Tanzanian Laodicea

Laodikia ni nini? Wengi wetu wanajua kwamba Laodikia ni “uvuguvugu” na “unyonge, na kuwa na mashaka, na maskini, na kipofu, na uchi” (Ufu 3:16-17). Lakini hiyo ndiyo yote katika kuelezea Laodikia? Lazima tuwe na maarifa ya wazi na kamili ya kile kilicho Laodikia kabla hatujaweza kupambanua na kuepuka kutoka ndani yake na laana yake ya kutapikwa. Kwa hiyo Laodikia ni nini?

Laodikia ni sawa na wanawali wapumbavu – ambao mlango wa rehema ulifungwa wakati walipokuwa hawana Kristo (angalia Mathayo 25:10-13). Lakini hii siyo yote; pia tunaambiwa kingine kabisa juu ya wanawali wapumbavu au Walaodikia.

“Shetani huwatumia wale wanaodai kuamini ukweli, lakini ambao nuru yao imekuwa giza, kama wakala wake kunena madanganyifu yake, kueneza giza lake. Ni wanawali wapumbavu hakika, wakichagua giza kuliko nuru, na kutomheshimu Mungu.” Review & Herald, August 19, 1890 (gombo la 2, ukr. 419).

Kwa hiyo Walaodikia, au wanawali wapumbavu, ni mawakala wa Ibilisi ili kueneza madanganyifu na giza kwenda mbali na kwa upana. Na ni kambi ngapi tofauti zilizopo katika siku hizi za mwisho na kizazi? Kuna kambi mbili tu katika pambano hili kuu – kambi ya Mungu, ambayo ni ufalme wake wa haki, au kambi ya Shetani, ambayo ni ufalme wake wa Babeli. Kuna kambi mbili tu ambazo tunaweza kuwa washirika katika kipindi hiki cha mwisho cha rehema kabla ya ujio wa pili wa Kristo. Sisi sote tu sehemu ya kambi na Kanisa la Mungu, au sehemu ya kambi na Kanisa la Ibilisi.

Ni kambi ipi na Kanisa ambayo Laodikia inakuwa sehemu? Wengine wanaamini kwamba Laodikia inafanyiza kambi maalum ya tatu. Wanaamini kwamba kuna Kanisa la Mungu, Kanisa la Shetani, na Kanisa la Laodikia katika siku hizi za mwisho. Lakini kwa sababu kuna mamlaka mbili tu ambazo tunaweza kushikamana nazo – ya Kristo au ya Shetani, basi kuna kambi mbili tu na Makanisa mawili leo. Ni Kanisa la Kristo, au Kanisa la Shetani: ni Masalio wa Mungu, au Babeli!

Kama hii ilivyo kweli, basi ni lipi kati ya Makanisa haya mawili ambalo Laodikia ni sehemu? Mungu anatwambia kwamba Laodikia ni wakala wa Ibilisi, ambayo ina maana kwamba wao ni sehemu ya Kanisa la Shetani la Babeli.

Lakini inawawezekana Kanisa liwe sehemu ya Babeli na liwe laodikia kwa wakati mmoja? Watu walio wengi wanaamini na wangesema: “Hakuna kabisa – Kanisa ni la Kibabeli au Kilaodikia, lakini haliwezi kuwa sehemu zote mbili kwa wakati mmoja. Kama Kanisa ni la Kilaodikia, basi haliwezi kuwa la Kibabeli, na vinginenevyo.” Lakini huu ndiyo msimamo wa kweli wa kushikilia na kutetea? Je, Kanisa laweza kuwa la Kilaodikia na Kibabeli kwa wakati mmoja?

Babeli iliyoanguka ni msimamo kuhusiana na Mungu, na Laodikia ni hali kuhusiana na Mungu. Kwa hiyo Kanisa linaweza kuwa katika msimamo wa Babeli, na bado likawa katika hali ya Laodikia kwa wakati mmoja. Mungu anawaambia watu wake wazi wazi:

“Wito kwenye karamu ya injili utatolewa kwanza katika njia kuu. Lazima utolewe kwa wale wanaodai kuwa katika njia kuu za maisha ya Kikristo – kwa washiriki wa Makanisa tofauti. ‘Yeye aliye na sikio, na alisikie neno hili ambalo Roho ayaambia makanisa.’ Ufu 2:7. Katika Makanisa haya kuna wateule katika ibada na kuna waovu katika ibada…Onyo kwa Kanisa la mwisho pia lazima litangazwe kwa wote wanaodai kuwa Wakristo. Ujumbe wa Laodikia, kama upanga wenye ncha mbili, kali, lazima uende kwa Makanisa yote.” Testimonies, gombo la 6, ukr. 76-77.

