herald, vol 4, p 148-149) ug sila usab nagdumili sa walay kinutuban nga gugma sa Amahan, ug ang walay katapusan nga kamatayon maoy ilang gipili ug palaabuton. Busa ang balaod gihimo aron maoy modala kanato ngadto sa Manluluwas. Tungod kay kung si Cristo, nga mao ang pagkamatarung sa balaod (Selected Messages, book 1, p 239), dili igatuboy ngadto sa katawohan nga maoy kalambigitan sa balaod, ang katawohan dili makakita ug bili sa pagdawat niini isip kamatuoran, o magkinabuhi niini. Busa kita gitambagan:

“Sa panahon nga ang balaod gipresentar sa atubangan sa katawohan, tuguti nga ang magtutudlo sa katawohan magatumong ngadto sa trono nga gilibutan sa balangaw sa saad, ang pagkamatarung ni Cristo. Ang himaya sa balaod mao si Cristo, Siya mianhi sa pagpadaku sa balaod, ug sa paghimo niini nga dungganon. Himoon nga ikapakita sa tin-aw nga ang kalooy ug kalinaw nagkatagbo diha kang Cristo, ang pagkamatarung ug makatuoran naggakus ang matag-usa.” SDA Bible Commentary, vol 5, p 1133.

“Sa kadaghanan ang singgit sa kasingkasing mao, ‘Dili kami buot nga kining tawohana maoy magagahum kanamo.’ Si Baal, si Baal, mao ang napili. Ang relihiyon sa kadaghanan kanato mao ang relihiyon sa nag-apostassiya nga Israel, tungod kay ilang gihigugma ang kaugalingon nilang dalan, ug gisalikway ang dalan sa Ginoo. Ang tinuod nga relihiyon, ang bugtong relihiyon sa Biblia, nga nagatudlo sa kapasayloan pinaagi lamang sa pagkamaayo sa gilansang ug gibayaw nga Manluluwas, nga nagatudlo sa pagkamatarung pinaagi sa pagtoo sa anak sa Dios, wala tumana, gisupak, gibiaybiay, ug gisalikway.” Testimonies to Ministers, p 467-468.

“Ang pagdumili sa pagtugyan sa naumol na nga hunahuna, ug pagdawat niini nga mga kamatuoran nagahay-ad sa patukuranan sa usa ka daku nga bahin sa oposisyon nga gipadayag sa Minneapolis batok sa mensahe sa Ginoo pinaagi kanila ni Igsoong {E.J.} Waggoner ug {A.T.} Jones. Pinaagi sa pagpukaw sa oposisyon si Satanas milampus sa pagpahilayo gikan sa atong katawohan, sa daku nga bahin, sa pinasahi nga gahum sa Balaan nga Espiritu nga gipaabot sa Dios nga ipahat kanila. Ang kaaway nagpugong kanila sa pag-angkon nianang pagkamapuslanon nga mahimong ila pinaagi sa pagdala sa kamatuoran sa kalibutan sama sa pagwali sa mga Apostoles human sa Adlaw sa Pentecostes. Ang kahayag nga maoy moiwag sa tibuok nga yuta sa Iyang himaya gisupak, ug pinaagi sa buhat sa atong kaugalingon nga kaigsoonan sa hilabihan gayud nagpahilayo niini sa kalibutan.” Selected Messages, book 1, p 234-235.

“Ang Dios nagsubli-subli sa pagpadayag sa Iyang kaugalingon sa labing maila nga paagi sa Battle Creek. Siya naghatag sa Iyang Balaan nga Espiritu sa daku nga sukod sa mga tumutoo didto....Ang uban nagbati nga nasamok sa mao nga pagbubo sa Balaan nga Espiritu, ug ang ilang kaugalingon nga taras napadayag. Sila miingon, ‘Kini usa lamang ka pagpakugang, dili kini ang Balaan nga Espiritu, dili tinaligsik sa Naulahing Ulan gikan sa langit.’...

“Kinsa karon ang makasabot sa mga butang nga akong gisulat?...Ang Ginoo magaabot, apan kadtong nangahas sa pagsupak sa kahayag nga gihatag sa Dios sa dakung sukod didto sa Minneapolis, nga wala magpaubos sa ilang kasingkasing atubangan sa Dios, magasunod sa dalan sa pagsupak, nga nagaingon, ‘Kinsa ang Ginoo nga ako motuman sa Iyang tingog?’ Ang bandila nga gidala sa tanan nga nagasangyaw sa mensahe sa ikatolo nga manolonda, ginabutang sa lahi nga kolor nga nagapatay niini. Kini nagakahitabo. Magagunit ba sa kamatuoran ang atong katawohan?” Last Day Events, p 62-63 (Letter 6, January 16, 1896).

Ang pangulo sa Iglesia Adventista del Septimo Dia misalikway sa mensahe sa pagkamatarung ni Cristo, ug nagsulay sa pagtabon nianang bililhon nga mensahe sa ubang butang nga nagahatud niini ngadto sa kamatayon. Apan dili lang gisalikway sa mga pangulo kini nga mensahe-kauban sa Naulahing Ulan, ang sinugdanan sa makusog nga singgit, ang Balaan nga Espiritu ug si Jesus- apan ilang gisalikway ang lain pa. Ilang gisalikway ang usa nga nagsulti kanila sa pagdawat sa mensahe. Kinsa kini? Si Ellen White! Busa dili lang kay gisalikway sa mga pangulo ang mensahe ug ang tanan nga panalangin nga nagauban niini, apan ila usab nga gisalikway ang manalagna sa Dios ug ang Espiritu sa Tagna.

“...ang Espiritu sa Ginoo didto sa pagsulti kanila nga ila kining gibuhat, wala ba? Apan sa dihang ilang gisalikway ang makusog nga singgit, ang pagtulun-an sa pagkamatarung, ug ang Espiritu sa Ginoo, pinaagi sa Iyang propeta, mibarug didto ug nagsulti kanato kung unsay ilang gibuhat, unsa pa? Oh sa yano ilang gisalikway kini nga propeta sama sa uban.” 1893 General Conference Bulletin, p 183.

Nagpadayon ba ang mga pangulo sa pagbuhat sa buhat sa kaaway sa pagsulay sa pagpatay niining bililhon nga mensahe, ug sa pagsulay sa pagpahunong sa pagpangahulog sa Naulahing Ulan ngadto sa katawohan sa Dios? Nagpadayon ba sila sa pagpugong sa makusog nga singgit nga modaku, aron sa paghuman sa buhat? Nagpadayon ba sila sa pagpalong sa Balaan nga Espiritu gikan sa iglesia aron nga ang yuta dili mapuno sa kahibalo sa kaluwasan? Si Ellen White nagpasidaan kanila niadtong tuig 1895, ug palihug basaha nga maminatngunon:

“Ang relihiyon sa Biblia igapadayag niini nga kalibutan, aron nga ang mga kalag madala ngadto sa pag-ila ni Cristo, ang kahayag sa kalibutan. Samtang ang kahayag gipadayag, pinaagi sa pagsunod niana nga kahayag kita makalikay gikan sa tanang kangitngit; tungod kay Siya nagaingon, ‘Siya nga magasunod kanako dili magalakaw sa kangitngit, apan makabaton sa kahayag sa kinabuhi.’ Ang bidlisiw sa kahayag sa kinabuhi nga nagasidlak gikan kang Ginoong Jesus makapahimo sa katawohan sa pagbarug, sa pag-asdang ug madaugon nga gubat, ug magadaug batok sa gahum sa kangitngit. Kining mahimayaon nga Kahayag nagapadayag sa mahapsay nga pagsulod ngadto sa gingharian sa atong Ginoo ug Manluluwas nga si JesuCristo. Sa paglakaw diha sa kahayag makakaplag kita ug andam nga pagdawat didto. Ang gamhanan nga Heneral dili lang nagagiya sa sundalo sa langit ug yuta sa pagpakiggubat; sila nagapadayon sa pagmartsa ngadto sa mahimayaon nga kadaugan. Ang matag sundalo kinahanglan nga mosul-ob sa hinagiban sa Dios, ug moaway nga maisugon, nahibalo nga siya nakiggubat atubangan sa dili makita nga uniberso. Kung ang kasundalohan sa Ginoo magatuman sa mga mando, ilang makita ang ilang kaugalingon nga naimpluwensiyahan sa Balaan nga Espiritu sa pagbuhat sa buhat sa Dios. Ang panggubatan nahimaya pinaagi sa kahayag nga nagasidlak gikan sa krus sa Kalbaryo....

“Ang katapusan sa tanang butang ania na. Ang Dios nagalihok sa matag hunahuna nga bukas sa pagdawat sa pagdasig sa Balaan nga Espiritu. Siya nagapadala sa mga mensahero nga makahatag us pasidaan sa matag dapit. Ang Dios nagatilaw sa pagbati sa Iyang mga iglesia ug sa kinabubut-on nga pagtuman sa giya sa Espiritu....Kadtong dili montugyan ngadto sa impluwensiya sa Balaan nga Espiritu mawad-an sa madali sa panalangin nga madawat kung ilang ilhon ang kamatuoran nga gikan sa langit. Sila mahulog ngadto sa mabugnaw, walay espiritu nga pormalidad, nawala kanila ang kabalaka sa mga kalag nga nangawala, ilang nawala ang nauna nilang gugma.’ Ug si Cristo nagaingon kanila, ‘Busa hinumdumi kong diin ikaw nahulog, ug maghinulsol ka, ug buhata ang unang mga buluhaton; kay kung dili, moanha ako kanimo, ug pagakuhaon ko ang imong tangkawan sa iyand dapit, gawas kong ikaw maghinulsol.’ Iyang kuhaon ang Iyang Balaan nga Espiritu ug ihatag ngadto sa uban nga mohatag niini ug bili.

“Walay mas daku nga pagpamatuod nga kadtong nakadawat ug daku nga kahayag dili mohatag ug bili niana nga kahayag gawas sa gihatag pinaagi sa pagdumili sa pagpasidlak sa ilang kahayag niadtong anaa sa kangitngit, ug padidikar sa ilang panahon ug kusog sa pagsaulog ug mga tulumanon. Ang paghunahuna sa sulod nga buhat, ang pagkakinahanglanon sa kaputli sa kasingkasing wala ginatagad. Ang kakulang sa panag-uyon kauban sa Dios nahimong dayag. Ang kahayag nagakapalong, nawala, ang tangkawan gikuha. Adunay mga pagtuman sa tawohanon nga awtoridad niatong wala hatagi sa Dios sa Iyang kaalan tungod kay wala sila magbati sa panginahanglan sa kaalam gikan sa taas....”

“Mga kasugoan ug pamalaod ginaumol sa sentro sa buhat nga sa madali mabungkag ngadto sas mga tinipik. Mga katawohan dili angay nga modikta....Kung ang lubid pagahugton, kung ang mga pamalaod nagaanam ka lisod, kung ang mga katawohan magapadayon sa paggapus sa mga magbubuhat ngadto sa tawohanon nga kasugoan, daghan ang palihukon sa Espiritu sa Dios, sa pagbungkag sa matag babag, ug modeklarar sa ilang kagawasan diha kang Cristo Jesus....

“Ang Dios magalihok diha sa katawohan nga may ubos nga katungdanan sa sosyedad, mga katawohan nga adunay pagbati sa mahayag nga bidlisiw sa kahayag pinaagi sa hataas nga pagpanghunahuna sa kahayag sa kamatuoran, ug wala makahimo sa pag-uswag diha niana nga kahayag. Daghan ang sama kanila nga sa madali ug hapiit, ang gamiton sa Espiritu sa Ginoo sa pagdala sa kahayag ngadto sa uban. Ang kamatuoran, ang pulong sa Dios mahisama sa kalayo diha sa ilang bukog, nga nagapuno kanila sa mainiton nga handum sa pag-iwag naidtong nanaglingkod sa kangitngit. Daghan, bisan pa sa dili maalam, ang karon nagawali sa pulong sa Ginoo. Ang mga kabataan ginagamit sa Espiritu sa pagpanglakaw sa pagwali sa mensahe gikan sa langit. Ang Espiritu ginabubo sa tanan nga motubag sa Iyang pagtawag, ug, pagsalikway sa tawohanon nga kahimoan, ang mga nagabugkos nga mga kabalaoran ug mga pamaagi, sila magasulti sa kamatuoran uban ang kusog sa gahum sa Espiritu. Daghan ang modawat sa pagtoo ug makig-uban sa kasundalohan sa Ginoo...Ang panalipod nga gibutang sa mga mini nga magbalantay sa panon mahimong walay hinungdan, linibo ang manggawas ngadto sa kahayag, ug mobuhat sa pagsabwag sa kahayag.” Review and Herald, vol 3, p 272-273, 275 (July 16 & 23, 1895).

Sa unsa nga paagi ang panggubatan nahimaya? Sa kahayag nga nagasidlak gikan sa krus sa Kalbaryo. Ug unsa ang mangabungkag ngadto sa tinipik? Ang tibuok nga gambalay sa iglesia nga nagagahum sa katawohan pinaagi sa tawohanon nga kasugoan ug pamalaod. Ug kang kinsa ang espiritu igabubo? Kanila nga magatubag sa Espiritu ug magasalikway sa tawohanon nga kahimoan, ang iyang makagapus nga pamalaod ug pamaagi.

Makadawat ba sa pagbubo sa Balaan nga Espiritu ang usa nga konektado sa iglesia nga nagabugkos paghugot sa ilang isigkatawo, samtang nagapabilin sila ilaum sa tawohanon nga impluwensiya? Imo bang nakit-an ang kamahinungdanon sa sinulat ni Ellen White? “Daghan ang maukay pinaagi sa Espiritu sas Dios sa pagputol sa matag babag” modeklarar sa ilang kagawasan diha kang Cristo Jesus!”

Kung ang mga pangulo sa Adventista magapadayon sa pagsalikway niining bililhon nga mensahe, unsa may gipadayag sa Dios nga mahitabo? Ang ilang tangkawan pagakuhaon, ang Balaan nga Espiritu pagakuhaon sa iglesia ug ihatag sa uban, ang iglesia magatuboy ug mga tulumanon sa baylo sa pagtuboy sa kahayag diha kang Jesus; daghang tawohanon nga awtoridad ug nagabugkos nga mga balaod ang pagahimoon, ug mga lubid nga magagapus sa katawohan sa pagpabilin sa iglesia magauswag. Apan kining nagabugkos nga lubid maputol, ug daghan ang manggawas sa pagpakig-uban sa sundalo sa Ginoo sa pagsulti sa kamatuoran nga walay pagpugong sa tawo.

“Nga kining mga katawohan (lider sa General Conference) magabarug sa dapit nga balaan nga mamahimong tingog sa Dios sa katawohan, sumala sa atong gitoohan, nga mao ang General Conference, kana miagi na....Ang mga katawohan nga sa dugay nagabarug sa dapit nga kasaligan samtang nagaslikway sa kahayag nga gihatag sa Dios, dili na angay saligan. Gusto sa Dios nga wagtangon sila...Gikinahanglan nga adunay pagbag-o, pagreorganisar.” 1901 General Conference Bulletin, p 25-26.

Busa ang Iglesia Adventista del Septimo Dia nagpadayon sa pagsalikway sa katapusang mensahe sa kalooy ug sa Balaan nga Espiritu sama sa ilang gibuhat sa 1888. Sa dakung kasubo si Igsoong White nagsulat sa tukma kung unsay nahitabo kung sila nagtuman sa mensahe sa Dios, nagpahigawas sa mga pangulo sa General Conference, ug gireorganisar ang iglesia aron sa pagbuhat ilalum sa Dios ug sa Iyang prinsipyo.

“Kung ang husto nga buhat nabuhat sa miagi nga General Conference sa Battle Creek, kung nahitabo ang buot sa Dios nga mahitabo, ang pagdugmok sa yuta sa kasingkasing, sa mga katawohan nga nagabaton ug responsibilidad, kung sila sa pagpaubos sa kalag nangulo sa buhat sa pagsugid ug pagtugyan; kung sila naghatag ug pamatuod nga ilang gidawat ang mga tambag ug pasidaan nga gipadala sa Ginoo sa pagtul-id sa ilang mga sayop, aduna utay usa ka daku nga pagbag-o nga nahitabo sukad sa adlaw sa Pentecostes.

“Unsa ka katingalahan nga buhat alang sa daghan nga nagatigum sa Battle Creek sa General Conference sa 1901, kung ang mga pangulo sa buhat nanaghiusa. Apan ang buhat nga gipaabot sa langit nga buhaton sa madali kung giandam sa katawohan ang dalan, wala mabuhat, tungod kay ang mga pangulo nagsire ug mikandado sa pultahan batok sa pagsulod sa Espiritu. Adunay paghunong sa pagtugyan ngadto sa Dios. Ug mga kasingkasing nga unta naputli gikan sa sayop napalig-on sa sayop nga buhat. Ang pultahan nasirhan batok sa langitnon nga gahum nga mao unta ang naghinlo sa tanang kadautan. Mga katawohan wala magsugid sa ilang mga sala. Ilang gilig-on ang ilang kaugalingon sa sayop nga buhat, ug miingon sa Espiritu sa Dios, ‘Karon lumakaw ka na; ug unya kung ako aduna nay maayong higayon, ipatawag ko ikaw.’” Battle Creek Letters, p 55-56 (Letter 23, August 5, 1902).

“Daghan ang dili, dili makabaton sa kinabuhing dayon gawas kung ilang makita ang pagkamakasasala sa ilang buhat, ug maila kung daw unsa ka daku kini nakapahiubos sa Dios. Sila dili sulugoon ni Cristo, tungod kay wala sila magabuhat sa Iyang mga buhat. Ang Ginoo nagaingon, Isangyaw ang akong mensahe...Daghan ang nahimong nadaut ang pagtoo, nadaut sa prinsipyo. Daghan ang nakapasubo sa Dios ug nagbaligya sa ilang kaugalingon sa sala, ug sa pulong ug buhat nakatabang sa uban sa paglakaw sa lahi nga dalan nga ilang napili, hangtud nga wala na nila mailhi kung unsa ang tinuod nga relihiyon. Ilang gisakripisyo ang pagtoo sa kalibutanon nga utang kabubot-on, ug nasagulan nianang supak sa pagkamatarung. Sa sinugdan ilang givati ang pagbasol sa konsensiya, apan nagdumili sila sa pagliso, ug karon ang kagahi sa kasingkasing nag-andam kanila alang sa walay paglaum nga apostasiya, ug mga paghukom sa Dios. Ang hangyo sa ilang Manluluwas gisupak, ang Iyang kalooy giabuso, and Iyang inandam alang sa mahigugmaon nga pagtubos, nga nahimo pinaagi sa dili matupngan nga sakripisyo, gisalikway....

“Kadtong nahimo sukad sa General Conference nga gihimo sa Oakland sa 1903 magaresulta sa pagpangawala sa daghang mga kalag. Mga katawohan nga unta nagbarug sa tin-aw nga pag-alagad isip mga ministro sa Maayong Balita ug misyonero sa panambal, nagdawat ug mga mini nga teyoriya ug mga limbong gikan sa amahan sa bakak, ug wala nila maila nga sila nausab.” Series B#7, p 11-15 (November 20, 1905).