Ujumbe wa Laodikia “lazima utolewa kwa washiriki wa Makanisa tofauti” ambapo inamaanisha Uprotestanti ulioasi. Sasa ni lini Makanisa ya Kiprotestanti yalikuwa Babeli? Mwaka 1844. Sasa hata kama Makanisa ya Kiprotestanti ni Babeli, Mungu alieleza kuwa ujumbe wa Laodikia lazima utolewe kwao pia! Hii inathibitisha kuwa Kanisa linaweza kuwa Babeli na Laodikia kwa wakati mmoja: moja haitengi nyingine. Kanisa linaweza kuwa katika msimamo wa Babeli, na pia katika msimamo wa Laodikia kwa wakati mmoja.

Biblia pia hutuambia kwamba Kristo na Shetani hawana ushirika, kwamba hawana mapatano au ushirka pamoja (angalia 2 Kor 6:14-16). Kutokana na kwamba Laodikia ni kambi ya Shetani, basi Kristo yuko wapi? Hawezi kuwa sehemu ya Kanisa la Laodikia! Mungu anawafahamisha watu wake wazi:

Kwa hiyo Kristo siyo sehemu ya Kanisa la Laodikia la Shetani! Uwepo wake hauko pale. Kristo na Beriari hawana ushirika wala makubaliano ya pamoja, na wala wafuasi wao hawawezi kuwa nao (2 Kor 6:17-18). Tuko upande wa, au kinyume cha Kristo (angalia Mt 12:30). Tu sehemu ya, au kinyume cha Kristo (angalia Mk 9:40). Tuko kwa ajili ya, au kinyume na Kristo (angalia Lk 9:50). Na kama tuko kinyume cha Kristo, basi sisi ni nani? Wapinga Kristo! Kama tuko kinyume na Kristo, tu wapinga Kristo. Na wapinga Kristo wako wangapi? Kuna wapinga Kristo wengi – hasa siku hizi za mwisho (angalia 1 Yoh 2:18).

Kanisa la Laodikia kwa uhakika ni Mpinga Kristo, na bado wanadhani kwamba wako upande wa Kristo! Ndiyo maana ni vipofu kuweza kuona udanganyifu mkuu waliomo, na udanganyifu wa kutisha waliogubikwa nao. Kwa hakika hawana Kristo. Kristo amesimama nje ya Laodikia, na anabisha kwenye mlango wao apate kuingia (angalia Ufu 3:20). Hii ina maana kwamba Kanisa halina kabisa Mwokozi ndani yake, halina Kristo.

Je, tunataka kuwa sehemu ya, na washiriki katika, Kanisa lisilo na Kristo la Laodikia? Hasha, kwa sababu kama halina Kristo, basi ni nani anayelitawala? Ibilisi. Na je, tunataka kushikamana na Kanisa linalotawaliwa na Ibilisi la Laodikia? Hasha, kamwe kabisa ikiwa tunataka kuwa na mbingu kama nyumbani kwetu. Lakini kwa muhimu zaidi, tunataka Laodikia kushikamana nasi?

Tunaweza kuondoa ushirika wetu na kujitenga kutoka katika Kanisa lililoanguka la Laodikia, kama tulivyotakiwa na tunavyopaswa kufanya. Lakini swali halisi ni: JE, TUMEITENGA LAODIKIA KUTOKA KWETU? Kama hatujaitenga Laodikia kutoka katika mioyo yetu, basi tungali kinyume cha Kristo. Hata kama kimwili tungekuwa tumejitenga kutoka katika Kanisa lisilo la Kikristo, kama hatujatenga Laodikia kutoka mioyoni mwetu, bado tutakuwa hatuna Kristo, bado tutahukumiwa, na bado tutapoteza uzima wa milele.

Mfano huu wa ukweli usio wa kufurahisha na wa kutisha unaweza kupatikana katika Agano la Kale – unahusu mkewe Luti. Kimwili alikuwa amejitenga kutoka Sodoma na Gomora kabla haujateketezwa, lakini bado aliangamia katika uharibifu ule ule. Kwa nini? Kwa sababu moyo wake ulikuwa haujabadilika. Moyo wake na upendo vilikuwa vingali vimeshikamana na Sodoma na Gomora! Kwa hiyo hata kama alikuwa amejitenga kimwili kutoka katika mji mwovu, moyo wake ulikuwa bado ni sehemu yake, na aliangamia katika uharibifu ule ule. Na kitu hicho hicho kitatokea kwetu leo.

Ninaamini kwamba nafasi hii – ya kujitenga kimwili kutoka katika Kanisa lisilo na Kristo la Kilaodikia, na bado hatutengi Laodikia kutoka mioyoni mwetu – ni udanganyifu mkuu kuliko wale ambao bado wako katika Kanisa hilo. Kwa nini? Kwa sababu tunapokuwa tumejitenga kimwili kutoka katika Kanisa la Kilaodikia, tunaamini kwamba tumeshakwepa laana yao, na kama bado hatujawa na badiliko lolote la moyo, kwa kweli tungali katika udanganyifu mkuu kuliko wale ambao bado wameshikamana na Kanisa lililoasi. Makundi yote mawili yataangamizwa kwa kuwa ya Kilaodikia, na bado wale waliojitenga kutoka katika Kanisa, lakini si kutoka katika ulaodikia, watadhani kwamba wanakwenda mbinguni na hawatahukumiwa pamoja na Kanisa. Na katika udanganyifu huu, ni hitaji gani wanaliona la kubadilisha mwenendo wao? Hivyo, Ibilisi amewafunga vizuri katika mtego wake.

Sasa kwa wale ambao wameona na kufahamu kwamba Kanisa lisilo na Kristo la Kilaodikia limeanguka, na wamechagua kufuata ukweli wa Mungu na kuondoa ushirika wao wote na mshikamano na kujitenga kimwili kutoka kwake, tunajuaje kwamba tungali katika hali ya Laodikia wenyewe? Tunajuaje kama tumeathirika kwa ulaodikia na bado hatuko ndani ya Kristo? Tunajuaje? Lazima tuchunguze maelezo ya ufafanuzi na matendo ya Laodikia, kisha tulinganishe maisha yetu na maelezo haya ya ufafanuzi, na tuone kama tunafanya baadhi ya mambo hayo hayo. Na kama tunayafanya, basi hili linatuonyesha kwamba tungali sehemu ya Laodikia. Hivyo, tuko kinyume cha Kristo. Na mpaka tutakapokiri hili kwa unyenyekevu, kutubia makosa haya na kuondoa ulaodikia kutoka mioyoni mwetu, tukimsihi Mungu kututakasa kutoka katika takataka na madoa ya dhambi, tukidhamiria kutozama tena katika hali hii lakini kusonga mbele kutokana nayo na kwenda juu katika njia nyembamba, basi hatutapokea muhuri wa Mungu (angalia Bible Commentary, gombo la 7, ukr. 963).

Wakati tumenajisiwa na ulaodikia, hatuwezi kutumiwa na Mungu (angalia General Conference Daily Bulletin, Februari 28, 1893). Na kama tukiendelea katika hali hii ya Ulaodikia, basi hatima yetu ni kuanguka katika hasira ya Mungu na mapigo saba ya mwisho – kuangamizwa pamoja na wengine wote walio Babeli (angalia Manuscript Releases, gombo la 19, ukr. 176).

Basi, nini ufafanuzi wa Walaodikia? Kabala hatujaanza kuangalia katika baadhi ya maelezo ya ufafanuzi, nachelea kwamba wengi wa ndugu zetu na dada, hasa wale ambao wamekuwa katika imani muda mrefu, hawatachunguza maisha yao kuona kwa undani kama kweli ni Walaodikia. Watakataa kuufanyia kazi ujumbe huu katika maisha yao, wakidhani kwamba unahusiana na wengine tu. Na kwa kufanya jambo hili hasa, wanaonyesha kwamba wao ni Walaodikia kabisa.

Kwa hiyo kama tukijikuta wenyewe tunasema, “Hapana, ujumbe huu haunihusu. Unamhusu mtu mwingine,” basi hii inatuonyesha sisi kuwa ni nani? Walaodikia! Kusema kweli, kama tukipuuza ujumbe huu na tusiufanyie kazi katika maisha yetu, basi tutaondolewa mbali kutoka kwa Mungu!