Unsay mahitabo kung ang Iglesia Adventista del Septimo Dia magpadayon sa mao nga agianan? Walay paglaum nga apostasiya, ug mga paghukom sa Dios mangahulog ngadto kanila sa panahon sa pito ka hampak. Kini nagakahulogan sa pagsira sa kaluwasan sa dili pa mahulog ang pito ka hampak. Busa kung ang Iglesia Adventista del Septimo Dia magapadayon sa pagsalikway sa mensahe sa pagkamatarung ni Cristo, nan ang kaluwasan sa tibuok nga iglesia magasira, ug si Satanas makabaton ug hingpit nga paggahum kanila.

Apan ang Iglesia Adventista del Septimo Dia walay mabatnan niini. Ug kung ang katawohan sa Dios magahulat sa Iglesia Adventista del Septimo Dia karon sa pagbag-o ug pagsugod sa pagtudlo sa pagkamatarung ni Cristo ug ang makusog nga singgit sa ikatolo nga manolonda, ilang makita ang pito ka hampak nga mangahulog kanila ug sa ilang iglesia. Ang Iglesia Adventista del Septimo Dia nakabaton kaniadto ug bililhon nga higayon sa paghinulsol, pagdawat, ug pagsangyaw sa Naulahing Ulan ug mga mensahe sa makusog nga singgit, apan karon wala na. Sila magapadayon sa ilang naandan nga pagsalikway sa bililhon nga kahayag sa 1888, ug wala sila mahadlok sa pagsulti sa katin-aw ug kayano ngadto sa katawohan.

Ang Iglesia Adventista del Septimo Dia ug ang iyang mga pangulo sa katin-aw ug kayano midawat nga sila magpadayon sa pagsunod sa tradisyon sa 1888! Mao lang nga ilang nalimbongan ang katawohan sa pagpatoo nga sa tinuoray ilang gidawat ang mensahe; ug ang katawohan wala makasabot kung unsa ang nagakahitabo. Bisan tinuod nga ang Presidente sa General Conference nagataway sa Balaan nga Espiritu nga igabubo sa iglesia karon sa gahum sa Naulahing Ulan, ang bugtong espiritu nga magatubag niana nga pagtawag nao ang yawa! Tungod kay ang bugtong agianan sa diin ang Balaan nga Espiritu nagbuhat mao ang sa kamatuoran -- nga gisalikway sa Iglesia Adventista del Septimo Dia.

Ang mga pangulo sa Iglesia Adventista del Septimo Dia nagpadayon sa pagsalikway sa labing bilihon nga mensahe sa Naulahing Ulan sa pagkamatarung ni Cristo. Sila magapadayon sa pagpatay niini, ug pagpahilayo niini gikan sa katawohan ngadto sa “mapait nga katapusan” (Series B#7, p 9). Kita sa tin-aw gipasidan-an na nga ang Iglesia Adventista del Septimo Dia magabuhat niini!

“Usa ka butang ang segurado nga mahitabo, -- ang daku nga pag-apostasiya, nga nagatubo ug nagauswag ug nagakalig-on, ug magapadayon nga mahitabo hangtud nga ang Ginoo magakanaug gikan sa langit inubanan sa singgit. Angay natong gunitan ang mga nahaunang prinsipyo sa atong pagtoo, ug magapadayon sa unahan gikan sa kusog ngadto sa nagauswag nga pagtoo....Daghan nga mga kalag ang nangahulog gikan sa pagtoo ug nagapatalinghug sa limbongan nga espiritu, ug sa mga pagtulun-an sa mga yawa. Gikinahanglan nga walay pagkaluya sa mga kalag karon.” Series B#7, p 56-57 (Letter 326, December 4, 1905).

Daw unsa ka dugay nga ang iglesia magapadayon sa pag-apostasiya? Hangtud sa pag-anhi ni Cristo! Busa aduna pa bay paglaum alang sa pagpabuhi ug repormasyon balik sa Ginoo sa sulod sas Iglesia Adventista del Septimo Dia? Wala na. Ang iglesia magapadayon sa iyang pag-apostasiya ug pagsalikway sa Espiritu sa Dios ug sa kamatuoran; ug pinaagi sa bunga nga makita sa iglesia, sa tanan nga buot nga makakita, nga ang Dios nagkuha sa buluhaton nga gidumilian sa iglesia ngadto sa Iyang kaugalingon nga mga kamot, ug kini nga buhat pagapamub-on diha sa pagkamatarung.

“Tuguti ako nga makasulti kanimo nga ang Ginoo magabuhat niining katapusan nga buhat sa paagi nga halayo sa naandan nga paagi sa mga butang, ug sa paagi nga sukwahi sa tawohanon nga pagplano. Adunay mga kauban nato nga sa kanunay buot mokontrol sa buhat sa Dios, sa pagdikta bisan sa kalihukan nga pagahimoon nga ang buhat nagapadayon sa unahan ilalum sa pagmando sa manolonda mga nagauban sa ikatolo nga manolonda diha sa mensahe nga igahatag sa kalibutan. Ang Dios magagamit ug mga pamaagi ug galamiton aron nga makit-an nga ang Iyang mga kamot maoy nagagiya. Ang mga magbubuhat mahibulong diha sa simple nga pamaagi nga Iyang pagagamiton sa pagdala ug paghingpit sa Iyang buhat sa pagkamatarung.” Testimonies to Ministers, p 300.

Ang Dios nagkuha niana nga buhat ngadto sa Iyang mga kamot, ug daghan nga mga butang ang nangahimo halayo gikan, ug walay bisan unsa nga tabang gikan sa Iglesia Adventista del Septimo Dia. Ang Dios nagkuha sa Iyang buhat gikan sa mga kamot sa Iglesia Adventista del Septimo Dia tungod sa ilang pagkadili matinumanon ug pagsalikway sa Iyang kamatuoran, sa Iyang Espiritu, ug ni Jesus. Kini nagakahulogan nga ang tangkawan gikuha, ang panahon sa kaluwasan sirado na alang sa tibuok nga katilingban -- apan dili sa matag-usa niana nga katilingban. Ang Dios nagkuha sa Iyang Balaan nga Espiritu gikan sa iglesia, ug naghatag niini ngadto sa uban, aron nga sila makakinabuhi ug sa makusog nga tingog makahatag sa Iyang mensahe sa tolo ka manolonda ngadto sa kalibutan.

“Ang Ginoong Jesus sa kanunay adunay pinili nga katawohan nga moalagad Kaniya. Sa diha nga ang mga Judio nagsalikway ni Cristo, ang Principe sa kinabuhi, Iyang gikuha gikan kanila ang ginharian sa Dios ug gihatag ngadto sa mga Hentil. Ang Dios magapadayon sa pagbuhat sumala niini nga prinsipyo sa matag sanga sa Iyang buluhaton. Kung ang iglesia nagapamatuod nga dili na matinumanon sa buhat sa Ginoo, unsa man ang ilang posisyon, daw unsa man ka taas ug kabalaan ang ilang pagkatinawag, ang Ginoo dili na makabuhat kauban nila. Ang Ginoo magapili ug lain sa pagdala ug importante nga mga responsibilidad.” Upward Look, p 131 (Manuscript 33, April 27, 1903).

Sukad nga ang Iglesia Adventista del Septimo Dia gipasagdan, imong mapaabot nga sila magapadayon sa pagtuboy sa mga porma ug seremonyas sa baylo sa kamatuoran; sa pagpadayon sa pagpugong sa mga membro ilalum sa gahum sa tawo ug ilalum sa hinimo sa tawo nga balaod ug awtoridad; sa pagpadayon sa paggunit ug pagpahapsay sa ilang “hierarchial” nga organisasyon nga gisunod gikan sa Roma; ug magapadayon sa paggunit ug pagbugkos ug mga hamiling kalag dinhi niining gisalikway sa Dios ug romano nga iglesia. Ug unsa man ang gusto sa Dios nga mahitabo sa katawohan ilalum niini nga kindisyon? Siya sa tin-aw nagpakita sa Iyang katawohan sa mga isyu, ug unsa ang Iyang kabubut-on mahitungod sa Iglesia Adventista del Septimo Dia.

Karon kinsa ang “pahulay” sa diin ang gikapuyan makakaplag ug pahulay? Si Jesus. Siya ang bugtong Pahulay alang sa kalag nga gikapuyan. Apan ang Iglesia Adventista del Septimo Dia nagsalikway sa mensahe nga nagatudlo sa katawohan ngadto kang Jesus. Ug sukad nga ilang gisalikway kini nga mensahe, unsa man ang gisugdan pagtudlo sa mga pangulo sa Iglesia Adventista del Septimo Dia nga dapit alang sa katawohan nga makaplagan ang kapahulayan? Direkta ngadto sa iglesia.

Busa asa ginatudlo sa mensahe sa maayong balita sa Iglesia Adventista del Septimo Dia ang katawohan karon? Ang iglesia mogamit sa pulong “Jesus”, apan ang katawohan ginatudlo ngadto sa gisalikway sa Dios nga gambalay sa iglesia nga mao ang dapit sa diin sila makakaplag ug pahulay. Kamatuoran niana, ang Iglesia Adventista del Septimo Dia nagsalikway na sa matag prinsipyo ug kamatuoran diha sa mensahe sa Nahauna, Ikaduha ug Ikatolo nga manolonda, ug nagatudlo sa mga butang nga sa hingpit kasupak niining bililhon nga mga mensahe! (Pagsulat alang sa “Transmutation of the Three Angels” o “The Abomination of Desolation and Church History--Second Edition” nga nagapamatuod niini gikan sa baba sa Iglesia Adventista del Septimo Dia, sa address nga gihatag diha sa atubangan niini nga balasahon). Apan asa ginatudlo sa matuod nga mensahe sa maayong balita ang katawohan? Kini nagatudlo sa katawohan ngadto kang Jesus nga mao ang bugtong dapit diin ang gikapuyan makakaplag ug kapahulayan.