Je, Mungu atafanya nini kwetu kama tukipuuza ujumbe huu na kukataa kuufanyia kazi wenyewe kuona kama tu Walaodikia? Atatutupilia mbali kama watu tusiositahiri uzima wa milele. Je, unataka kupoteza taji yako? Je, unataka kumpoteza mwokozi wako?

Kama tukiweka kizingiti katika mioyo yetu kwa kutoamini, basi Mungu hawezi kufanya kazi kikamilifu katika mioyo yetu; kuondoa ulaodikia. Hivyo, tabia zetu haziwezi kubadilishwa, tunakoma kusonga mbele kwenda juu katika ile njia nyembamba na iliyosonga, na tuko hatarini kuanguka na kutupiliwa mbali. Mungu hataki kuona watu wake wowote wakitupwa ambao wamesafiri njia yote – hasa wale waliojitenga kutoka katika Makanisa yanayotawaliwa na Ibilisi ya Laodikia. Na ni kutokana na upendo huu usio na kipimo kwetu kwamba ujumbe huu umetolewa.

Tafadhali usiufungie nje ujumbe huu wa Laodikia kwa kutoamini – hasa wale ambao kwa miaka wamekuwa katika ujumbe huu wa thamani wa kutengana. Tafadhali usiupuuze. Usiufungie nje kwa kujitetea mwenyewe binafsi ukisema, “Je, hakuna wengine ambao wanahitaji masahihisho haya haya?” Manuscript Releases, gombo la 11, ukr. 289. Tafadhali usiruhusu viambaza vya kujikinga kuingia kwenye mstari wa kupokea na kuufanyia kazi ujumbe huu katika moyo wako. Lakini kwa maombi sikiliza kila maelezo ya ufafanuzi yaliyotolewa na tendo lililoorodheshwa, na chunguza maisha yako kuona kama yanafaa. Na usisikilize tu mifano ile ambayo haipatani nawe, na kisha kwa kujiamini upuuze kile kinayohusiana na wewe. Lakini mwombe Roho Mtakatifu kukuthibitishia juu ya dhambi, na haki, na hukumu. Omba sana ili moyo wako na maisha vipate kutakaswa, kwamba upate kubadilishwa – ukikua kutoka utukufu hadi utukufu, kutoka tabia hadi tabia katika kufanana na maisha ya Kristo kupitia maisha yako mwenyewe; kukua katika umbo kamili la akina baba na mama katika Kristo.

244. Hawatambui kuwa sikukuu, sabato zake, na miandamo ya miezi viliondolewa wakati wa kifo cha Kristo – Kol 2:16-17; Manuscript Releases, gombo la 7, ukr. 333-334; gombo la 5, ukr. 210; Fundamentals of Christian Education, ukr. 398.

Sasa wengine watachagua kuinuka kinyume na ushuhuda yakinifu na kupigana nao. Lakini kwa kufanya hili wanaonyesha kuwa ni laana kwa kazi ya Mungu badala ya mbaraka. Tunajua kwamba shida zitatokea, na shida hizi zitapalilia na kuwapepeta watoke nje wale ambao hawako tayari kumfuata Mungu katika kila hatua ya safari yao. Lakini wale ambao kwa hiari wako tayari kumfuata Mungu kikamilifu watatiwa nguvu na kuunganishwa.

Ellen White alionyeshwa njozi inayoelezea wakati ambao tunaishi ndani yake sasa. Njozi hii ilihusika na makundi mawili ya watu – kundi la kwanza lilikubali ujumbe wa Laodikia na kuindoa katika mioyo yao, wakati kundi jingine lilikataa ujumbe na kuendelea kuishi maisha ya Kilaodikia. Alionyeshwa pia nini kilitokea kwa kila kundi baada ya kufanya maamuzi yao: tafadhali soma kwa makini:

“...nalionyeshwa watu wa Mungu, na nikaona wamepepetwa kwa nguvu. Baadhi, waliokuwa na imani imara na maumivu katika kuomboleza, walikuwa wanamsihi Mungu katika maombi. Nyuso zao zilikuwa zimekwajuka rangi, na kughubikwa na mashaka makubwa, zikieleza pambano lao la ndani. Uthabiti na bidii kuu vilielezwa katika nyuso zao, wakati matone makubwa ya wanayoyatazamia yalianguka kutoka kwenye nyuso zao. Sasa na baadaye nyuso zao ziliangaza kwa alama za kukubaliwa na Mungu, na tena sura ile ile ya huzuni, bidii, na mwonekano wa wasi wasi vingekaa juu yao....