Putli ba karon ang Iglesia Adventista del Septimo Dia? Siya nagsalikway sa bugtong nga mensahe nga makapahimo kaniya nga putli. Busa siya nahugawan sa sala ug apostasiya, baylo sa pagkamatarung ug kamatuoran. Ug unsa man ang kabubut-on sa Dios karon mahitungod sa Iglesia Adventista del Septimo Dia? Buot ka bang mosunod sa Iyang kabubut-on, o magsunod sa imong kabubut-on? Buot ka bang mahibalo kung unsa ang Iyang kabubut-on sa Iyang matinud-anon nga Iglesia Adventista nga katawohan karon?

“Apan karong bag-o ang akong katawohan mingtindog sama sa kaaway: gilangkat ninyo ang kupo gikan sa bisti gikan kanila nga ming-agi sa kasiguruhan ingon sa mga tawo nga nagaayad sa gubat. Ang mga babaye sa akong katawohan ginasalikway ninyo gikan sa ilang hamogaway nga mga balay; gikan sa ilang batan-ong mga anak ginakuha ninyo ang akong himaya sa walay katapusan. Tumindog kamo ug gumikan; kay kini kili mao ang inyong kapahulayan; tungod sa kahugawan nga nagalaglag uban sa masakit nga pagkalaglag.” Miqueas 2:8-10.

Unsa ang nagarepresentar sa bisti nga gilangkat gikan sa atong katawohan? Ang bililhon nga bisti sa pagkamatarung ni Cristo. Ug unsa ang nagarepresentar sa himaya nga gikuha gikan sa atong katawohan sa walay katapusan? Ang himaya sa Dios -- o ang Iyang matarung nga kinaiya nga gikinabuhian, nga nagahatag ug himaya sa Dios. Busa unsa ang nahimo sa Iglesia Adventista del Septimo Dia? Sila mibarug isip kaaway sa Dios, ug nagalagkat sa mga membro sa Adventista sa bisti sa pagkamatarung ni Cristo! Busa walay usa nga makahatag ug himaya sa Dios pinaagi sa pagkinabuhi sa Iyang kinabuhi sa ilang kinabuhi samtang sila nagapabilin ilalum sa impluwensiya sa iglesia. Ug daw unsa ka dugay nga ang Iglesia Adventista del Septimo Dia magapadayon sa pagbuhat niining sinatanas nga buhat? “Sa walay katapusan”!

“...ang mensahe nga nagasulti sa pagkahulog sa Babilonia maaplikar ngadto sa mga relihiyoso nga katilingban nga kaniadto putli, ug nahimong mahugaw....Ang Babilonia girepresentahan sa usa ka babaye, usa ka hulagway nga gigamit sa Kasulatan nga simbolo sa iglesia. Ang putli nga babaye nagarepresentar sa putli nga iglesia, ang mahugaw nga babaye sa iglesia nga nag-apostasiya. Ang Babilonia giingon nga usa ka bigaon...” Spirit of Prophecy, vol 4, p 232-233.

Kini ba nagakahulogan lang sa mga pangulo sa mga nasud, o aduna usab ug espirituhanon nga kahulogan? Ang mga hari sa yuta mao kadtong nagdawat kang Jesus ug sa Iyang kamatuoran, ug nagsulod diha sa Iyang serbisyo -- nga ginasulat sa basahon sa kinabuhi sa Cordero (Pinadayag 1:5-6, 5:10, 17:14, 21:24-27). Ug unsa ang nabuhat niining mga hari, nga magahari kauban ni Jesus, kung magpabilin nga matinud-anon hangtud sa katapusan? Sila “nakapakighilawas” kauban sa bigaon nga iglesia. O sila nahigugma ug nga konektado, nakigdulog, sa ilang iglesia sa pagpakighilawas.

Ang pulong “gahum” gihubad nga “kusog”, kahibulungang gahum, pagpugos, ganhanang buhat, ug milagrosong magbubuhat” (Strong’s #1411). Ug ang “mausikong pagpatuyang” nagakahulogan ug “kusog” (Strong’s #4764). Busa ang mga ministro gihatagan ug daghang awtoridad (nangadato) sa paggahum sa membro sa ilang iglesia, sa paggamit sa kusog o pagpugos kung gikinahanglan, pinaagi sa milagroso nga gahum ug kusog sa ilang “hierarchial”, iresponsable nga sistema sa organisasyon, gambalay, ug pagdumala.

“Ang yano ug dili kabalibaran nga kamatuoran mao nga ang Iglesia Adventista del Septimo Dia mao ang pinakasigurado nga dili ‘congregational’ kondili sa klaro usa nga ‘hierarchial’. Ang iglesia nagadumala sa pamaagi sa organisasyon nga gigakus sa pulong ‘hierarchial’.” Equal Employment Opportunity Commission vs The Pacific Press Publishing Association, Civil #74-2025 CBR, trial from 1975-1975 (sulat alang sa kopya sa address nga gihatag sa atubangan niini nga balasahon).

“Mga dokumento sa Iglesia nga nagasugo sa gambalay ug pagdumala nagapamatuod nga ang tanan nga bahin sa Iglesia kabahin sa usa ka lawas. Sunod sa Iglesia Katolika Romana, ang Adventista mao ang labing ‘centralized’ sa tanang mayoriya nga Cristohanon nga mga denominasyon niini nga nasud.” Derrick Procter vs The General Conference of Seventh-day Adventists, Case #81C-4938, Section B, p 22, October 29, 1986.

Busa kung ang Iglesia Adventista magpabilin nga magmatinud-anon sa Dios ug sa Iyang kamatuoran, dili sila mahimong Babilonia. Apan kung ilang isalikway si Cristo ug ang Iyang kamatuoran, nan walay butang nga makababag nga sila mahimong Babilonia. Niadto lamang sa tuig 1893, nga ang kadaghanan sa mga pangulo sa Iglesia Adventista ang nagapaningkamot sa pagsunod sa Dios, busa ang iglesia dili mahimong Babilonia nianang “presente nga panahon” (Testimonies to Ministers, p 50). (Alang sa dugang nga impormasyon mahitungod niini nga isyu, palihug sulat anang sa basahon “The Controversy Over Revelation 18" sa address nga gihatag sa atubangan niini nga balasahon.)

Apan gikan sa ato nang nakit-an ilabi na sa kamatayon ni Ellen White niadtong 1915, ang mga bunga sa Iglesia Adventista nga nahimo sa tin-aw nagapakita nga sila nakatuman sa gihulagway sa Babilonia sa Pinadayag 18. Ug kauban sa ubang mga iglesia, sila nahimong Babilonia. Ngano? Tungod kay sila nagpadayon sa pagsilikway sa bugtong nga mensahe nga makapugong kanila nga mahimong Babilonia -- nga mao ang mensahe sa Naulahing Ulan sa pagkamatarung ni Cristo.

Ang mensahe sa Naulahing Ulan nagatudlo sa ginagutom ug ginauhaw nga kalag ngadto kang Jesus, ang mensahe sa makusog nga singgit nagapagawas sa katawohan gikan sa giduminahan sa tawo nga gapus aron mamahimong hingpit nga gawasnon diha kang Jesus! Ang mensahe sa Naulahing Ulan nagapagawas sa tawo gikan sa pagkaumalambit sa sala sa ilang makasasala nga iglesia! Kini nga mensahe nagasugo sa pagpagawas, una sa personal nga sala, ang usa gikan sa katilingbanon nga sala.

Ang pagdumili sa pagtuman sa bisan asa niini nga mensahe nagakahulogan nga ikaw sa kinatibuk-an dili mahingpit ug gawasnon gikan sa sala -- bisan personal o katilingbanon. Ug dili ka makahimo sa pagkinabuhi sa matarung nga kinaiya sa Dios diha sa kaputli ug walay buling tungod sa mansa sa sala. Busa kung imong isalikway ang pagtuman sa bisan asa nga mensahe, mahugawan ka gihapon sa sala, maimo man o katilingbanon. Ug ikaw mahimong nakasala sa pagsalikway kang Jesus sa dili pagpas-an sa imong krus sa paggawas gikan sa personal nga sala nga mao ang mensahe sa Naulahing Ulan; o ang dili pagpas-an sa imong krus sa paggawas gikan sa mga makasasala -- nga mao ang mensahe sa makusog nga singgit. Ug dili ka makadawat sa patic sa Dios, Isalikway ang bisan asa, ang mensahe sa Naulahing Ulan sa pagkamatarung ni Cristo, o ang mensahe sa makusog nga singgit sa p aggawas gikan sa imong iglesia nga nag-apostasiya, ug dili ka makadawat sa patik sa Dios!

Bisan kung imong gituman ang mensahe sa Naulahing Ulan ug nakadaug sa tanang personal nga sala, apan nagdumili sa pagtuman sa mensahe sa makusog nga singgit sa paggawas gikan sa imong iglesia, sa gihapon ikaw mapakyas sa paghingpit sa pagkamatarung ug aron mawalay buling ug mansa sa sala, ug ang patik sa Dios dili gayud mabutang kang bisan kinsa nga nabulingan sa mansa sa sala (Testimonies, vol 5, p 212-216). Ug ikaw pagaisipon nga mahugaw pinaagi sa imong pagpadayon sa pagpamembro sa mahugaw nga iglesia.