“Baadhi, naliona, hawakushiriki katika kazi ya kujitaabisha kwa maombolezo na kusihi. Waliona vema kutokuwa na tofauti na kujali. Walikuwa hawapingi giza lililowazunguka, na liliwazingira na kuwafunika kama wingu nene. Malaika hawa wa Mungu waliwaacha hawa, na naliwaona wakiharakisha kuwasaidia wale ambao walikuwa wanapambana kwa nguvu zao zote kuwapinga malaika waovu, na kujaribu kujisaidia wao wenyewe kwa kumwita Mungu kwa bidii. Lakini malaika waliwaacha wale ambao hawakufanya jitihada kujiokoa wenyewe, na sikuwaona tena. Kadiri ambavyo wale waliokuwa wakiomba walivyoendeleza vilio vyao kwa bidii, mwale wa nuru kutoka kwa Yesu ungekuja kwa wakati kwao, kutia nguvu mioyo yao, na kuangaza nuru nyuso zao.

“Naliuliza maana ya mpepeto niliouona, na nikaonyeshwa kwamba ungesababishwa na ushuhuda yakinifu uliotolewa na shauri la Shahidi wa Kweli kwa Walaodikia. Huu utakuwa na mguso katika moyo wa anayeupokea, na utamwongoza kuinua kiwango na kutoa ukweli wa wazi. Wengine hawatapeleka ukweli huu wa wazi. Watainuka kinyume chake, na hii itasababisha mpepeto kati ya watu wa Mungu.

“Ushuhuda wa Shahidi wa kweli bado haujafuatwa hata nusu. Ushuhuda wa huzuni ambao kwao hatima ya Kanisa imesimama umechukuliwa bila uzito, kama si kutupiliwa mbali kabisa. Ushuhuda huu lazima ufanye kazi ya kuleta toba ya dhati, na wote wanaoupokea kweli kweli watautii na kutakaswa nao....Usikivu wangu uligeuzwa tena katika kundi nililokuwa nimeliona, ambao walipepetwa kwa nguvu. Nalionyeshwa wale ambao kwanza naliwaona wakilia na kuomba kwa kilio katika roho. Kundi la malaika walinzi kuwazunguka lilikuwa limeongezwa mara mbili, na walikuwa wamevalishwa kwa silaha kutoka kwenye nyayo zao hadi utosi. Walisonga mbele katika utaratibu maalum, kwa uthabiti, kama kundi la askari. Nyuso zao zilionyesha pambano kali ambalo walikuwa wamelistahimili, pambano la kujitaabisha nafsi walilokuwa wamelipitia. Na bado sura zao, zilonyeshwa kwa vilio vya ndani ya mioyo, sasa ziling’aa kwa nuru na utukufu wa mbinguni. Walikuwa wamepata ushindi, na ulitafuta kutoka ndani shukrani za dhati na furaha takatifu iliyotakasika.

“Idadi ya kundi hili ilikuwa imepungua. Baadi walikuwa wamepepetwa na kutoka nje, na kuachwa njiani. Wale wasiojali na kuonyesha tofauti, ambao waliungana na wale waliothamini ushindi na wokovu kiasi cha kuvumilia katika kusihi na kuomba kwa kujitaabisha ili kuupata, hawakuupata, na waliachwa nyuma katika giza, lakini, idadi yao kwa haraka ilijazwa na wengine walioupokea ukweli na kuja katika makundi yetu. Bado malaika waovu waliwazunguka kwa nguvu, lakini hawakuwa na nguvu juu yao.

“Naliwasikia wale waliokuwa wamevikwa silaha wakinena ukweli kwa nguvu kuu. Ulikuwa na matokeo mazuri. Naliwaona wale waliokuwa wameunganishwa; baadhi ya wanawake walikuwa wameunganishwa na waume zao, na baadhi ya watoto walikuwa wameunganishwa na wazazi. Waaminifu ambao wameshikwa au kuzuiwa wasisikie ukweli, sasa kwa juhudi zote waliusikia. Hofu yote ya ndugu zao ilikuwa imetoweka. Ukweli pekee ndiyo uliinuliwa kwao. Ulikuwa ni wa kupendeza na wa thamani katika maisha yao. Walikuwa wana njaa na kiu ya ukweli. Naliuliza ni nini kilikuwa kimeleta badiliko hili kuu. Malaika alijibu: ‘Ni mvua za masika, burudisho kutoka mbele za Bwana, kilio kikuu cha malaika wa tatu.’