“Imposible alang kanimo ang pagpakighiusa niadtong mahugaw, ug magapabilin nga putli. Unsaon man pagpanagkuyog sa pagkamatarung ug sa pagkamasupilon? Kun unsaon man paginambitay sa kahayag uban sa kangitngit? Ug unsaon man pagkaangay ni Cristo uban kang Belial? Ang Dios ug si Cristo ug ang tibuok panon sa langit buot nga masayod ang tawo nga kung siya makighiusa sa mahugaw, mahimo siyang mahugaw.” Review and Herald, vol 4, p 137.

Ang pagsunod o pagwali lang sa mensahe sa Naulahing Ulan sa pagkamatarung ni Cristo sa ikatolo nga manolonda, ug ang dili pagsunod sa makusog nga singgit sa ikatolo nga manolonda, magabiya sa katawohan nga mabulingan sa sala nga katilingbanon. Ug ilang mawala ang kinabuhi nga walay katapusan. Sa pagsunod ug pagwali lang sa mensahe sa makusog nga singgit, ug wala nagatudlo sa katawohan ngadto sa pagkamatarung ni Cristo, magabiya sa katawohan nga mabulingan sa personal nga sala. Sila usab mapakyas sa pagkab-ot sa kinabuhing dayon. Kining duha ka mensahe sa ikatolo nga manolonda kinahanglan nga pagatumanon aron matuman ang tanan nga pagkamatarung ug mahimong hingpit nga gawasnon gikan sa buling sa sala diha kang Jesus.

Busa ang kamatuoran niining panahona -- presente nga kamatuoran -- nagagakus sa “tibuok maayong balita”, dili kay katunga lang sa maayong balita! Ang pagwali sa “Presente nga kamatuoran” mao ang pagwali sa kompleto nga mensahe sa maayong balita sa ikatolo nga manolonda-ang pagwali sa mga mensahe sa Naulahing Ulan ug sa makusog nga singgit. Kita dili lang mowali sa pagkamatarung ni Cristo, apan sa makusog nga singgit usab. Kita kinahanglan mogakus ug mowali sa pagkamatarung ni Cristo ug pagpanggawas ngadto kang Cristo.

Ang ginatoohan karon sa kadaghanan ug sa mga independente nga mga ministro mao nga ang mensahe sa makusog nga singgit dili ikahatag hangtud nga ang “Sunday law” ipasaka na. Sila nagaingon: “Walay usa nga mogawas gikan sa nag-apostasiya nga mga iglesia hangtud nga ang pagbantay sa Domingo mahimo na nga balaod.” Apan tinuod ba kini nga pagtoo? Ang mensahe sa Pinadayag 18 pahilumon ba hangtud sa panahon sa “Sunday law”, o igahatag kini sa wala pa ang “Sunday law”? Unsa ang mensahe karon?

“Karon, sama sa kaadlawan ni Elias, and utlanan taliwala sa matinumanon sa kasugoan sa Dios nga katawohan ug mga magsisimba sa mga diosdios ipakita sa klaro. ‘Daw unsa ka dugay nga kamo anaa sa taliwala sa duha ka panghunahuna?’ Si Elias misinggit: ‘kung si Jehova Dios, sunda Siya: apan kung si Baal, nan sunda siya.’ 1 Hari 18:21. Ug ang mensahe karon mao: Nahulog na, nahulog na, ang dakung Babilonia....Gumula kamo kaniya, katawohan Ko, aron dili kamo makaambit sa iyang mga sala, ug aron dili kamo makadawat sa iyang mga hampak. Kay ang iyang mga sala nakaabot hangtud sa langit, ug nahinumduman sa Dios any iyang mga pagkadili-matarung.’ Pinadayag 18:2, 5.

Paabuton ba nato ang “Sunday law” usa kita mobarug, mobuhat sa hinatag sa Dios nga katungdanan kanato, ug iwali ngadto sa uban kining mensahe sa maloloy-on ug mahigugmaon nga pagpagawas? Dili! Dili na kita angay nga mobatog sa koral karon! Daw unsa ka dugay nga kita magpabilin taliwala sa pagsunod sa kabubut-on sa Dios o pagsunod sa atong kabubut-on? Apan mao ba kini ang nahitabo? Inyong gilangan, nagahimo kamo ug pamalibad, ug sa dili madugay ang kahayag nga angay ninyong gisunod dayon, pagakuhaon ug mahimo nga kangitngit alang kanimo.

“Ang sala sa Babilonia pagabuksan. Ang makuyaw nga resulta sa panaghiusa sa Iglesia ug Estado, ang dalan sa Espiritualismo, ang hilum apan kusog nga pag-uswag sa papanhon nga gahum, ang tanan pagaablihan. Pinaagi niining solemne nga pasidaan ang katawohan maukay. Libo ka mga libo ang wala makapaminaw sa mga pulong nga sama niini. Sa kahibulong ilang nabatian ang pagpanatuod nga Babilonia ang iglesia, nahulog tungod sa iyang mga sayop ug mga sala, tungod sa iyang pagsalikway sa kamatuoran nga gipadala kaniya gikan sa Langit. Ang mga katawohan moadto sa kanhi nilang magtutudlo dala ang pangutana, Tinuod ba kining mga butanga? Ang mga ministro nagapresentar ug tinumotumo nga mga estorya, magapanagna ug mga mahapsay nga mga butang, sa pagtambal sa ilang kakuyaw, ug pahilumon ang napukaw nga konsensiya. Apan daghan ang nagadumili nga matagbaw sa basta lang awtoridad sa tawo, ug mangayo sa yano nga ‘Kini ang gisulti sa Ginoo.’ Ang mga ministro, sama sa mga Fariseo sa karaang panahon, napuno sa kasuko sa diha nga ang ilang awtoridad gisukitsukit, ilang gibatukan ang mensahe ug ginaingon nga iya ni Satanas, ug giukay ang mahigugmaon sa sala nga katawohan sa pagtawag kanila sa dautang ngalan ug paglutos niadtong nagawali niini.

“Sa nagaabot ang pagsumpaki ngadto sa bag-o nga mga dapit, ug ang mga hunahuna sa katawohan ginadala ngadto sa giyatakan nga balaod sa Dios, si Satanas napukaw. Ang gahum nga nagauban sa mensahe nagapasuko lang niadtong nagasupak niini. Ang mga ministro nagapaningkamot sa pagpahilayo sa kahayag, basi kini makaiwag sa ilang mga panon. Sa tanan nga paagi ilalum sa ilang pagmando sila nagapaningkamot sa pagpahunong sa lantugi mahitungod niining bililhon nga mga isyu. Ang iglesia nagadangop sa gamhanang kamot sa gobiyerno, ug niini nga buhat, ang mga sumusunod sa papa makigtinabangay kauban sa Protestante. Ang kalihokan sa pagpatuman sa Domingo mahimong dayag ug desidido. Ang balaod nahimong kabatok sa mga nagabantay sa kasugoan.” Spirit of Prophecy, vol 4, p 424-425.

Unsa nga mensahe ang nagapukaw sa mga maayo ug dautan nga mga relihiyoso nga elemento gikan sa ilang paghikatulog? Ang mensahe sa pagkamatarung ni Cristo ug ang mensahe sa pagpanggawas ngadto ni Cristo gikan sa mahugaw nga iglesia. Kining duha ka mga mensahe nga nahiusa nagapukaw sa katawohan sa Dios ug sa katawohan ni Satanas gikan sa ilang pagkatulog, kining duha ka grupo magahimo ug desisyon dapig o batok sa mensahe, ug ang dautan nga mga relihiyoso nga elemento, nga nasuko sa mensahe, magasulay sa pagpahunong niini pinaagi sa pagpagawas ug balaod sa pagbabag niini. Kini sa inanay nagapadulong sa pagpagula ug pagpatuman sa balaod sa pagbantay sa Domingo.

Apan unsa nga mensahe ang sa makusog nga tingog ginahatag ni Satanas ug sa iyang mga ahente ngadto sa katawohan? Sila nagaingon nga: “Dili pa panahon sa paghatag sa makusog nga singgit sa pagpagawas karon. Dili pa panahon ang paggawas sa iglesia. Kinahanglan pa nga imong hulaton ang “Sunday law” ug ang krisis nga moabot usa ka mosunod ug magahatag niini nga kamatuoran. Gusto sa Dios nga magpabilin ka sa mahugaw nga iglesia nga nag-apostasiya ug hulaton nga sila ang mosipa kanimo pagawas.”

Kung unsa ang ginahimo niining ahente sa yawa sa pagsulti mao: “Ang Dios dili gusto nga ikaw sa kinabubut-on mobuhat sa imong pagpili sa pagsunod sa Iyang kabubut-on, pasigdi nga ang manhugaw ug ang nag-apostasiya ug giduminahan ni Satanas nga iglesia moingon kanimo kung kanus-a nga O K alang kanimo ang pagtuman sa Dios. Pabilin lang nga konektado uban sa tanan nga pag-apostasiya, sayop, pagkamahugaw ug dautan, ug matakdan ug magbati nga komportable kauban nila. Ug ikaw makakat-on sa paghigugma sa mahugaw nga Iglesia Adventista del Septimo Dia, ug magapanalipod sa nag-apostasiya nga iglesia, ug niana dili ka gayud buot nga mobiya sa iglesia.”

Kung gusto ka nga mobuhat sa kabubut-on sa Dios, nan panahon na nga tumanon ug ihatag kining pinasahi nga mensahe sa pagpanggawas gikan sa personal nga sala ug mogawas gikan sa nahugawan nga iglesia. Ug ang katawohan makabaton sa pagpili sa pagduol sa nagahulat nga bulahan nga mga kamot sa atong maloloy-on nga Manluluwas nga nagahulat sa gawas sa tanang mga iglesia. Panahon na karon sa paghatag niining katapusang bililhon nga mga mensahe sa kalooy, nga sa hingpit nasentro ni JesuCristo.