Ni aina gani ya mapambano watu wa Mungu walikuwa wanayapitia? Mapambano ya ndani [ya moyo] – vita na ulaodikia. Wakati Roho Mtakatifu anapotuthibitishia kwamba tuko na hatia ya kutenda dhambi dhidi ya Mungu, ubinafsi huinuka na kusema: “Sitaacha tabia hii kamwe.” Ni nini Mungu anatutaka tufanye? Kusulubisha nafsi, na kuchukua hatua ya kwanza katika kumtii kwa nguvu ya utashi wetu. Na katika kufanya hili basi atatupatia neema na nguvu kuchukua hatua inayofuata, hivyo tutaishinda dhambi hiyo. Ni pambano la ndani. Ufalme wa mbinguni uko ndani, na njia pekee ya kuupata ufalme huo ni kwa kupiganisha nguvu ya utashi wetu (angalia Lk 17:20-21: Mt 11:12; pia tuandikie kwa ajili ya kijitabu – UTASHI).

Ni nini kinaenda kutokea kama hatuweki mbele bidii kushinda ulaodikia? Nini kitatokea kama hatujitaabishi mioyoni, kuweka kila jitihada, kila ratili ya nguvu kutawala na kulazimisha utashi wetu kutembea katika ile njia nyembamba na kushinda ulaodikia katika kila sehemu ya maisha yetu? Tutafungiwa nje katika giza na Shetani, na malaika wa Mungu watatuacha katika hali yetu ya kupotea.

Ndugu zetu na dada wengi waliojitenga wataachwa nyuma, lakini idadi ya wenzetu waliojitenga kwa haraka itajazwa na wengine wanaoingia na kuchukua taji zao. Wengi wenye taji zinazong’aa sana watatangatanga na kuanguka kutoka katika sehemu zao, na watakwenda gizani. Kweli, tunaishi katika kipindi cha hatari na wakati mgumu.

Lakini ni nini kinaenda kutokea kama tukichunguza maisha yetu kuona kama tuna ulaodikia ndani yetu, na kisha tuushinde – tukiufuta kutoka mioyoni mwetu? Tutasafishwa na kuvikwa silaha kutoka kwenye nyazo zetu hadi utosi. Ushuhuda huu yakinifu kwa Laodikia siyo tu kwamba utatusafisha, lakini pia utawaunganisha watu wa Mungu pamoja ili kusonga mbele katika utaratibu sahihi.

Kwa hiyo ni nini kitatokea kama tutakataa kuondoa ulaodikia kutoka mioyoni mwetu? Malaika watatuacha katika giza, na tutakuwa tumepotea milele. Lakini ni nini kitatokea kama tukiondoa ulaodikia wote kutoka mioyoni mwetu kwa kilio cha kujitaabisha, maombi, na bidii? Malaika watatulinda sisi mara mbili, watatusaidia katika kusafisha tabia zetu, na tutapokea mvua za masika, au burudisho kutoka mbele za Bwana, au kilio kikuu cha malaika wa tatu, au nguvu kutoka juu, au Roho Mtakatifu.

“Hakuna mmoja wetu atakayepokea muhuri wa Mungu wakati tabia zetu zina doa moja au kutu kidogo juu yao. Tumeachwa kusahihisha kasoro katika tabia zetu, kusafisha kila unajisi kutoka katika hekalu la moyo. Kisha mvua za masika zitamwagwa juu yetu kama mvua za vuli zilivyomwagwa kwa mitume Siku ya Pentekoste.” Testimonies, gombo la 5, ukr. 214.

Nini kiko hatarini kwa upande wetu kuhusiana na ushuhuda huu yakinifu kwa Laodikia? Kupokea mvua za masika! Hivyo basi hatima yetu yote iko katika mizani. Je, tunatambua hili? Je, tunatambua kwamba kilicho hatarini ni kumaliza kazi ya Mungu katika dunia hii. Kilichoko hatarini ni muhuri wa Mungu aliye hai – kuweka ukweli mahali pake ili kusudi tusije tukayumbishwa (angalia SDA Bible Commentary, gombo la 4, ukr. 1161). Kitu kilicho hatarini ni maisha na Mungu wetu na Mwokozi katika umilele wote usiokoma. Je, tunatambua hili? Au macho yetu yamepofushwa kiasi kwamba tunafikiria DHAMBI ni ya thamani zaidi kuliko uzima wa milele tukiwa na Mungu wetu wa rehema?