“Matag bahin sa mensahe sa ikatolo nga manolonda kinahanglan isangyaw sa tanang dapit sa kalibutan....Kini nga mensahe usa ka mensahe sa pagpamatuod. Dinawat ngadto sa matinud-anon nga kasing kasing, kini nagapamatuod nga panalipod sa tanang sala ug kagul-anan sa kalibutan. Walay kondisyon sa klima, kapubrehon, kawalay alamag ang makababag sa iyang pagkamapuslanon o makapakulang sa iyang pag-uyon sa panginahanglan sa katawohan.

“Ang Ginoo sa Iyang kaugalingon magatawag sa katawohan, sama sa karaang panahon nga Siya nagtawag sa mga mangingisda, ug Siya naghatag kanila ug pagpanudlo mahitungod sa ilang kaumhan sa pagpangabudlay, ug ang pamaagi nga ilang pagasundon. Siya magatawag ug mga katawohan gikan sa ilang mga daro ug gikan sa laing buluhaton sa paghatag sa katapusang nota sa pasidaan ngadto sa nangawala nga mga kalag.” Last Day Events, p 80 (Letter 210, September 21, 1903).

Kana nagakahulogan nga ang Dios makahimo sa paggamit kanimo ug kanako! Basta kita mapaubasanon nga nagasalig sa Dios alang sa atong mapadayonon nga tuburan sa atong espirituhanon nga kalan-on, nagasunod sa kamatuoran nga magahumod sa atong uga nga kasingkasing, aron kita mahimo nga katambayayong sa Dios ug sa langitnon nga panon sa paghatag niining katapusan nga mensahe ngadto sa mga kalag nga nangawala. Dili na kita angay nga maghulat ug dugay sa pagkuyog sa atong mahal nga Ginoo ug mapahigawas gikan sa personal ug katilingbanon nga sala- mahimo nato ug kinahanglan nga kita mosunod sa Dios karon!

“Ang katapusan nga daku nga pakig-away ania sa atong atubangan, apan ang tabang magaabot sa tanan nga nahigugma sa Dios ug nagatuman sa Iyang balaod, ug ang yuta, ang tibuok yuta, maiwagan sa himaya sa Dios. ‘Laing manolonda’ ang nanaug gikan sa langit. Kini nga manolonda nagarepresentar sa paghatag sa makusog nga singgit, nga magaabot gikan niadtong nagapangandam sa pagsinggit sa makusog, uban ang kusog nga tingog, ‘Nahulog na, nahulog na ang dakung Babilonia, ug nahimong puloy-anan sa mga yawa, ug tigumanan sa tanang espiritu nga mahugaw, ug tugdonanan sa tanang langgam nga mahugaw ug dulomtanan.’ (Pinadayag 18:1-2.)

“Aduna kitay mensahe sa pagtilaw nga igahatag, ug ako gimandoan sa pagsulti sa atong katawohan, ‘Pakighiusa, pakighiusa.’ Apan dili kita makighiusa kauban niadtong nagapamiya, gikan sa pagtoo, nga nagapatalinghug sa mga limbongan nga espiritu ug pagtulon-an sa mga yawa. Uban sa atong matam-is, maloloy-on ug matinug-anon nga kasingkasing, kita magalakaw sa pagsangyaw sa mensahe, nga walay pagpatalinghug niadtong nahamulag gikan sa kamatuoran.” Selected Messages, book 3, p 412 (Manuscript 31, 1906).

Usa sa mahinungdanon nga pulong nga gigamit dinhi mao “ayaw paghikap”. Apan sa unsa nga paagi nga kita makahikap sa mahugaw nga iglesia? Makahikap kita sa mahugaw nga iglesia pinaagi sa pagakig-uban kaniya, ug ilabi na sa pagpamembro niana nga iglesia. Ang pagpasakop sa mahugaw ug nag-apostasiya ug bigaon nga iglesia nagdugtong kanimo- o nagahikap kanimo- kauban sa mahugaw ug bigaon nga iglesia. Busa bisan pa nga ikaw mibiya sa iglesia, apan wala makuha ang imong ngalan gikan sa listahan, ang imong pagkamembro sa gihapon nagahikap kanimo nianang mahugaw nga iglesia. Busa ikaw nagahikap sa butang nga mahugaw pinaagi sa paghikap, ug giisip nga umalambit sa sala sa bigaon nga iglesia.

Ang uban buot mosalikway nga ang pagpasakop sa bigaon nga Iglesia Adventista nagahimo kanila nga mahugaw. Ilang ginagamit ang tawohanon nga pagrason nga ang ilang lokal nga iglesia dili sama sa General Conference, nga ang ilang lokal nga iglesia putli ug wala maapektuhe sa kahugawan ug apostasiya sa General Conference. Apan kini nga mga pagrason sayop, ug walay pasikara sa pulong sa Dios.

“...samtang ang tawohanon nga kasingkasing nagahatag sa iyang buhi nga dugo ngadto sa tanang bahin sa lawas, mao usab ang pagdumala sa mao nga dapit, ang ulohan sa atong iglesia, makaapekto sa tibuok panon sa tumotoo. Kung ang tawohanon nga kasingkasing maayo, ang dugo nga ginapadala gikan niini ngadto sa tibuok lawas maayo usab; apan kung kining gigikanan sa dugo hugaw, ang tibuok lawas mahimong masakiton pinaagi sa mahugaw nga dugo. Ingon usab kini kanato. Kung ang kasingkasing (General Conference) sa buhat mahimong mahugaw, ang tibuok iglesia, diha sa iyang tanang sanga ug katuyoan, nga gikatag sa tibouk nawong sa yuta, moantus sa panghitabo.” Testimonies, vol 4, p 210.

Tungod kay ang kasingkasing sa Iglesia Adventista mao ang General Conference, ug kini nahugawan, nan ang tanan nga konektado sa General Conference, nahugawan usab -- mga dibisyon, konperensiya sa unyon, mga konperensiya sa estabo, mga institusyon, mga balay patikanan, ug tanan nga mga lokal nga iglesia, mga mensahero, mga pastor, mga tigulang mga magtutudlo ug ang tanan nga sakop sa Iglesia Adventista! Busa kung ikaw kinektado sa mahugaw ug dili putli nga Iglesia Adventista isip membro o sa pagpakig-uban, nan ikaw nagahikap sa mahugaw nga babaye, ug ikaw mamahugaw ug mahimong umalambit sa iyang mga sala!

Kung ang usa ka pari sa Israel, nga gibalaan ug nahimong balaan sa pagministro atubangan sa Dios, nakahikap sa usa ka patay nga lawas- bisan na lang ang sidsid sa iyang bisti- ang iyang tibuok pagkatawo nahugawan ug ginaingon nga mahugaw. Sumala sa gihatag sa Dios nga pamaagi sa paghinlo nga makita sa Numeros 19, ang mahugaw nga pari kinahanglan nga magpahimulag sa iyang kaugalingon gikan sa iglesia ug kampo sa Israel, ug maghinlo sa makaduha -- sa nahaunang adlaw ug sa katapusang adlaw. Kini nga pamaagi sa paghinlo nagakinahanglan ug nagaagay nga tubig nga igabubo agi sa abo sa gihalad nga “red heifer” (nati nga baka). Kung human sa iyang paghinlo ang magbubuhat sa Dios mobalik sa kampo sa Israel ug mohikap pag-usab sa patay nga lawas, siya mamahimong mahugaw, ug magakinahanglan nga magpahimulag pag-usab ug moagi pag-usab sa proseso sa paghinlo aron siya mamahinlo.

Ang gihalad nga “red heifer” nagarepresentar kang Cristo -- ang Pulong sa Dios. Ang nagaagay nga tubig nagarepresentar sa makaputli nga paghinlo sa Balaan nga Espiritu nga nagahinlo kanato pinaagi sa Pulong sa Dios. Ug ang patay nga lawas nagarepresentar sa patay sa espiritu nga iglesia. Busa pinaagi sa pagpasakop sa patay sa espiritu nga iglesia, bisan na lang sa paghikap niini, magahimo kanato nga mahugaw ug dili takus nga magministro o magbuhat alang sa Balaan nga Dios Ug ang bugtong paagi nga gihatag sa Dios aron kita mamahimong mahinlo ug madawat balik ngadto Kaniya, mao ang pagpahimulag sa atong kaugalingon sa hingpit gikan sa mahugaw nga iglesia, mamahinlo sa makaduha pinaagi sa halad ni Cristo ug sa makapabalaan nga muhat sa Balaan nga Espiritu, ug sa dili pagpasakop pag-usab nianang patay ug mahugaw nga iglesia. Makapasidaan kita kung asa ang mahugaw ug patay nga iglesia, ug unsa ang buhaton kung sila nagahikap niini. Apan kung buot natong moalagad ug mosaksi alang sa Balaan nga Dios, kinahanglan nga dili kita mohikap o magpasakop sa atong kaugalingon niana nga iglesia pag-usab.

Kini nga isyu makita sa klaro kung kita motan-aw sa lapukon nga tigumanan sa tubig. Samtang kita motindog sa tigumanan sa lapukon nga tubig, bisan kung kita moadto sa pinakamabaw nga bahin niini, kita mahugawan gihapon sa lapok. Mahimo nga atong gamiton ang tanang sabon ug ibubo ang tanang tubig nga mahinlo sa atong ulo, apan sa gihapon kita magpabilin nga mahugaw samtang ang atong tiil anaa pa sa lapukon nga tubig. Mahimo nga atong paningkamutan nga mamahinlo ang tanang bahin sa atong lawas, apan kung ang atong tiil magpabilin gihapon sa lapok, dili kita mahinlo sa kinatibuk-an ug walay buling. Ug dili kita mahimong hingpit nga mahinlo gawas kung kita mobiya sa lapok, magpahilayo gikan niana ug maghinlo pinaagi sa sabon ug tubig. Ug aron magpabilin nga mahinlo sa hingpit, kinahanglan nga dili na kita maghikap o makigdugtong sa atong kaugalingon nianang mahugaw ug lapukon nga tigumanan sa tubig pag-usab. Mahimo nato ug kinahanglan nga kita magpasidaan sa uban kung asa ang mahugaw ug lapukon nga tigumanan sa tubig, ug unsa ang buhaton kung sila nagahikap ug nahugawan niini. Apan kung buot kita nga magpabilin nga mahinlo ug walay buling, kinahanglan nga dili kita mohikap ug magpasakop sa atong kaugalingon pag-usab.

“Gitambagan ka sa dili paghikap sa mahugaw nga butag; kay sa paghikap niini, ikaw sa imong kaugalingon mahimong mahugaw. Imposible alang kanimo ang pagpakighiusa sa mahugaw, ug magpabilin nga putli. ‘Unsaon pagpakig-uban sa pagkamatarung ug pagkadilimatarung? Ug unsa ang pagpakig-uban sa kahayag ug kangitngit? Ug unsaon man pagkaangay ni Cristo uban kang Belial?’ Ang Dios ug si Cristo ug ang langitnon nga panon buot magpahibalo sa tawo nga kung siya makighiusa sa mahugaw, siya mahimong mahugaw.” SDA Bible Commentary, vol 6, p 1102.

Pinaagi sa atong kinabubut-on ng nga pagpili sa pagpabilin nga konetado, o sa pagpabilin sa atong pangalan sa listahan, sa mahugaw ug nag-apostasiya nga iglesia, kita mahimong umalambit sa mga sala sa iglesia -- nga mahimong responsable kauban sa tanang kadautan sa iglesia. Ug kita mahimong usa kauban niining mahugaw nga babaye, ug kita magadawat sa samang silot nga pagadawaton sa nag-apostasiya ug bigaon nga iglesia!

Kung atong pilion ang pagpabilin nga konektado kauban sa nag-apostasiya, bigaon ug Babilonia nga Iglesia Adventista del Septimo Dia -- bisan sa atong presensiya o sa pagpabilin sa atong mga pangalan sa libro sa iglesia, nan atong gipili nga mamahimong umalambit sa tanang sala sa iglesia, ug kita magadawat sa mga hampak kauban sa iglesia nga atong gihiguma labaw sa pagsunod sa kabubut-on sa Dios.

“Sa timbangan sa santuwaryo ang Iglesia Adventista del Septimo Dia pagatimbangon....Ngano nga adunay mangitngit nga panglantaw sa tinuod nga espirituhanon nga kondisyon sa iglesia?...Ang langitnon nga Magtutudlo nangutana: ‘Unsa nga makusog nga mini nga pagtoo ang makalimbong sa hunahuna kay sa pagpakaaron-ingnon nga kamo nagatukod sa husto nga patukuranan ug nga ang Dios nagadawat sa inyong mga buhat, nga sa tinud-anay kamo nagabuhat sa mga butang sumala sa kalibutanon nga pamaagi ug nagapakasala batok kang Jehova?’...

“Akong nakita ang atong Magtutudlo nga nagatudlo sa sapot sa gitawag nga pagkamatarung. Sa gikuha ang ilang sapot, Iyang gipakita ang ilang kahugawan. Ug Siya miingon kanako: ‘Wala ba nimo makita kung giunsa nila pagtabontabon ang ilang kahugawan ug ang kadunot sa ilang kinaiya? “Naunsa nga ang matinumanon nga siyudad nahimo nga bigaon”! Ang balay sa akong Amahan gihimong balay baligyaanan, dapit sa diin ang balaan nga presensiya ug ang himaya mibiya.” Testimonies, vol 8, p 247-250.

Busa si Jesus wala nakighiusa, o kabahin sa bigaon nga Iglesia Adventista del Septimo Dia! Ug kita usab (Juan 12:26). Apan si Jesus mibulag ug milahi gikan sa Iglesia Adventista del Septimo Dia, ug Siya nagatawag sa katawohan diha sa Iyang mga bukton sa paggawas gikan sa tanang kahugawan, halayo gikan sa tanang apostasiya sa Iglesia Adventista del Septimo Dia, ug moduol ngadto sa Iyang malig-on ug mahigugmaon nga mga bukton sa gawas sa mga iglesia.

Ang mensahe sa Naulahing Ulan ug ang makusog nga singgit-mga pangutana sa kinabuhi ug kamatyon! Kini mao ang katapusan nga mga mensahe sa kalooy nga igahatag sa nanagpuyo niining makasasala nga kalibutan. Kung ang mensahe sa Naulahing Ulan sa pagdaug sa tanang sala sa dili pa moabot si Jesus (AA 531) isalikway ug ipadaplin, ang pultahan magasira -- ang kaluwasan sa matag-usa magasira samtang ikaw buhi pa. Ug alang sa kaluwasan nga magasira samtang ikaw buhi pa, unsa ang mahitabo sa langitnon nga santuwaryo sa taas? Ang paghukom gipahamtang na batok sa imong pangalan!

Kung ang mensahe sa Naulahing Ulan gidawat, apan ang mensahe sa makusog nga singgit sa pagpagawas gikan sa mga iglesia imong gisalakway ug gipadaplin, nan ang pultahan magasira -- ang kaluwasan magasira alang kanimo nga nakaako sa pagyatak sa pulong sa Dios; ug kini magasira samtang ikaw buhi pa. Ang paghukom igapahamtang na batok sa imong pangalan sa langitnon nga santuwaryo! Tungod kay kining bililhon nga mga mensahe konektado man sa pahukom sa mga buhi!

“Kadtong nakabaton na sa kahayag sa kamatuoran, ug nakadungog sa mensahe sa pasidaan, nakadungog na sa imbitasyon sa panihapon sa kasal -- mangunguma, negosyante, abogado, mga mini nga magbalantay nga nagpahilum sa mga pagtoo sa mga katawohan, ang dili matinumanon nga mga magbalantay nga wala mohatag sa pasidaan o nahibalo sa takna sa kagabhion -- ang tanan nga nagdumili sa pagtuman sa mga balaod sa ginharian sa Dios, dili makabaton ug katungod diha niana.” Testimonies to Minsiters, p 235.

Sa kadugayon nga si Satanas makapugong sa katawohan diha sa kalibog, siya makatigum ug daghang mga kalag alang sa iyang ginharian, nga magadala kanila ngadto sa kalaglagan. Ug siya magagamit sa bisan unsa nga ahente sa tanan niyang mahimo sa pagpasimang sa mga hunahuna ug pagpugong sa katawohan gikan sa pagpaminaw, pagsabot ug pagsunod niini nga mga mensahe. Sa pinasahi siya magagamit niadtong nagadawat ug nagawali sa pagkamatarung ni Cristo- kagawasan sa tanang personal nga sala -- apan nagasalikway sa mensahe sa makusog nga singgit sa pagpagawas gikan sa ilang iglesia nga nag-apostasiya.

Kini nga mga ahente sa yawa nagatudlo sa katunga sa mensahe, ug magapatoo sa katawohan nga mao na kini ang tibuok mensahe, samtang ilang gisalikway ang laing katunga sa mensahe sa maayong balita sa pagpagawas sa katawohan gikan sa mga iglesia. Busa sila nagapakita nga matarung apan sa tinuod sila nagaserbisyo sa ilang ginoo nga mao si Lucifer. Ang Dios nagpasidaan kanato:

Busa makaila kita sa mga ahente ni Satanas pinaagi sa ilang bunga -- o pinaagi sa mga mensahe nga ilang ginawali. Kung sila wala nagawali sa tibuok maayong balita; kung sila nagadumili sa paghatag, o nagapugong sa katawohan sa pagsunod sa mensahe sa Naulahing Ulan o sa makusog nga singgit, nan ilang ginapaila ang ilang kaugalingon nga mga ahente ni Satanas -- nahibaloan man nila kini o wala!

Ang kadaghanan dili modawat niini, apan mosalikway sa mensahe, ug sa pagbuhat sa ingon, nagasalibay sa “ilang katapusan nga paglaum sa kaluwasan.” Sa pinasahi ang kadaghanan sa mga Adventista nagasalikway sa mensahe sa makusog nga singgit sa pagbulag gikan sa ilang Babilonia nga mga iglesia. Ang ting-ani magalabay lamang kanila; ang paghukom igapakanaug kanila samtang sila buhi pa; ang kaluwasan nagasira; ug ang ilang katapusang paglaum sa kaluwasan mawala sa walay katapusan. Ug sa katapusan nga ilang mahibaloan kini, sila magaawit sa labing mapait ug makusog nga awit sa pagmahay!

“...adunay daghan, daghan sa atong mga iglesia ang nahibalo ug diyutay sa tinuod nga kahulogan sa kamatuoran alang niining panahon....Oh, pipila sa mga wala mangita sa kaluwasan sa ilang mga kalag ang sa madali makahimo sa ilang mapait nga pagpangasubo: ‘ang pagpangani miagi na, ug ang ting-init natapos na, ug kita wala mangaluwas (Jeremias 8:20).’” Testimonies, vol 8, p 252.

Ngano nga ang atong katawohan dili makakita ug makamata ngadto sa solemne nga kamatuoran kung unsay nagakahitabo karon? Nganong dili nila makita ang mga isyu sama sa pagkakita sa Dios kanila, sa baylo sa laing tawo nga nagsulti kanila? Ang mensahe sa pagpangani sa Naulahing Ulan ug sa makusog nga singgit nagapadayon. Kadtong nakamata, nagatuon ug nagadawat niining mga bilihon nga mga mensahe ginaani pagawas sa iglesia. Samtang kadtong nakamata, apan nagdumili sa pagtuon, ug nagaslikway niining mga mensahe pagaagian lamang, ug ang pagpangani mahuman- magabilin kanila sa pag-antus sa sama nga silot sa ilang bigaon nga iglesia.