Kama tukikataa ujumbe huu wa Laodikia, tukikataa kuufanyia kazi katika maisha yetu wenyewe na kuuondoa kwetu, basi tutachukua hatua ya kukwamisha kumaliza kazi ya Mungu. Tutakuwa pia kinyume chake yeyote anayejaribu kutuonya kwamba mlango wa rehema utafungwa kama tutaendelea katika Laodikia – tukiwaita, na ujumbe wao onyo ili kujitenga, kuwa unatoka kwa Ibilisi. Hivyo, tutapokea Alama ya Mnyama, na kupoteza uzima wa milele! Kweli, hatima ya wote “iko katika mizani” kwa kupokea au kukataa ujumbe huu wazi wa mlango uliofungwa.

“Kisha naliwaona Walaodikia. Walifanya jitihada za nguvu. Je, watapata ushindi?...Wanafika kwenye miisho ambayo inawaleta katika maeneo ya karibu, na hawawezi kueleza walipo wenyewe, kwa sababu wamepotea katika ukungu mzito, kuna utisho mkubwa ambao unawaghubika. Kitisho kikuu cha roho kitawashika. Wanaweza kuthubutu kukiri kwamba mlango umefungwa? Dhambi dhidi ya Roho Mtakatifu ilikuwa ni kumpatia Shetani kile ambacho ni cha Mungu au ambacho Roho Mtakatifu amekifanya. Walisema mlango uliofungwa ni wa Ibilisi na sasa wanakiri ni kinyume cha maisha yao wenyewe. Watakufa kifo.” Manuscript Releases, gombo la 13, ukr. 301-302.

“Tunahitajika kutafakari kwa dhati mazoea na matendo yetu, na kuondolea mbali mivuto yetu ya kidhambi na tamaa zinazotuvuta. Nimekuwa na nuru juu ya jambo hili kutoka kwa Mungu, na nimekuwa napanga kutoa nuru hii kwa watu wetu...Ningeweza kuandika kurasa na kurasa juu yake; lakini nahisi kuwa mzito juu ya mambo haya kiasi kwamba nachelea kuchukua kalamu yangu katika mikono yangu.

“Ninawaambia, ndugu yangu na dada, tunaishi katika hali ya Kilaodikia...Kama kuna kipindi ambacho mtu yeyote alihitaji kuanguka kwenye mwamba na kuvunjika, ni watu wa California na wote katika Kanisa letu...Tunapaswa kuamka na kutenda kazi kama mtu mmoja. Tunatakiwa kuwa na bidii na hai. Hofu kubwa juu ya hofu kubwa inafuata katika uharibifu wa maisha ya mwanadamu. Lakini bado mambo haya yanapata maelezo kidogo tu. Ulimwengu hautaonywa: lakini siku ya Bwana inakuja bila kujua, kama mwivi wakati wa usiku.” Spalding and Magan, ukr. 45.

Wakati ni mfupi sana, na Shetani ameweka kila kitu tayari – akisubiri tu ruhusa kuuvunja katika kuharibu kwa hasira watu wetu waliosinzia. Kwa hiyo nakuomba, tafadhali usitoke kwenye sehemu ambapo unasoma kijitabu hiki mpaka umeamua kuondoa takataka zote za ulaodikia kutoka moyoni mwako na kutoka katika tabia yako. Usiondoke mpaka umefanya uamuzi huu, kwa sababu hatima yako milele iko hatarini. Tuko katika kingo za Kanaani ya mbinguni. Kitu pekee kinachotuzuia tusiende katika paradiso ya baraka ni dhambi ambayo tunachagua kuendelea kuishikilia.

Hili ni swali kuu ambalo sote tunapaswa kujiuliza wenyewe. Tutakuwa nani? Tumeachiwa kila kitu kuchagua ni hatima ipi tunatamani – kujitenga kutoka kwenye Kanisa la Laodikia na kuundoa ulaodikia kutoka mioyoni mwetu – hivyo kuvuna zawadi ya milele na Bwana wetu mtukufu, au kukaa na Laodikia na ulaodikia na kuvuna zawadi ya milele na Shetani katika uharibifu.