“Ang mensahe sa manolonda (Pinadayag 18) nga nagasunod sa ikatolo kinahanglan ihatag karon sa tanang dapit sa kalibutan. Kini mao ang mensahe sa pagpangani, ug ang tibuok yuta maiwagan sa himaya sa Dios. Ang Ginoo aduna niining usa ka (katapusan) pagtawag sa kalooy nga igahatag sa kalibutan, apan ang pagkamasinupakon sa tawo nagapasimang sa buhat gikan sa iyang tinuod nga katuyoan, ug ang kahayag kinahanglan nga makigbisog taliwala sa kangitngit sa katawohan nga nagabati sa ilang kaugalingon nga makahimo sa pagbuhat sa usa ka bulohaton nga ang Dios wala naghatag kanila nga pagabuhaton.” Last Day Events, p 78 (Letter 86, June 18, 1900).

Busa, ang panahon sa pagpangani mahitabo kung kini nga mga mensahe sa Naulahing Ulan ug ang makusog nga singgit mahiusa ug sa klaro ikapresentar ngadto sa mga katawohan. Ug ang mga pagdesisyon mahimo dapig o batok niining mensahe sa nasirhan nga pultahan. Kini nagakahulogan nga ang panahon sa pagpangani dili usa ka umalabot nga hitabo, sama sa balaod sa Domingo, apan nagakahitabo sa panahon nga ang mga katawohan nakadungog niining bililhon nga mga mensahe.

Kadtong nagapili batok ug nagasalikway niini nga mga mensahe nagapamatuod sa ilang kaugalingon nga dili takus sa kinabuhing dayon, ug nagatagana alang sa kalaglagan nga wala nay ikaduha nga higayon. Nagkahulogan nga ang ilang kaluwasan nagasira samtang sila buhi pa! Nagakahulogan nga ang ilang mga kaso nadesisyonan na didto sa langit! Nga nagakahulogan nga ang paghukom alang sa mga buhi nagsugod na alang kanila sa matag-usa.

Busa ang panahon sa pagpangani nagakahitabo sa diha nga kining duha ka mensahe gihiusa nga nagakaangay ug ginapresentar sa klaro ngadto sa katawohan -- nga nagasugod sa paghukom sa mga buhi diha kanila (Testimonies to Ministers, p 234) sa katapusan sa panahon sa ilang kaluwasan (Christ’s Object Lessons, p 72) sa matag-usa! (alang sas dugang kasayuran mahitungod sa pagpangani, palihug sulat alang sa balasahon “The Wheat and Tares” diha sa address nga gihatag sa atubangan niining balasahon.)

Ug panahon na sa paghatag niining bililhon nga mensahe sa kinabuhi ug kamatayon karon. Kini usa ka seryoso, apan labing bililhon nga mensahe nga giandam sa Dios alang sa kalibutan. Apan si Satanas nagabuhat sa hilabihan sa pagpugong sa katawohan nga magpabilin sa kalibog mahitungod sa panahon niining mga mensahe, nga nagatudlo kanila ngadto sa umalabot nga “Sunday law” sa diin siya nagasulti nga panahon na alang niini nga mensahe nga kinabuhian ug igahatag; nga karon na man ang panahon. Mao kini ang hinungdan nga siya hilabihan ka aktibo sa paggapus sa katawohan ngadto sa ilang mga iglesia nga nag-apostasiya, aron nga ilang isalikway ang mensahe sa makusog nga singgit pinaagi sa dili paggawas gikan sa iglesia, ug sila magadawat sa mga hampak nga ginadala ngadto sa impiyerno kauban sa ilang bigaon nga iglesia. Ug bisan motoo ka man o dili, ang katapusang makaluwas nga mensahe sa kalooy nagapadayon karon!

“Ang buhat nga pagabuhaton karon mao ang pagsulti niining katapusang mensahe sa kalooy alang sa kalibutan....Ang pulong magatubo nga halalum ug mahimo nga labing makugihon niining nagahinapos nga kapanahonan. Ug ang tanan nga nagapangabudlay kauban sa Dios magamakugihon alang sa pagtoo nga kanhi gikahatag ngadto sa mga balaan. Dili sila mahimo nga ipahimulag gikan sa presente nga mensahe, nga nagasugod sa pag-iwag sa yuta sa Iyang himaya. Walay butang nga angay pakigbisugan gawas sa himaya sa Dios. Ang bugtong bato nga magabarug mao ang Bato sa tanang katuigan. Ang kamatuoran nga anaa kang Jesus mao ang salipdanan niining katapusan nga adlaw sa sayop.” Selected Messages, book 2, p 114.

“Ang mensahero milingi sa katilingban ug miingon, ‘Nagatoo ka ba sa mga tagna? Nahibalo ka ba sa kamatuoran, nakasabot nga ang katapusang mensahe sa pasidaan sa karon gihatag sa kalibutan, -- ang katapusang tawag sa kalooy sa karon ginapaminawan. Nagatoo ka ba nga si Satanas nanaug uban ang dakung gahum, nga nagabuhat uban ang tanan nga pagkamalimbongon sa pagkadilimatarung sa matag dapit? Nagatoo ka ba nga ang dakung Babilonia nahinumduman sa atubangan sa Dios, ug nga sa madali siya magadawat gikan sa kamot sa Dios ug duha ka pilo tungod sa iyang mga sala ug mga kasaypanan?’...Kung ang kaaway makahimo sa pagpagawas sa mga magbubuhat gikan sa kaumhan pinaagi sa pagpakaaron-ingnon, iyang pagabuhaton.” Fundamentals of Christian Education, p 362-363.

Ang Iglesia Adventista del Septimo Dia nagsalikway niining katapusan nga mga mensahe sa kalooy, ug nagasulay sa pagpatay kanila. Busa ang Dios nagsalikway kaniya isip Iyang iglesia. Siya nagkuha sa tangkawan ug nagkuha sa Iyang Balaan nga Espiritu gikan sa Iglesia Adventista del Septimo Dia, ug Iyang gihatag ngadto kanila nga naghatag ug bili niini. Ug ang inahan nga Iglesia Adventista del Septimo Dia gitagana nga pagalaglagon, kauban sa tanan niyang kaanakan nga nagagunit kaniya ug nagapabilin nga kabahin niya! Ug ngano nga ang atong katawohan wala makakita niini?

“Pakiglalis kamo sa inyong inahan (SDA chruch), pakiglalis, kay siya dili Akong asawa, ni Ako iyang bana; Oo sa iyang mga anak Ako dili na magabaton ug kalooy; Kay sila mga anak sa makihilawason; Kay ang ilang inahan makihilawason; siya nga nanamkon kanila nagbuhat sa ingon sa dakung kaulawan kay siya nag-ingon: Ako moadto sunod sa akong mga hinigugma, nga naghatag kanako sa akong tinapay ug sa akong tubig, sa akong balhibo sa carnero, ug sa akong lino, ug sa akong lana ug sa akong ilimnon.”

“Magmatngon kamo sa bakakong mga manalagna nga moanha kaninyo nga nagasaput sa pagkacernero; apan sa sulod nila, sila mao ang mga lobo nga manunukob. Tungod sa ilang mga bunga maila sila ninyo. Makakuha ba ang tawo ug parras gikan sa mga sapinit, kon igos gikan sa bunglayon? Sa maong pagkaagi, ang tanang maayong kahoy magadala ug maayong bunga; apan ang dautang kahoy magadala ug dautang bunga. Ang maayong kahoy dili magadala ug dautang bunga, ang dautan usab nga kahoy dili magadala ug mga maayong bunga. Ang tanang kahoy nga wala magadala ug mga maayong bunga, ginaputol ug ginasugnod sa kalayo. Busa tungod sa ilang mga bunga maila ninyo sila.” Mateo 7:15-20.

Si Cristo sa klaro nagsulti nga pinaagi sa pagsusi sa mga bunga nga ginapakita, dili nato maila sila sa bahin lang, o mahimong mailhan sila, - apan ato silang mailhan. Ngano nga ang atong katawohan nga Adventista nagagunit sa “kini ang giingon sa tawo” o sa “Kini ang giingon sa iglesia” o “Kini ang giingon kung unsay gihunahuna sa akong kasingkasing”? Ngano nga dili sila makagunit sa baylo sa “Kini ang giingon sa Ginoo”? Ngano nga ang atong katawohan dili makakita sa klaro? Basin tungod kay dili sila buot nga makakita sa klaro. Basin tungod kay dili sila buot nga maminaw o mosabot nga ang ilang minahal nga iglesia wala angkona ug gisalikway sa Dios tungod sa iyang mapadayonon nga pagsupak ug pag-apostasiya nga sa diin siya magagunit hangtud sa mapait nga katapusan.

Kung sa tinud-anay ikaw buot nga mopauli sa langit ug makig-uban sa atong bulahan nga Amahan ug sa atong Manluluwas nga si Jesu-Cristo, nan panahon na nga dawaton, tumanon, kinabuhian, ug ipatigbabaw ang imong tingog sa makusog nga paghatag niining katapusang makaluwas nga mga mensahe sa Naulahing Ulan, -sa pagkamatarung ni Cristo, ug ang makusog nga singgit -sa pagpagawas sa katawohan gikan sa tanang mag iglesia karon. Panahon na sa paghatag niining kompleto ug nagakauyon nga maayong balita sa walay lipodlipod nga kaisug ug gahum (Evangelism, p 230); nga mao ang magadala sa “Sunday law”, ug sa krisis, ug ang katapusan niining dako nga pagpakig-away.